Aposel 3:15 - Nyindrou

¹⁵ Aha badeh, adai ndramak ta edeu kohan handru ta udu le buku doh. Arile, Kindrei le mete-ei iy ta imek eme loken. Eme aru badeh, anyolom na mada aru amwenen ma aru asehek nyala aha.

Aposel 3:15 Referans Kwoze

Aposel 2:24

Arile, Kindrei mete-ei iy amak eme awas ja ta imek; ma sebenei iy ta sisi-in ta imek. Tasah, imek badeh, winiyan batawi iy bwe.

Rebelesen 21:6

Ma iy tiye eme tek, “Iri lakou marakon nane jo anya kamekes badeh, ndrano ai! Jo ma mwena handru, ma jo in ndrobek mara-ei, jo ale badeh, kati iri lakou marakon, ma jo in ndrobek handru ta amekes iri gok mara-ei ano. Buku are lau, balen amar ta gwa, jo kameh edeu gwa i wa-in badu kaloh ta adeu kohan handru winiyan bano bwe, ya iy kameh winiyan bakeh ari luk ta asih gwa doh bwe.

Aposel 2:32

Kindrei badeh, mete-ei Jises amak eme awas ta imek. Eme ya aso dah badeh, asehek nyala lakou handru mene asahan.

Hiburu 2:10

Kindrei badeh, iy kati iri lakou marakon, tasah iy bwidi iri lakou marakon. Ma iy aso-ok ta akohok nadun iri kala hawen kakohok lomadan mwasin. Eme iy atehei budon in ta nadun ta kamekes iri gok ta akohok iri lau mwan ma badih kame hamon ja, iy eme atehei Jises eme akohok sisi-in tinan labai. Ta sisi-in doh le, ma iy atehei Jises udu bwena ta aseben iri lau mwan ma badih. Kindrei amekes iri kandriyen marakon doh amwenen le ai.

1 Korin 15:45

Iri torowenei sahou udu bolo buk ndrabun ta Kindrei i buku doh, “Ndramak ma bwena handru badeh, Adam, iy andrei kohan.” Jenesis 2:7 Arile Adam ari ja badeh, asahan hamon labai, iy asahan ta Malawin Mwasin ta edeu kohan handru ili ta lau marakon.

Tarou ta Jon 5:26

Tama badeh, kati kohan handru udu tan. Iy edeu boto-on ta kati kohan handru ili ta nadun ale.

Tarou ta Jon 1:4

Iy le badeh, kohan. Kohan anya buku sun ta lomada taha lau badu kon munyak.

Rebelesen 22:17

Malawin Ndrabun hawe udu Nadu Sipsip anya, “Ou ame.” Eme ma iri lau marakon anuhun boho uru, iri ale kasehek sahou anya, “Ou ame.” Buku ou are mwan o badih, balem amar ta gwa kohan handru udu aliy, ou ame akohok wa-im gwa ta edeu kohan handru, na so-ok tam, i buku ndramas Kindrei edeu laleyah.

1 Jon 5:20

Taha tanan, buku Nadu Kindrei ndrame, ma iy ndratehei budon mwasin ndrame tataha, eme ma taha ndratanan Kindrei badeh, handru. Taha ndrahas handru hawe Kindrei uru Nadun Jises Krais. Jises badeh, Kindrei handru ma iy kati kohan ta ereu le buku doh na len mari.

Hiburu 5:9

Ma idoh bwidi iy asahan ndramak handru ta in hamon ta sahou ta Kindrei. Eme ma iy asahan kati kandriyen handru ta aseben ma ta akohok are lau iy in hamon ta sahou tan, ta iri kameh are le buku doh.

Tarou ta Jon 17:2

Tasah ou ndratehei boto-on tam ndrame tek ta atondrok iri lau marakon, ma jo kameh edeu kohak udu luluwen ili toro lau nane oro atehei budon toro in tek.

Tarou ta Jon 14:6

Jises eme tiye sahou i ta Tomas, “Jo le ari jo san handru, ma jo kati iri sahou handru, ma kati kohan handru kameh udu le buku doh. Ari ndramak winiya bala hawe tama, bala rasan san ja bwe. Iy kameh keme badak bwena.

Tarou ta Jon 4:14

Buku are lau a-un gwa, jo edeu i wa-in, balen kameh winiyan bamar ja bwe. Gwa nane jo edeu i wa-in doh kameh asahan i buku gwa mulin udu bolo odan eme loken ma edeu kohan handru ta winiyan bano bwe, kameh ta udu le buku doh.”

Tarou ta Jon 4:10

Jises eme asumon sahou tan ja i buku doh, “Buku ou tanam boto-on ta Kindrei, ma are lau nane ndremenya ou ta gwa, ou winiyan ndremenya iy, iy winiyan edeu wa-im gwa kohan handru udu aliy.”

Rebelesen 22:1

Angelo nane leheya jo ale ta gwa ari doh, kohan handru udu aliy, ta adeu ili wa-i iri lau. Lewen mara-ei, i buku torowe. Bare gwa doh badeh, udu loboho bada koyeu ta Kindrei uru Nadu Sipsip tan, arorou eme len.

Tarou ta Jon 10:28

Jo atehei kohak handru ili tiri, ma iri kameh winiyan bamak bwe, ma ari ndramak winiyan baruwi iri ado minek bala len bwe.

Epesus 1:20

Iy ndramak, ma na boto-on tan doh Kindrei mete-ei iy, ma atehei iy ili ere loken labai mirihik ta boto-on tan udu kandrah.

Aposel 5:31

Kindrei eme tutuni iy ere loken udu loboho limen salin, ma iy asahan kabin ma ndramak ta seben. Ma iy badeh, leheya madasan ta ado winiyan tubuni ndrine ado, ma iy winiyan sikine karei ma lomondra ndra-in tiri Isra-el.

Aposel 1:22

Udu ndra kabatana Jon ta alomwa eme, eme taku kabatana andrei Jises udu hawe to iu i loken. Iy doh badeh, keme hawe to ta asehek nyala Jises mene amak eme awas ja.”

Tarou ta Luk 24:48

Ya ado dah badeh, kasehek nyala lakou mari ado ndratou dah.

Aposel 4:2

Ya ndrine iri badeh, ibolosen i toro aposel. Tasah, oro badeh, leheya iri lau ta nyala Jises Krais ndramak ndrame awas ja ta imek tan, eme ma iri lau mari ale kameh winiyan amak ame awas ja ta imek tiri.

Hiburu 12:2

Taha katehei mada taha kili le ta Jises, i buku le ndramak sakaliye ta nyorei, madan badeh, anyolom ili le bwena tan. Iy le ari kati budon tataha ma bwena, ma hamon kameh iy bwidi kundruh ta iri budon tataha marakon ano, ma udu mwasin labai ja. Iy ndrabwese-ei bwilima ta iri tatahi iy ili bada kei tondreh, arile iy babudon ta aliy bwe, tasah iy tanan hamon kameh iy udu ta sekesek ta iri lakou marakon iy ndrabwidiy. Na idah iy ndramanyah udu bada koyeu loboho mine Kindrei salin.