Aposel 3:21 - Nyindrou

²¹ Jises kameh udu kandrah udu gwek, winiya le len Kindrei anya kamekes lakou mari kasahan ha-un ja, i buku none iy mene ndrasehek i tiri propet tan ndrabun mwena mene.

Aposel 3:21 Referans Kwoze

La-ukei ta Pol atorou ili tiri lau badu kon Rom 8:21

Iri lakou mari doh atondrok le len Kindrei ndrasaniy ta amekes kandriyen ta imek ma abola kano. Na len doh amwenen iri lakou mari Kindrei mesekei kameh ado mwasin hawe iri nadu Kindrei, ma iri mara-ei kameh asahan i randrah labai. Iri kameh winiyan bamak ma babola bwe, ma Kindrei kameh edeu nyosowan solo-an solo-an i tiri.

Aposel 1:11

Eme uru anya, “Ado lau badu Galili. Ado ales ado kede-eh, anyolom i kandrah, ta sasah handru? Iy ndramak Jises le doh, kameh, ado anyolom, andrei iy ndra-au ndra kandrah; idah kameh, ado anyolom iy eme andri ja kameh i le buku none ado anyolom iy i loken doh.”

Rebelesen 22:6

Ano angelo asehek eme tek ja i buku doh, “Iri sahou marakon ou ndranuhun ma ndratou ta iri lakou doh badeh, ndra handru le ai, ma iri kameh asahan. Ma iri mwan ma badih kameh winiyan atehei budon tiri handru in ta aliy. Ma Laban Kindrei badeh, ta atadau malawin mwasin tiri propet, ta atiye sahou tan. Ya, iy don adeh, ndrasuni angelo tan ari eme leheya iri lohowan tan ta saba lakou kameh mirihik asahan.”

Tarou ta Luk 1:70

i buku none iy mene atehei sahou kani iri propet ndrabun, bwena mene ndratiye ndra-au,

2 Pita 3:2

Jo badeh, aseken ado samani sahou mene iri propet ndrabun ta tiye sahou badu boho Kindrei asehek i tado bwena mene ta nyala lakou kameh asahan na len hamon. Ma hawe bale ado ale samani sahou batanau mene toro aposel ta Laban Jises Krais, ndramak ta aseben taha, mene suni iri awek tiye ndrawek tado.

2 Pita 1:21

Tasah, oro propet batorou ari sahou buku ari ndramak awas asehek bwe. Arile, oro atorou sahou doh na tanan ta Malawin Ndrabun aseben oro.

Aposel 10:43

Iri propet badeh, tiye nyalan ale, buku none are lau atehei budon handru in tan badeh, karei ma lomondra ndra-in tan kameh, iy maniy i san ta nyaran.”

Rebelesen 18:20

Aha lau marakon badu kandrah, hawe iri mwan ma badih ta Kindrei, ma iri aposel hawe iri propet, aha marakon badeh, kasekesek ta lakou nane asahan ta kon tinan doh. Tasah, Kindrei badeh, ndralebelei bundruwe iri lakou tan ndrala. Ma ta kandriyen tan doh, iy edeu bundruwe kandriyen ndra-in mene kon tinan nane doh amekes ewek taha.’ ”

Aposel 3:19

Ya eme aha badeh, katubuni ndrine aha ma aha ka-en hamon ta Kindrei. Ma idah kameh, lomondra ndra-in taha kameh Kindrei sikine iu. Ya len ta akohok manyah mwasin ta Laban kameh eme.

Aposel 3:20

Ma iy kameh suni Jises eme hamon ja. Iy badeh, Krais, ndramak Kindrei mene ndralebelei ta akohok aha ame hamon ja.

Hiburu 1:1

Bwena mene Kindrei asehek sahou ili ta tubu taha iri san solo-an, ma i san solo-an labai ili tiri propet.