Aposel 5:34 - Nyindrou

³⁴ Arile, ndramak ari nyaran Gamaliyel, iy tinan tiri, iy badu Parasi, iri beleben iy tinan labai. Iy badeh, ndramak ari ta leheya bolo kandriyen malen, iy ales ere loken bolo iri kansol, ma iy asehek sahou boto-on, ta iri badeh, karuwani mine iri ma oro ka manan sese op.

Aposel 5:34 Referans Kwoze

Aposel 22:3

Ma iy asehek ili le anya, “Jo badu Juwis, tine tuwi jo badeh, udu kon rakon iri aloh Silisiya udu bolo kon tinan Tasus. Arile, jo ma bwisik, jo ili akohok tanan ta leheya ma jo asahan ili awas badeh, udu kon tinan Jerusalem dah. Bolo len doh, ndramak tinan taha ari nyaran Gamaliyel badeh, leheya jo. Ma jo badeh, akohok tanan handru ta iri kandriyen malen mari ta tubu taha Moses. Jo abadok ma asahan boto-on ta in hamon le ta Kindrei, ta iri sahou tan, i buku le aha lau marakon nane are kada-ah amekes.

Tarou ta Luk 2:46

Ya eme i bada len taloh badeh, uru takalahei iy manyah udu bolo iri lau ta leheya kandriyen tiri Juwis. Iy udu asiu tinan ta Kindrei, anuhun iri ma lelen ndremenya i tiri.

Tarou ta Luk 5:17

Ano na len ari ja, Jises leheya iri lau mwan ma badih udu bolo asiu ari. Eme iri Parasi, hawe iri lau ta leheya kandriyen tiri Juwis, badu bolo kon tinan Galili, iri badu Judiya ma hawe badu Jerusalem ame manyah anuhun Jises asehek sahou. Ya eme boto-on ta Laban badeh, eme la-u Jises ta amekes iri lau sik udu tiri kamwenen.

Aposel 4:15

Eme oro badeh, tiye iri lau ta ndrokei katiyani Pita uru Jon ka len ta mada iri kansol, ya eme oro atilik nyala oro,

Tarou ta Jon 3:10

Jises tiye i ta Nikodemus ja anya, “Adeh, ou badeh, ndramak tinan ari ta leheya udu bolo iri Isra-el. Buku sah handru ou bakohok bolo sahou dah bala mwasin bwe?

Aposel 5:21

Eme na mandraben handru badeh, oro ala bolo asiu tinan ta Kindrei i buku le angelo mene ndrasihidiy toro, ma oro leheya iri lau. Eme tinan tiri pris hawe oro lau badu hawen asahan, eme oro luhi oro kansol ma hawe oro lau-en mari badu Isra-el ame, ya iri atilik nyala iri. Ano oro suni sahou ili bolo kou tiye oro aposel kame kales kado mada oro kansol.

Aposel 5:27

Eme oro tiyani oro aposel ame atehei oro ales are mada iri kansol, eme ma iri pris ndremenya oro i buku doh,

Aposel 5:35

Ano iy tiye sahou i toro kansol anya, “Ado lau badu Isra-el, ado anya kamekes sasah ki toro lau doh badeh, ado kabudon kamwenen bwena op.