Aposel 3:17 - Nyindrou

¹⁷ Eme ya aha nadu tine, jo badeh, tanan, ta aha tanan bala mwasin ta lakou aha amekes i ta Jises bwe; ma hawe oro lau ta atondrok ale.

Aposel 3:17 Referans Kwoze

Tarou ta Luk 23:34

Eme Jises tiye anya, “Tama, ou mani kandriyen ndra-in toro, tasah oro bala tana oro sasah oro amekes dah bwe.” Eme oro lau ta bahun atehei kolau tan i andri, ma oro amekes laki ta aliy, ta andrei kolau tan i le winiya oro.

Aposel 13:27

Iri lau badu Jerusalem, ma hawe lau ta atondrok iri badeh, maliye seben tiri Jises, Kindrei nane suni iy eme ta aseben taha, bwe. Iri babudon sahou tiri propet, iri anuhun na bolo len ta amunyau mari bamwenen bwe. Eme ma iri tiye iy kimek. Ya, ta sahou doh, iri amekes sahou mene tiri propet asehek asahan handru.

1 Korin 2:8

Iri kabin marakon badu kon munyak tana iri se tanan dah bwe. Buku iri katanan badeh, iri winiyan batahi Laban badu kandrah bala bada kei tondreh bwe.

Tarou ta Jon 16:3

Iri lau kameh amekes kandriyen i buku doh ewek taha, tasah iri bala tanan aru tama bwe.

1 Timoti 1:13

Jo mene bobose nyaran, ma jo mene idi iri lau tan, ma jo badeh, ndramak ta tebelese i badan. Badeh mene, tasah jo batehei budon handru bala tan bwe, ma jo bala tanan iy bala mwasin bwe. Arile, iy tikisi jo labai.

2 Korin 3:14

Budon ma ndrine iri lau Isra-el bwena ndrahis, ma iri bala tanan moson o kati batanau doh, Moses mene edeu ili tiri bwe. Ma na dah ale, iri lau Isra-el, iri bala tanan moso kati sahou batanau bwe. Buku iri atehei budon tiri handru in ta Krais, Kindrei kameh winiyan sihi budon tiri, ma iri winiyan atanan handru ta kati moson ta sahou batanau.

La-ukei ta Pol atorou ili tiri lau badu kon Rom 11:2

Kindrei badeh, winiyan bakahei iri Isra-el bwe, tasah ndra mwena mwena ndra-au iy tanan ta iri badeh, lau tan amwenen. Aha bala tana aha bwe? Tarou mene torowenei udu bolo buk ndrabun asehek nyala Alaija mene ibolosen ma iy asalom i ta Kindrei ma iy asehek kandriyen tiri Isra-el i buku doh,

Aposel 26:9

“Aha kanyolom! Bwena mene jo amwenen badeh, ales boto-on labai ta amekes iri gok solo-an, solo-an ta sa-en hamon ta sahou ta Jises badu Nasaret doh.

Aposel 7:40

Ya eme iri ame tiye Aron anya, ‘Ou amekes rayah kindrei ya iri ka-en bwena ta to ja. Iy lau Moses ta sariye to ame dah badeh, to bala tanan sasah ndrasahan tan udu mandrei Sainai kodo-oh bwe!’ Eksodus 32:1

Tarou ta Jon 7:52

Iri ame tiye sahou i tan i buku doh, “Neh? Ou badu Galili ale? Buku ou anyolom bolo buk ndrabun amwenen badeh, ari propet winiyan bame loboho Galili bwe-en.” [

Jenesis 44:15

eme Josep anya, “Ado mwesekei sasah handru dah? Ado badeh winiyan atanan jo badeh udu aliy winiyan takalahei ado na kau.”

Jenesis 39:8

Arile Josep bwalen, ma iy tiye, “Jo badeh atondrok lakou mari. Podipa winiyan babwerei bwe, tasah iy atehei budon i tek ta jo badeh winiyan tondrokei lakou mari badu asiu tan ma lakou tan mari.

Jenesis 21:26

Eme Abimelek anya, “Aliy, jo tanan are amwekes badeh bwe. Ou batiye tek bwe, nane le jo badeh baranuhun.”

Pilipai 1:22

I buku none jo bamak bwe, jo kameh amekes lahou ta Krais ilih le. Eme ya jo ndrandrondro, jo ki buku sah handru bah?

Tarou ta Luk 23:13

Ano Pailat luhi iri lau hawe iri tinan tiri pris, ma hawe iri lau ta atondrok, hawe iri mari, ame.

Tarou ta Jon 15:21

Arile, iri kameh winiyan amekes iri saba lakou ndra-in ewek taha, tasah aha lau tek, ma iri bala tanan ta are lau handru nane suni jo eme dah bwe.

Aposel 22:5

Iri tinan tiri pris tataha hawe iri kansol mari badu Juwis are kede-eh, iri winiyan asehek sahou mari doh ewek taha, ta jo basehek sahou wendreya, ta iri lakou nane doh bwe. Iri lau mene torowenei la-ukei ramen ili tiri Juwis are Damaskus, iri atehei eme minek, ta jo kili kateu iri lau doh, kabawei iri na sen, ma kandrei iri kame Jerusalem ta iri lau tinan tataha kadeu maha-an ki tiri.”

Aposel 28:21

Iri Juwis tiye Pol i buku doh, “Ahi bakohok ramen la-ukei badu Judiya eme tahi ta tiye nyalam eme dah bwe. Ma ari ndramak badu Juwis bame basehek tahi, ma amekes sahou rayah ndra-in ewek tam, bwe.

Epesus 4:18

Budon ma ndrine iri badeh, ari tanan ta lakou ta Kindrei badeh, bado se aliy bwai. Iri a buku iri lau adek na lulik, ma iri bateu sun ta lomada san tiri bwe. Ya, ari tanan mwasin bwai, ndrine iri ihis, ma iri baso-ok sahou ta Kindrei bwe. Eme ma, iri are len labai ta kohan mwasin, Kindrei edeu ili tiri lau.