Aposel 5:13 - Nyindrou

¹³ Ya eme iri lau rayah badeh, bala bolo oro lau ta Jises bwe. Iri lau badeh, masiye oro, arile iri anoh ta atukum hawe oro.

Aposel 5:13 Referans Kwoze

Aposel 2:47

ma atudun Kindrei. Ma, iri badeh, mwasin labai udu mada iri lau ta kon doh. Eme ya udu bolo len mari badeh, kane iri lau asola ala hawe iri rayah mene, tasah Kindrei ibo gok ta akohok iri ame hamon.

Aposel 4:21

Eme oro kansol nohowa oro abadok le gwek, ma tiye uru au. Oro badeh, winiyan badeu maha-an bala turu bwe, tasah iri lau mari atudun le Kindrei ta lahou tinan mene uru amekes.

Aposel 19:17

Eme na len iri Juwis ma hawe iri lau badu Grik manyah ado Epesus anuhun badeh, iri anoh. Ma eme nyara Laban Jises badeh, bare andri bwai, nyaran i loke le gwek ai.

Aposel 5:5

Eme Ananayas anuhun le badeh, iy taku i andri ma imek. Eme iri lau anuhun badeh, iri anoh andra-i labai.

Tarou ta Jon 19:38

Ano, ndramak ari nyaran Josep iy badu kon tinan Arimateya, iy ili ndremenya Pailat ta akohok Jises udu ta kei tondreh keme andri, ta adeu iy kili lek. Josep doh, lau ta Jises ari ale. (Arile iy inoh iri tinan tiri Juwis, iy eme basehek nyaran bame len bwe.) Pailat eme aso-ok, eme Josep ili andrei bada kei udu ta kei tondreh eme andri.

Tarou ta Jon 12:42

Handru, iri tinan tiri Juwis solo-an atehei budon tiri ili tan. Arile iri anoh iri Parasi, ma iri basehek budon tiri bame len bwe. Iri abudon, kora-on iri katikahei iri kame len ta asiu ta atukum tiri Juwis.

Tarou ta Jon 9:22

Taman uru tinen asehek, tasah uru anoh iri Juwis. Iri Juwis ndratehei sahou ndra-en aliy bwena, i buku are lau iy asehek anya Jises badeh, Mesaya, iri kameh tikahei iy udu bolo asiu ta atukum tiri Juwis iu ili manan.

Tarou ta Luk 19:48

Arile, iri takaleh madasan ta kada iy labwe, tasah iri lau mari badeh, tawi sahou tan.

Aposel 5:26

Eme oro batun hawe oro tinan ta ndrokei ala badeh, andrei oro aposel dah. Oro badeh, baseheya oro boto-on bwe, tasah oro anoh, kora-on iri lau korowei oro na bek.

2 Korin 10:15

Ahi batudun nyara ahi ta gok nane iri lau rayah amekes ta kon Kindrei batiye ahi ta ala amekes gok ala aliy bwe. Ahi abudon i buku doh: Budon taha kameh abadok i tinan, eme ma gok nane ahi atehei katin ma mwena udu ndrokowa aha, kameh asahan i tinan mara-ei.