Aposel 5:26 - Nyindrou

²⁶ Eme oro batun hawe oro tinan ta ndrokei ala badeh, andrei oro aposel dah. Oro badeh, baseheya oro boto-on bwe, tasah oro anoh, kora-on iri lau korowei oro na bek.

Aposel 5:26 Referans Kwoze

Aposel 5:13

Ya eme iri lau rayah badeh, bala bolo oro lau ta Jises bwe. Iri lau badeh, masiye oro, arile iri anoh ta atukum hawe oro.

Aposel 4:21

Eme oro kansol nohowa oro abadok le gwek, ma tiye uru au. Oro badeh, winiyan badeu maha-an bala turu bwe, tasah iri lau mari atudun le Kindrei ta lahou tinan mene uru amekes.

Aposel 5:24

Eme oro anuhun sahou doh badeh, ya budon ta tinan ta ndrokei ta asiu ta Kindrei, hawe iri tinan tiri pris lomondra anya sasah kameh asahan bah?

Tarou ta Luk 22:2

Eme iri lau tinan tiri pris, hawe iri lau ta leheya kandriyen tiri Juwis anya kadi Jises ki san ta bahana le. Tasah, iri badeh, anoh iri lau solo-an ado aliy.

Tarou ta Luk 20:19

Eme iri lau ta leheya kandriyen tiri Juwis hawe iri tinan tiri pris nane anya ja Jises asehek sahou sokek doh i bada iri. Eme ma iri anya katakaleh madasan ta ateu iy na le liliy. Arile, oro winiyan bwe, tasah oro anoh iri lau.

Tarou ta Luk 20:6

Arile, i buku none to katiye anya, ‘Idoh kandriyen tiri lau le,’ idah kameh, iri lau korowei to na bek, tasah budon tiri lau ndrahas anya, Jon badeh, propet ta Kindrei handru.”

Metiu 26:5

Arile, oro tiye anya, “To samekes na len tinan ta nyamon, ndri-iy, koro-an iri lau kabokoro-ei ma bahun tinan kasahan.”

Metiu 21:26

Arile buku none to katiye anya, ‘Idoh kandriyen tiri lau le,’ idah kameh to anoh iri lau ale, tasah iri anya, Jon badeh, propet ta Kindrei handru.”

Metiu 14:5

Herodiyas aso-ok ta Herot kidi Jon. Arile, Herot bwalen ma iy inoh. Tasah, lau solo-an badu Isra-el atehei budon boto-on anya Jon badeh, propet.

Metiu 26:58

Arile, Pita in hamon tiri ili, iy ili isos bada kowah ta mada asiu ta Kayapas. Iy iu ili bolo kowah ma iy manyah hawe iri lau ta ndrokei, iy anya kanyolom saba lakou handru kameh asahan ta Jises.

Tarou ta Luk 22:4

Eme iy ili edeu sa-oh i tiri lau tinan tiri pris, ma hawe iri lau tinan ta ndrokei ta atondrok asiu tinan ta Kindrei, ma oro asehek nyala aliy; ta Judas kameh edeu Jises ki mine oro ki buku sah handru.

Aposel 5:22

Arile, oro lau ta atondrok asiu ta Kindrei ala asos bolo kou, iri batou oro aposel bado bolo kou doh bwe. Eme oro a hamon badeh, asehek nyala oro,

Aposel 5:25

Ano ndramak ari eme badeh, anya, “Ei! Oro lau mene, ado atehei oro ala bolo kou badeh, ales areu asiu tinan ta Kindrei kodo-oh leheya iri lau mwan ma badih.”