Aposel 4:33 - Nyindrou

³³ Eme oro aposel asehek sahou ta nyala amak eme awas ja ta Laban Jises na boto-on ta Kindrei. Ya eme Kindrei apwai nyosowan badeh, i la-u iri mari.

Aposel 4:33 Referans Kwoze

Tarou ta Jon 1:16

Iy badeh, irek labai ta kandriyen ta aso-ok ma ta tikisi taha. Iy amekes kandriyen mwasin eme tataha lau mwan ma badih mari, ma taha ndrakohok nyosowan mwasin, eme taha arek ta aliy.

Aposel 1:8

Arile, ado kameh akohok boto-on na len Malawin Ndrabun kameh ewek la-u ado; ma ado kameh atiye sahou tek ili Jerusalem, ili Judiya, ili Samariya, ano kili kon munyak mari.”

Aposel 1:22

Udu ndra kabatana Jon ta alomwa eme, eme taku kabatana andrei Jises udu hawe to iu i loken. Iy doh badeh, keme hawe to ta asehek nyala Jises mene amak eme awas ja.”

1 Tesalonaika 1:5

Ahi tanan, Kindrei badeh, ndratiye aha, ta sahou mwasin mene aso atiye ewek taha, badeh, winiyan basahan ndrine aha buku sahou laleyah bwe. Sahou taso badeh, nyamun labai. Ma boto-on ta Malawin Ndrabun ale amekes sahou abadok, ma iy tiye taso ta sahou dah handru. Aha marakon amwenen tanan kandriyen nane aso a-en hamon ta aliy udu ndrokowa aha. Aso amekes i buku doh ta aseben aha mari.

Aposel 4:30

Talasei minem kamekes lau kamwenen ma kamekes kalem mwasin na boto-on ta nyara lohowam ndrabun, Jises.”

Aposel 2:47

ma atudun Kindrei. Ma, iri badeh, mwasin labai udu mada iri lau ta kon doh. Eme ya udu bolo len mari badeh, kane iri lau asola ala hawe iri rayah mene, tasah Kindrei ibo gok ta akohok iri ame hamon.

Tarou ta Luk 2:52

Eme Jises badeh, salin i tinan ma hawe tanan tan ale i tinan. Ma Kindrei sekesek tan labai, hawe iri lau ale sekesek tan.

Tarou ta Mak 16:20

Eme ma oro au a len, ma atiye sahou ili bolo kon mari, ma Laban aseben oro ma amekes kalem asahan ta edeu boto-on i ta sahou toro.]

Hiburu 2:4

Kindrei ale eme leheya sahou tan badeh, boto-on na san ta amekes iri kalem ma iri lahou tinan. Ma iy ale andromwei ndramas ta Malawin Ndrabun ili tiri lau na le budon tan.