Aposel 5:40 - Nyindrou

⁴⁰ Eme ma sahou tan badeh, tubuni budon toro. Eme iri luhi oro aposel ame bolon, ma ubwi oro na malou sakabuk i bek. Ano iri tiye sahou i toro, hamon oro sasehek sahou na nyara Jises ja ai, ndri-iy, ma eme iri tiye oro au.

Aposel 5:40 Referans Kwoze

Metiu 10:17

“Arile, mada ado kaleu! Ado kanyolom iri lau kamwenen. Iri kameh atehei ado ala mada iri kansol ta anuhun sahou, ya iri kameh a-um aha na bala oseu an bolo asiu tiri ta atukum, tasah ado an hamon ta sahou tek.

2 Korin 11:24

Ya, iri lau ta bwena tiri Juwis badeh, adai jo na malou sakabuk i bek san limeh, ma androm ili asahan san ma tonoh ndro ari (39).

Aposel 5:28

“Aso tiye sahou boto-on boto-on ndrawek tado, ta ado saleheya boto-on ta nyara ndramak badeh, ja ai, ndri-iy labai. Arile, ado badeh, ndramesekei bolo kon Jerusalem na leheya tado, ma ado anya kamekes aso kabwese maha-an ta ndraye ndramak badeh.”

Tarou ta Mak 13:9

“Arile, bale aha ki-in taha, tasah iri kameh ateu ado ma adeu aha a mine iri kansol ma atehei aha a ta sahou. Ya iri kameh ubwi aha an bolo asiu ta atukum tiri Juwis, ma aha kameh ales are mada iri lau ta atondrok ma hawe iri kabin. Iri amekes doh ta ado katiye sahou tek mwasin ki tiri ya iri marakon kanuhun ma katanan.

Tarou ta Luk 20:10

Eme na len ta abwe-eh buwan asahan, iy suni lohowan tan ari ili hawe oro salibah atondrok bilin waen nane dah, anya kakohok rayah buwa waen ki minen. Eme oro salibah adai iy ma tikahei iy iu na luka minen ma luka katin.

Metiu 23:34

Ado kanuhun kamwenen! Jo kameh suni iri propet ma iri lau budon tiri mwasin ma iri lau tanan mwasin ta leheya ado, ame atou ado. Arile ado kameh adai iri ra-on amak ma atahi iri ra-on ala bada kei tondreh, hawe iri ra-on kameh ado ubwi iri na malou an bolo asiu ta atukum taha. Ya ado kameh sobolon iri ereu bolo kon tinan taha ma oro kameh sakaliye au ala kon rakon ja.

Metiu 20:19

Ya oro kameh atehei iy ili mine iri lau ra-on badu leheleh, ta oro lau doh kabobose iy, ma ka-um iy na malou sakabuk i bek, ma katehei iy ki bada kei tondreh. Ya hamon ta len taloh iy kameh amak ja.”