Aposel 4:27 - Nyindrou

²⁷ Idoh mene handru, Herot hawe Pontiyus Pailat atukum a hawe iri lau badu leheleh ma hawe iri lau badu Isra-el, badu bolo kon tinan dah amekes budon ta adai Jises. Iy badeh, lohowan tam ndrabun ou mene suni iy eme ta amekes gok tam.

Aposel 4:27 Referans Kwoze

Metiu 27:2

Iri sawei iy, ma tiyani iy ili, ma atehei iy ili mine tinan tiri Rom nyaran Pailat.

Aposel 4:30

Talasei minem kamekes lau kamwenen ma kamekes kalem mwasin na boto-on ta nyara lohowam ndrabun, Jises.”

Tarou ta Luk 9:22

Ano iy tiye, “Nadu Ndramak Awas kameh akohok sisi-in solo-an labai, ma iri lau tinan areu bwena, hawe iri lau tinan tiri pris, ma hawe iri lau ta leheya kandriyen tiri Juwis kameh baseken iy bwe. Ma idah kameh, iri adai iy imek, ya len taloh ano iy kameh amak ja.”

Hiburu 7:26

Jises doh, iy tinan tiri pris. Iy le ari winiyan sebenei taha. Iy ndrabun labai; iy ari budon ndra-in bwe; ma iy ndra nyikilikin labai ta mada Kindrei. Eme Kindrei atehei iy udu len labai ja tiri lau ta amekes iri kandriyen ndra-in. Ma iy andrei iy iu ili loken ili kandrah, ma atehei nyaran ndra tinan labai.

Aposel 10:38

Ma ado ndratanan i san mene Kindrei atehei nyosowan ta Malawin Ndrabun hawe boto-on ili ta Jises badu Nasaret. Ma hawe iy edek ili eme ta amekes lahou mwasin hawe amekes iri lau mene are le bahandra boto-on ta balik. Tasah, Kindrei badeh, udu hawen.

Aposel 2:27

Tasah, ou winiyan baruwani jo bamak bado bolo munyak dah bwe. Ma ou winiyan baruwani bada lau tam mwasin labai sabola sado bolo lek.

Tarou ta Jon 19:34

Arile ndramak tiri ari ta bahun eme aso-ei kabede Jises na nyah. Eme ma ndra hawe gwa amou eme len.

Tarou ta Jon 18:28

Mandraben ma wahun, iri sirini Jises udu asiu ta Kayapas iu ili asiu ta kabin badu Rom. Iri tinan tiri Juwis bala bolo asiu nane doh bwe, tasah kora-on iri kandraka-an ta mada Kindrei, ma idah kameh iri winiyan baimon nyamon ta len ndrabun aloh Pasoba bwe. Eme iri are ndra manan areu.

Tarou ta Jon 10:36

Arile jo, tama amwenen leheyani jo, ma iy suni jo eme andri kon munyak. Jo ndrasehek taha, ‘Jo Nadu Kindrei.’ Buku sah ja aha anya, jo bobose Kindrei ma jo anya kakohok ndrahunen?

Tarou ta Jon 1:11

I buku bolo kon munyak ma hawe iri lau tan amwenen badeh, baso-ok iy ja bwe.

Tarou ta Luk 22:63

Ya eme oro lau ta ndrokei atondrok Jises badeh, bobose iy ma a-um iy.

Tarou ta Luk 4:18

“Malawin Ndrabun ta Laban badeh, udu bwele-ek, Tasah, iy suni jo ta atiye sahou ki tiri lau lakou bwe. Iy suni jo ta tiye sahou ki tiri lau are bolo kou kame len, Ma kamekes iri lau mada iri kaseu, kanyolom ja; Ma ta talou malou tiri lau, ado ndra-in handru ka-au.

Tarou ta Luk 1:35

Eme angelo dah anya, “Malawin Ndrabun kameh ewek la-um, ma hawe boto-on ta Kindrei ewek la-um. Ta katin doh le, nah doh kameh i ndrabun ma aloh iy Nadu Kindrei.

Tarou ta Mak 15:31

Ya eme ale iri tinan tiri pris bobose iy i tiri ari ari ma hawe iri lau ta leheya kandriyen tiri Juwis bobose iy i buku doh, “Iy sebenei iri rayah, arile iy winiyan basebenei iy amwenen bwe!

Tarou ta Mak 10:33

Eme iy tiye nyala oro i buku doh, “Ado kanuhun, na dah to ala loke ala Jerusalem, ma iri kameh atehei Nadu Ndramak Awas ili mine iri tinan tiri pris ma hawe iri lau ta leheya kandriyen tiri Juwis. Ya iri kameh atehei iy ili ta mada sahou, ma iri kameh atilik sahou i se ta kadai iy kimek, ma iri kameh adeu iy i mine iri lau badu leheleh.

Metiu 23:37

Jises asehek sahou ja anya, “Jerusalem, Jerusalem, jo tikisi ado labai, ado adai iri propet, ma ado ateu iri lau Kindrei suni iri ame atou ado, ma ado orowei iri na bek ma adai iri amak. San solo-an jo anya katukumwi nadum oro, buku none iri kakaro tukumwi nadu iri areu bahandra bani iri. Arile ado bwale ado!

Metiu 21:28

Jises asehek sahou i toro pris ma hawe oro lau tinan ja i buku doh, “Ehe, ya ado abudon buku sah? Ndramak ari nadun la-uh. Iy ili hawe nadun kadok iy tiye tan buku doh, ‘Naduk, ou ala abo gok bolo bilin waen.’

Metiu 14:1

Kala doh iri lau mwan ma badih badu kon Nasaret atehei kona iri i ta Jises, Herot Antipas ndramak ta in bwena ta kon tinan Galili, iy anuhun kundruh ta iri lakou Jises amekes.

Metiu 14:3

Ehe, Herot abudon buku doh. Tasah, bwena ndra-au o-on iy tiye iri tawi Jon ta alomwa, ma sawei iy ma atehei iy i bolo asiu lulik. Herot amekes doh, tasah iy sudi udu nadu tinen Pilip nyaran Herodiyas.

Metiu 14:6

Na len ari, iri kabin ra-on ame aimon nyamon hawe Herot. Na len oro ame atukum doh ta abudon len tine Herot tuwi iy. Ya na len doh, nadu Herodiyas badih eme idi mana ta amekes ndrine oro kabin nane kasekesek. Herot sekesek labai ta mana tan nane.

Tarou ta Luk 23:1

Ano iri lau mari nane suri iri are loken ma tiyani Jises ili hawe Pailat,

Tarou ta Jon 18:29

Pailat eme manan hawe iri, ma iy ndremenya iri, “Aha anya kadeu iy ndramak dah kili ta mada sahou ta saba lakou handru?”