Aposel 3:22 - Nyindrou

²² Moses mene tiye anya, ‘Laban Kindrei kameh tutuni ndramak ari badu bolo aha kameh asahan propet taha. Iy kameh suni iy i le buku iy mene suni jo. Ya eme aha badeh, kanuhun sahou tan mari iy asehek i taha.

Aposel 3:22 Referans Kwoze

Aposel 7:37

Iy Moses le doh mene adeh tiye i tiri lau badu Isra-el anya, ‘Kindrei kameh suni propet ari ewek taha i le buku jo badu bolo ado amwenen.’ Dutoronomi 18:15

Galesiya 4:4

Eme na len ta aliy amwenen asahan, Kindrei suni nadun amwenen eme. Iy asahan eme len ta badih awas eme udu baha kandriyen ma batanau malen tiri lau badu Juwis.

Tarou ta Jon 1:17

Kindrei edeu kandriyen malen ili mine Moses. Arile, kandriyen mwasin ta tikisiy ma ta sahou handru badeh, udu bada Jises Krais.

Hiburu 5:9

Ma idoh bwidi iy asahan ndramak handru ta in hamon ta sahou ta Kindrei. Eme ma iy asahan kati kandriyen handru ta aseben ma ta akohok are lau iy in hamon ta sahou tan, ta iri kameh are le buku doh.

Tarou ta Jon 5:24

“Handru labai, jo katiye tado: Are lau iy anuhun sahou tek ma iy atehei budon in ta iy nane suni jo eme, kohan handru kameh winiyan bano bwe, iy kameh ta udu le buku doh. Iy winiyan bala ta mada sahou bwe. Iy ndrasakalawi imek, ma iy akohok kohan handru.

Rebelesen 1:1

Sahou ale jo atorou dah badeh, mene bame lewan bwe, arile Jises Krais le amwenen bwidiy asahan eme lewan. Kindrei le amwenen edeu i ta nadun Jises Krais, ta iy kaleheya taha lohowan tan, ta se luwen bwe, iri lakou mara-ei doh kameh asahan. Eme, Jises amekes sahou dah i san ta ameh, iy eme suni angelo hawe sahou tan eme tek, Jon, jo lohowan tan, ma iy asehek kati ameh mara-ei doh.

La-ukei ta Pol atorou ili tiri lau badu kon Rom 9:5

Udu ndra bada tubu iri, sare iri edek eme eme taku bada Krais asahan awas. Iy badeh, Kindrei ma iy udu bwele-e lakou mari. Masiye ma tudun ki tan kudu le buku doh. Handru.

Tarou ta Jon 12:46

Jo ndrame andri bolo kon munyak i buku lomada sun, ta iy are lau atehei budon tan eme tek, iy kameh winiyan ba-en bolo lulik bwe.

La-ukei ta Pol atorou ili tiri lau badu kon Rom 8:3

Tasah, batanau malen badeh, boto-on tan winiyan basakalawi boto-on ta karei ma lomondra ndra-in bwe. Iy badeh, nyowonya le karei ma lomondra ndra-in udu bolo oda taha, ma iy winiyan basikine ba-au bwe. Arile, Kindrei le suni nadun amwenen asahan awas i buku taha ndramak ta karei ma lomondra ndra-in, i nyara salom, ma iy imek ta aseben taha mari. Handru, Kindrei le badeh, atehei Krais i buku none ndramak ta amekes karei ma lomondra ndra-in i saluwe taha.

Tarou ta Jon 8:12

Ano Jises asehek sahou ili tiri lau ja. Iy asehek ili tiri i buku doh, “Jo badeh, sun ta kon munyak. Are lau iy in hamon tek, iy winiyan ba-en lulik bwe. Iy kameh akohok tan sun kohan udu aliy, kameh edeu kohan udu le buku doh.”

Tarou ta Luk 24:19

Eme iy anya, “Saba lakou asahan deh?” Eme uru anya, “Aru badeh, asehek nyala Jises badu Nasaret. Iy badeh, propet. Iy asehek sahou badeh, sahou tan nyarahan labai, ma iy badeh, udu mwasin labai udu mada iri lau mari, ma udu mada Kindrei, ta bolo lahou tan mari iy amekes.

Tarou ta Luk 13:33

Aliy ai, arile bwai, jo na dah hawe na bi-i ili isos atoha badeh, jo ndrado Jerusalem ai, tasah udu bolo oro len doh nane ari propet badeh, winiyan bamak bare ari kon buku liliy bwe. Iy imek udu Jerusalem amwenen.’

Hiburu 2:1

Taha badeh, kanuhun kamwenen labai kili ta sahou handru, taha nane ndranuhun, ma taha samani sahou batanau doh labai.

Metiu 21:11

Eme iri lau mwan ma badih nane adek hawen anya, “Idah propet nyaran Jises, iy badu kon Nasaret, badu loboho Galili.”