Aposel 3:20 - Nyindrou

²⁰ Ma iy kameh suni Jises eme hamon ja. Iy badeh, Krais, ndramak Kindrei mene ndralebelei ta akohok aha ame hamon ja.

Aposel 3:20 Referans Kwoze

Rebelesen 1:7

Aha kanuhun! Jo atou iy anya keme badeh, udu bolo asi kandrah, ma iri mwan ma badih mara-ei kameh anyolom iy na mada iri amwenen, ma hawe iri mwan ma badih mara-ei badu Isra-el bwena mene orowei kabede Jises Krais na nyah ma tatahi iy i bada kei tondreh. Iri lau doh kameh anyolom iy ale. Iri lau mwan ma badih mara-ei badu kon munyak kameh abudon solo-an labai ta aliy, ma iri kameh a-um ade iri amwenen, ma aden i ndra-in labai. Ma, iri lakou mara-ei doh kameh asahan. Handru.

2 Tesalonaika 2:8

Na len doh, iy ndramak ta balik kameh asahan eme lewan. Ma iri lau marakon kameh atanan iy. Arile, hamon kameh, Laban Jises eme ja, ma hawe lomada sun tan tinan labai, ma iy kameh idi ndramak ta balik nane na jor ta bohon le amwenen. Ma iy kameh amekes iy ndramak doh asahan lakou laleyah.

2 Tesalonaika 2:2

Mani aha satur laleyah ta sahou rayah, aha anuhun ta Laban Jises, anya iy mene ndrame hamon. Arile, bwe! Kahis. Sebwe malawin ari ta wendreya le atehei sahou doh ndrala ta ari ndramak. O, sebwe ari ndramak asehek na le budon tan amwenen, nadeh. O, sebwe iri rayah anya, aso badeh, atorou la-ukei i buku doh ili tiri. Bwe labai. Buku aha ndranuhun sahou solo-an doh, aha sabudon solo-an ta aliy. Tasah, sahou doh wendreya.

Tarou ta Luk 19:11

Iri lau anuhun iy asehek sahou nane dah kahis le badeh, iy asehek sahou sokek i tiri, tasah iy ndrame mirihik ta Jerusalem. Eme iri lau lomondra anya, idah kameh Kindrei atondrok kon dan ai?

Hiburu 9:28

I buku le Krais amwenen atehei iy san rasan le i nyara salom ili ta Kindrei ta talou iri kandriyen ndra-in ta lau solo-an. Hamon kameh iy eme kon munyak ja. Arile, iy eme ta bwese ndra-in tataha ja bwe. Iy eme doh ta aseben ma ta akohok iri lau nane atondrok iy, ame hamon hawen.

Aposel 17:31

Tasah, iy ndrasani len ta iy kameh aleben lau badu kon munyak mari, na ndramak ari mwasin labai iy ndratehei lahou dah ndra minen. Iy badeh ndraleheyani lakou doh ndrasahan handru ndrame len mada lau mari i san ta iy suni iy amak ta imek tan eme loken.”

Tarou ta Luk 21:27

Ano amwenen ta lakou doh, asahan kameh, iri lau kameh anyolom Nadu Ndramak Awas asahan ereu bwele-e asi kandrah, ma boto-on tan ma lomadan tinan labai.

Tarou ta Mak 13:26

Ano iri lau kameh anyolom Nadu Ndramak Awas asahan ereu bwele-e asi kandrah, ma boto-on tan ma lomadan tinan labai.

Metiu 24:3

Jises eme manyah udu bwele-e mandrei Olip, oro lau tan aton le ame ndremenya iy anya, “Ou tiye keme taso, na saba len handru kameh lakou doh kasahan? Ya saba kalem kameh leheya aso buku none len tam ta eme hamon, ma kon munyak ano.”

Metiu 16:27

Nadu Ndramak Awas kameh eme ma lomadan ta taman. Ya iy kameh eme hawe oro angelo tan. Na len doh kameh iy edeu ndramas i tiri lau mwan ma badih i le winiya le kandriyen iri amekes.

Aposel 3:19

Ya eme aha badeh, katubuni ndrine aha ma aha ka-en hamon ta Kindrei. Ma idah kameh, lomondra ndra-in taha kameh Kindrei sikine iu. Ya len ta akohok manyah mwasin ta Laban kameh eme.

Aposel 3:21

Jises kameh udu kandrah udu gwek, winiya le len Kindrei anya kamekes lakou mari kasahan ha-un ja, i buku none iy mene ndrasehek i tiri propet tan ndrabun mwena mene.