Aposel 5:17 - Nyindrou

¹⁷ Ano, tinan tiri pris hawe oro lau badu hawen, oro badu hawe oro Sadusi, mada oro alikis oro aposel, tasah iri mwan ma badih mara-ei badeh, sekesek labai ta gok toro aposel.

Aposel 5:17 Referans Kwoze

Aposel 13:45

Eme iri Juwis anyolom iri lau solo-an labai ame badeh, ma mada iri alikis ma bwidi iri asehek sahou ndra-in labai i bada sahou ta Pol nane asehek.

Aposel 17:5

Arile, mada iri Juwis alikis, ya eme iri tukumwi iri lau rayah, budon tiri ndra-in udu bolo ba-en tiye iri ta amekes losen udu bolo kon tinan. Eme iri abotatahan ala asiu ta Jesen takaleh Pol uru Sailas anya kateu uru kame mada iri lau mari.

Aposel 7:9

“Eme nadu tine Josep oro ma ronoh ari badeh, mada oro alikis iy, ma oro atehei iy i ta sisih i buku bonyo-ou ili Ijip. Arile, Kindrei udu hawen,

1 Pita 2:1

Aha ndrasahan ha-un ja na ndraye Jises Krais, eme ma aha karuwani iri kandriyen ndra-in. Aha sawasai, ma aha samekes kandriyen ndra-in sala ta ndramak ari ja. Mada aha salikis lakou ta ndramak ari ja, ma aha sasehek ndramak ari ja. Aha karuwani kandriyen ndra-in mari doh ki-iu.

Tarou ta Jon 12:10

Eme iri lau tinan tiri pris amekes sa-oh ta adi Lasarus ale.

Metiu 27:18

Pailat asehek buku doh, tasah iy tanan, ndrine iri ndra-in ta Jises, ma iri tiyani iy eme mada sahou.

Jemis 4:5

Buk ndrabun ndratiye, i buku doh, “Malawin mwasin nane Kindrei atehei udu bolo taha, len mari iy aso-ok taha ka-en bahandran amwenen.” Aha anya, sahou dah, sahou laleyah nadeh?

Galesiya 5:21

Iri kandriyen i buku madalakis ta lakou, ma hawe a-un gwa boto-on ta amekes lau abo lolo-ou, ma ta amekes lakou laleyah. Jo tiye sahou batanau i taha dah, i buku bwena jo ndrasehek taha: Oro are lau amekes kandriyen doh, winiyan bado bahandra tondrok ta Kindrei bwe.

Aposel 15:5

Ano oro lau rayah ta budon handru, badu hawe oro lau Parasi ales are loken tiye anya, “Iri lau badu leheleh badeh, ka-en hamon ta batanau ta Moses, ya kasan ku-i iri.”

Aposel 4:26

Iri kabin badu munyak lowosa iri, ma hawe iri lau ta atondrok atukum a se amekes bahun i ta Laban hawe ndramak ta seben tan iy suni iy eme.’ Wari 2:1-2

Aposel 4:6

Iri lau rayah ta lundriye iri pris badeh, are aliy. Ya Anas tinan tiri pris hawe Kayapas oro lau tan. Jon hawe Aleksandra badeh, ado aliy ale.

Tarou ta Jon 12:19

Eme iri Parasi asehek sahou ndrokowa iri, “Taha kanyolom, budon tataha nane basahan bamwenen bwai. Tasah, lau marakon badu kon munyak ndra-en hamon tan!”

Metiu 3:7

Arile iy atou ja iri Parasi ma hawe oro Sadusi ame le hawen, ta iy kalomwa iri, eme ma iy tiye i toro Parasi ma Sadusi i buku doh: “Ado nadu mwak ndra-in. Are lau tiye ado ta atobwak au a len ta losen ta Kindrei kameh eme?

Aposel 5:16

Eme iri lau solo-an badu kon tinan mirihik ta Jerusalem atiye iri lau tiri abo sik ma hawe malawin ndra-in udu la-u iri ame le hawe oro. Eme iri mari badeh, amwenen ja.