Aposel 6:11 - Nyindrou

¹¹ Ano, oro tamarei lau rayah tiye boho oro anya, “Aso badeh, anuhun Stiben asehek sahou ndra-in i bada Moses hawe Kindrei.”

Aposel 6:11 Referans Kwoze

1 Timoti 1:13

Jo mene bobose nyaran, ma jo mene idi iri lau tan, ma jo badeh, ndramak ta tebelese i badan. Badeh mene, tasah jo batehei budon handru bala tan bwe, ma jo bala tanan iy bala mwasin bwe. Arile, iy tikisi jo labai.

La-ukei ta Pol atorou ili tiri lau badu kon Rom 3:8

Buku sahou doh handru, sebwe taha kasehek ki buku doh ja ai, “Abo, taha kamekes kandriyen ndra-in, tasah kandriyen mwasin kameh winiyan asahan ta lakou doh.” Sebwe kandriyen i buku doh mwasin, nadeh? Bwe handru! Arile, iri lau mwan ma badih rayah anya, “Handru, sahou ta Pol buku baden eh.” Are oro mwan ma badih orou sahou ndra-in buku doh, Kindrei kameh edeu maha-an i la-u oro.

Aposel 25:7

Pol eme bolon le badeh, iri Juwis nane are Jerusalem ndrame ndrare bolo asiu doh, awudi iy ma asehek sahou boto-on ta kandriyen solo-an ndra-in ta adeu Pol ili ta mada sahou. Arile, sahou tiri bare bada ari lakou handru bwe.

Aposel 25:3

Iri Juwis badeh, aso-ok Pestus katiyaniy Pol keme Jerusalem suwi suwi, tasah iri ndratehei sahou ndrado aliy. Iri kameh atondrok ado kabede-e san ta adai Pol kimek.

Aposel 21:28

Iri arah ma aloh i buku doh, “Aha lau badu Isra-el, aha kame kaseben aso. Iy lau dah le adeh, leheya lau badu kon mara-ei, iy bobose iri lau tataha, ta kandriyen malen ta Moses, ma asiu tinan ta Kindrei ale. Ya, iy bamekes kandriyen dah le bwe. Iy akohok iri lau badu Grik ale ame bolo asiu tinan ta Kindrei, ma iri bwidi ndrahune Kindrei nane leheya iy amwenen udu aliy, ma bwidi ajah ta madan.”

Aposel 18:6

Eme iri Juwis abolosen i tan ma bobose iy badeh, iy turuhi awin tan i mada iri ma asehek i tiri i buku doh, “I buku imek asahan tado, ado sato-en ai. Lahou tek ndrano. Kabwai, udu kabatana dah kameh, jo kameh iu ili bolo iri lau badu leheleh ai.”

Aposel 15:21

Tasah, ndra bwena labai eme taku len dah, iri atiye sahou ta Moses mene torowenei udu bolo buk tan, ma udu bolo kon mari iri kandriyen malen ta batanau doh, ndrabwena labai udu aliy, ma udu bolo len mari ta tukum badeh, iri asehek ma aloh udu bolo asiu ta atukum tiri Juwis mara-ei. Eme ma iri tanan, buku iri lakou mara-ei doh, ndrabun handru.”

Aposel 6:13

Eme iri amekes budon laleyah ma iri wasai anya, “Iy lau doh badeh, asehek sahou ndra-in i bada kandriyen malen hawe kon ndrabun.

Tarou ta Jon 16:3

Iri lau kameh amekes kandriyen i buku doh ewek taha, tasah iri bala tanan aru tama bwe.

Tarou ta Jon 9:29

Ahi tanan Kindrei badeh, asehek sahou i ta Moses, arile ta i ndramak badeh, ahi tanan iy bwai, ma ahi bala tanan, iy badu heh, bwe.”

Tarou ta Jon 1:17

Kindrei edeu kandriyen malen ili mine Moses. Arile, kandriyen mwasin ta tikisiy ma ta sahou handru badeh, udu bada Jises Krais.

Aposel 26:11

Ma len solo-an badeh, jo iu ili bolo asiu ta atukum tiri Juwis, ma jo abwiyeh iri lau ta Jises doh. Ma jo atehei sahou ili ta lau rayah ta a-um iri, ma nohowa iri ta iri kabobose Kindrei. Eme ma ndrinek ibolosen labai, ma jo in hamon tiri ili, ili bolo iri kon udu len labai ta Jerusalem.

Aposel 6:10

Arile, Malawin Ndrabun badeh, edeu budon mwasin i ta Stiben asehek sahou, ya oro winiyan basehek sahou bala tan bwe.

Aposel 6:12

Eme oro mesekei ndrine iri lau hawe ndrine iri lau-en ma hawe iri Juwis ta leheya kandriyen malen towodau. Eme iri tawi Stiben ma tiyani iy ili hawe iri kansol.