Aposel 4:21 - Nyindrou

²¹ Eme oro kansol nohowa oro abadok le gwek, ma tiye uru au. Oro badeh, winiyan badeu maha-an bala turu bwe, tasah iri lau mari atudun le Kindrei ta lahou tinan mene uru amekes.

Aposel 4:21 Referans Kwoze

Aposel 5:26

Eme oro batun hawe oro tinan ta ndrokei ala badeh, andrei oro aposel dah. Oro badeh, baseheya oro boto-on bwe, tasah oro anoh, kora-on iri lau korowei oro na bek.

Tarou ta Luk 22:2

Eme iri lau tinan tiri pris, hawe iri lau ta leheya kandriyen tiri Juwis anya kadi Jises ki san ta bahana le. Tasah, iri badeh, anoh iri lau solo-an ado aliy.

Tarou ta Luk 20:19

Eme iri lau ta leheya kandriyen tiri Juwis hawe iri tinan tiri pris nane anya ja Jises asehek sahou sokek doh i bada iri. Eme ma iri anya katakaleh madasan ta ateu iy na le liliy. Arile, oro winiyan bwe, tasah oro anoh iri lau.

Tarou ta Luk 20:6

Arile, i buku none to katiye anya, ‘Idoh kandriyen tiri lau le,’ idah kameh, iri lau korowei to na bek, tasah budon tiri lau ndrahas anya, Jon badeh, propet ta Kindrei handru.”

Metiu 21:46

Idoh mesekei budon toro ta ateu Jises handru, arile oro anoh iri lau mwan ma badih, tasah iri lau mwan ma badih anya Jises badeh, propet.

Metiu 9:8

Eme ma, iri lau mari nane atou, ma iri anoh, ma iri atudun nyara Kindrei, tasah Kindrei badeh, edeu iri boto-on i buku doh ili tiri lau mwan ma badih.

Aposel 5:40

Eme ma sahou tan badeh, tubuni budon toro. Eme iri luhi oro aposel ame bolon, ma ubwi oro na malou sakabuk i bek. Ano iri tiye sahou i toro, hamon oro sasehek sahou na nyara Jises ja ai, ndri-iy, ma eme iri tiye oro au.

Aposel 4:17

Arile, san le doh badeh, to kabwidi lahou dah saseker badeh, to katiye uru badeh, ka-i ta asehek nyara iy ndramak doh.”

Tarou ta Luk 13:17

Ya eme sahou iy tiye dah badeh, mesekei iri lau heh budon tiri ndra-in udu tan badeh, bwili iri ama. Arile, iri lau buku liliy badeh, sekesek labai ta lakou mwasin iy amekes.

Tarou ta Luk 5:26

Eme iri mari badeh, mani iri atur handru en, ma iri atudun nyara Kindrei. Ya boho iri asak, ma iri tiye i buku doh, “Taha na dah badeh, ndranyolom kalem randrah labai.”

Metiu 26:5

Arile, oro tiye anya, “To samekes na len tinan ta nyamon, ndri-iy, koro-an iri lau kabokoro-ei ma bahun tinan kasahan.”

Metiu 15:31

Eme iri lau mwan ma badih atou iri lau boho iri bwe asehek sahou, ma iri ndruwi iri hewon asahan amwenen, ma iri lau kati iri ndra-in adek ja, ma iri lau mada iri bwe atou kon, ma iri abudon solo-an. Eme iri atudun nyara Kindrei badu Isra-el i loken.

Metiu 9:33

Eme ma Jises tikahei malawin ndra-in nane iu, ma ndramak nane bohon bwe asehek sahou ja. Eme ya iri lau mari mani iri atur labai, ma anya, “Aden! Bwena mene ari lakou buku doh basahan bolo kon tinan Isra-el bwe, handru en!”

Aposel 4:22

Jaha ta ndramak nane amwenen badeh, sakalawi hanoh (40).

Aposel 5:13

Ya eme iri lau rayah badeh, bala bolo oro lau ta Jises bwe. Iri lau badeh, masiye oro, arile iri anoh ta atukum hawe oro.