Aposel 5:14 - Nyindrou

¹⁴ Arile, bwai, iri lau solo-an labai badeh, atehei budon tiri handru ili le ta Laban, ma andromwei iri hawe iri lau tan nane.

Aposel 5:14 Referans Kwoze

Aposel 2:47

ma atudun Kindrei. Ma, iri badeh, mwasin labai udu mada iri lau ta kon doh. Eme ya udu bolo len mari badeh, kane iri lau asola ala hawe iri rayah mene, tasah Kindrei ibo gok ta akohok iri ame hamon.

Galesiya 3:28

Eme ma, iri lau badu hawe Krais badeh, iri Juwis, iri lau badu leheleh, iri bonyo-ou ma iri bonyo-ou bwe, ma hawe iri mwan ma iri badih badeh, ari bala randrah, ari bala randrah ja bwe. Iri mara-ei doh badeh, asahan ari buruwen hawe Krais le ari.

Aposel 22:4

Bwena mene jo bokoro-ei iri lau a-en hamon ta San ta Jises, andra-i labai. Ma jo anya kidi iri kamak ka-au. Jo badeh, bawei iri mwan ma badih na sen, ano akahei iri ala are bolo asiu lulik.

Aposel 9:42

Eme iri lau mari badu loboho Jopa badeh, atanan ta aliy, ma atehei budon tiri handru i ta Laban.

Aposel 9:35

Eme iri lau manyah ado Lida hawe Saron anyolom badeh, ma iri atehei budon tiri handru i ta Laban.

Aposel 9:31

Ano iri lau ta budon handru badu loboho Judiya, Galili hawe Samariya sekesek handru ta iri babwese isi ja bwe. Iri badeh, abadok ma ales boto-on na boto-on ta Malawin Ndrabun. Ma eme, kane iri i sola ma iri anoh Kindrei, eme ma iri atudun iy.

Aposel 9:2

anya kalelen iy ta iy katorou rayah la-ukei ta tiye nyala Sol badeh, are lau handru. Ya Sol aseken ta atiye iri la-ukei doh i mine iri tinan ta ndrahu tukum tiri Juwis udu kon Damaskus katanan ta aliy. Ya eme i buku none iy kili kanyolom iri lau mwan hawe badih ta a-en hamon ta San ta Laban ado aliy badeh, iy kakuhi iri kala Jerusalem kala bolo kou.

Aposel 8:12

Arile, na len Pilip tiye tiri ta sahou mwasin ta nyala tondrok ta Kindrei ma hawe nyara Jises Krais, iri mwan hawe iri badih badeh, atehei budon tiri in ta sahou ta Pilip, ma alomwa iri.

Aposel 8:3

Iy ndramak Sol doh badeh, edek ta idi iri lau nane atehei budon tiri handru i ta Kindrei. Iy edek ili asiu ra-em ili ra-em takaleh ma aliu iri mwan hawe iri badih ame, ma adeu iri ala bolo kou.

Aposel 6:7

Eme ya sahou ta nyala Kindrei badeh, aseker. Eme kane iri lau badu Jerusalem atehei budon tiri handru i ta Kindrei i sola suwi suwi. Ma iri pris solo-an badeh, anuhun sahou ma atehei budon handru.

Aposel 4:4

Arile, iri lau solo-an anuhun sahou turu ma iri atehei budon tiri handru i ta aliy. Ya, eme sebenei iri ma kane iri badeh, i sola asahan lamawa (5,000).

Aposel 2:41

Eme iri lau solo-an badeh, atehei budon tiri handru i ta sahou tan ma anyuwi oro. Ya kane iri lau mari nane doh, i buku none tuluwi (3,000) i bwele-e iri lau rayah na len doh.

Aposel 11:24

Iy badeh, ndramak mwasin idih na Malawin Ndrabun hawe budon handru. Ma iy aluwi iri lau solo-an a ta Laban.

2 Korin 6:15

Barala buku sah handru, sohowa Krais uru balik, kili le randra? Sebwe, winiyan bwe! Eme ma, iri lau ta Kindrei, ma iri lau mwan ma badih nane batehei budon tiri ba-en ta Kindrei bwe, iri badeh, winiyan bamekes budon ma kandriyen tiri bala le ari bwe.