Aposel 3:14 - Nyindrou

¹⁴ Aha tubuni kona aha i ta iy ndramak mwasin labai doh, iy bamekes ari kandriyen ndra-in bwe. Iy irek na iri kandriyen mwasin le. Aha bwale aha ta Pailat tolowei Jises. Aha tiye Pailat tolowei iy ndramak ta adi ndramak.

Aposel 3:14 Referans Kwoze

Tarou ta Mak 1:24

Eme iy aloh, “Jises badu Nasaret, ou anya amekes sasah keme taso? Ou ame dah ta adai aso kamak ai? Jo tanan ou are handru kede-eh, ou badeh, ndramak ndrabun ta Kindrei.”

Aposel 7:52

Are propet asahan bwena mene, ya tama aha oro mene badai iy bwe? Oro mene adai iri propet mene asehek ta nyala ndramak mwasin handru kameh barasahan. Ya eme na dah, iy ndrame, arile aha badeh, atehei sa-oh ma adai iy imek.

1 Pita 3:18

Aha abudon Krais ale. Kandriyen tan mwasin handru, arile iy akohok andra-i ale. Ma iy badeh, ndramak, san rasan le ta kandriyen ndra-in tataha. Iy bamekes ari kandriyen ndra-in bwe, arile iy ili i buku saluwe taha ta kandriyen ndra-in tataha. Eme ma, iy anya kakohok taha kala hawe Kindrei. Iri adai iy, odan buku none taha dah, arile iy amak eme awas ja na Malawin Mwasin.

Aposel 4:27

Idoh mene handru, Herot hawe Pontiyus Pailat atukum a hawe iri lau badu leheleh ma hawe iri lau badu Isra-el, badu bolo kon tinan dah amekes budon ta adai Jises. Iy badeh, lohowan tam ndrabun ou mene suni iy eme ta amekes gok tam.

Jemis 5:6

Aha badeh, atehei iri lau mwasin ala ta mada sahou, ano aha adai iri amak. Ya iri bateleya mine aha bwe, ma iri bamekes bahun bawek taha ja bwe.

Aposel 22:14

“Iy asehek sahou eme tek i buku doh, ‘Kindrei ale mene, tubu taha iri atudun iy badeh, lebelei ou, ma aseken ou akohok tanan tiri lakou marakon iy aso-ok, ma iy aseken ou anyolom iy. Iy badeh, mwasin labai ta madan, ma ou winiyan anuhun iy asehek sahou na bohon amwenen.

Rebelesen 3:7

Iy ndramak doh tiye jo ja i buku doh, “Ou atorou rayah sahou kili ta angelo ere bwena tiri lau ta Kindrei are kon Piladelpiya. Sahou kili buku doh: ‘Idah sahou tek amwenen. Jo badeh, ndrabun labai, ma jo kati iri kandriyen handru mari. Jo badeh, boto-on labai udu bolo tondrok ta kabin Debit. Buku jo sihi kou, ari ndramak winiyan basulu-iy ja bwe. Ya, buku jo sulu-i kou, ari ndramak, winiyan basihiy ja bwe.

1 Jon 2:1

Aha naduk, jo atorou la-ukei ramen dah ewek taha, ta aha samekes kandriyen ndra-in. Arile, buku are lau ndramesekei kandriyen ndra-in badeh, Kindrei winiyan mani kandriyen ndra-in tan nane iu, tasah seben tataha badeh, in aliy, nyaran Jises Krais. Iy ari kandriyen ndra-in badan bwe. Ma iy badeh, in hawe tama taha Kindrei, ma iy asehek sahou i tan, ta iy karuwani iri kandriyen ndra-in tataha mari nane ki-iu.

2 Korin 5:21

Iy Krais doh, iy tanan ta amekes kandriyen ndra-in bwe, arile Kindrei ndratukumwi kandriyen ndra-in tataha marakon ndrala le bwele-en, ma iy asahan i buku ari ndramak ndra-in handru. Iy amekes i buku doh, ta taha winiyan are hawe Krais, ma na le boto-on tan amwenen, taha winiyan asahan iri mwan ma badih mwasin ta mada Kindrei.

Aposel 2:27

Tasah, ou winiyan baruwani jo bamak bado bolo munyak dah bwe. Ma ou winiyan baruwani bada lau tam mwasin labai sabola sado bolo lek.

Tarou ta Luk 23:25

Ya eme iy ruwani Barabas mene amekes bahun udu kon tinan, ma idi ndramak badeh, udu bolo kou eme len. Ano iy atehei Jises ili mine iri, ma iri amekes sasah na seken tiri ai.

Tarou ta Luk 1:35

Eme angelo dah anya, “Malawin Ndrabun kameh ewek la-um, ma hawe boto-on ta Kindrei ewek la-um. Ta katin doh le, nah doh kameh i ndrabun ma aloh iy Nadu Kindrei.

Tarou ta Mak 15:11

Arile iri tinan tiri pris badeh, sosokok iri lau solo-an dah anya ja, Pailat karuwani Barabas ki mine iri ai.

Tarou ta Mak 15:7

Eme na len doh badeh, ndramak ari nyaran Barabas in bolo kou hawe iri lau rayah ta amekes bahun i bada gabman ta atondrok. Iri mene adai ndramak imek udu bolo len ta bahun.

Metiu 27:20

Eme iri tinan tiri pris ma oro lau tinan tiri lau sosokok iri lau solo-an dah anya, “Aha kaloh, ‘Ahi aso-ok Barabas keme mine ahi, ya ou adai Jises kimek.’ ”

Tarou ta Jon 16:10

Iri ndrandra-i ta lakou mwasin, tasah jo ilih hawe tama, ma aha winiyan batou badak ja bwe.

Tarou ta Jon 18:40

Iri arah ma aloh i tinan i buku doh, “Iy badeh, bwai. Ahi aso-ok ou ruwani Barabas keme len laleyah.” Barabas badeh, iy ndramak ta bahun ta adai lau amak ma iy ale ta bahana.

Aposel 5:28

“Aso tiye sahou boto-on boto-on ndrawek tado, ta ado saleheya boto-on ta nyara ndramak badeh, ja ai, ndri-iy labai. Arile, ado badeh, ndramesekei bolo kon Jerusalem na leheya tado, ma ado anya kamekes aso kabwese maha-an ta ndraye ndramak badeh.”

Aposel 13:28

Iri badeh, winiyan basilahei ari kati lakou ta amekes imek i badan bwe, eme ma, iri ndremenya Pailat kidi iy kimek.