Aposel 5:30 - Nyindrou

³⁰ Kindrei ta tama aso mene mete-ei Jises udu ta imek eme loken. Iy mene ado adai iy imek udu bada kei tondreh.

Aposel 5:30 Referans Kwoze

Galesiya 3:13

Arile, batanau malen le badeh, leheya taha buku taha winiyan ba-en hamon ta lakou mara-ei batanau malen tiye, bwe, ya taha kakohok maha-an ta aliy. Arile, Krais badeh aseben taha, iy ndrakonohei taha mene ado bolo maha-an ta batanau malen ndrame len. Iy le ari badeh, ari kandriyen ndra-in bwe, arile iy akohok kon tataha bwese maha-an tataha; tasah sahou ta Kindrei tiye i buku doh, “I buku, are lau atahi iy sukik udu bada kei ta kandriyen ndra-in tan badeh, iy udu bahandra maha-an ta Kindrei.” Dutoronomi 21:23

1 Pita 2:24

Krais mene ndrabwese-ei kandriyen ndra-in tataha mari ere bolo odan, kala iy mene sukik udu bada kei tondreh. Iy mesekei kandriyen doh ta sikinei taha ta kandriyen ndra-in tataha, ma mesekei taha asahan lau ha-un ja. Ma taha kamekes kandriyen buku Kindrei le aso-ok, tasah Krais ndramak ta kandriyen ndra-in tataha, ma mesekei taha ndrasahan ndramwenen ja.

Aposel 10:39

“Aso dah badeh, anyolom na mada aso amwenen, ta lakou mari iy amekes udu kon munyak tinan tiri Juwis ma hawe Jerusalem. Iri badeh, adai iy ma atahi iy imek i bada kei tondreh.

Aposel 22:14

“Iy asehek sahou eme tek i buku doh, ‘Kindrei ale mene, tubu taha iri atudun iy badeh, lebelei ou, ma aseken ou akohok tanan tiri lakou marakon iy aso-ok, ma iy aseken ou anyolom iy. Iy badeh, mwasin labai ta madan, ma ou winiyan anuhun iy asehek sahou na bohon amwenen.

Aposel 13:33

iy ndramesekei ndrasahan handru, ndrame tato nadu oro, i san ta iy suri Jises amak eme loken ja ta imek tan. I buku none ndratorowenei mene udu bolo wari la-uh ta Buk Wari tiye i buku doh: ‘Ou badeh naduk handru. Na dah jo ndrasahan tamam kabwe.’ Wari 2:7

Aposel 3:26

Na len Kindrei tutuni lohowan tan, iy suni iy ewek taha bwena ta adeu nyosowan ewek la-u aha, ta amekes aha badeh, katubuni kona aha ki tiri kandriyen ndra-in.”

Aposel 2:32

Kindrei badeh, mete-ei Jises amak eme awas ta imek. Eme ya aso dah badeh, asehek nyala lakou handru mene asahan.

Tarou ta Luk 1:72

Ma iy kameh leheya tikisiy i ta tama taha iri, ma ta budon ta sahou randra le tan mene,