Aposel 3:13 - Nyindrou

¹³ Kindrei ta Abraham uru Aisik hawe Jekop, ma ta tama taha badeh, bwidi lomadan i ta lohowan tan Jises asahan. Aha mene atehei iy ili mine iri lau adai iy. Pailat anya karuwani iy, arile aha badeh, bwale aha, ma aha baseken iy udu mada Pailat bwe.

Aposel 3:13 Referans Kwoze

Aposel 7:32

‘Jo dah badeh, Kindrei ta tamam oro. Jo Kindrei ta Abraham, ta Aisik, ma ta Jekop.’ Eksodus 3:6 Eme Moses totoreh, ma inoh ma madan bala loken bwe.

Metiu 22:32

‘Jo Kindrei ta Abraham, ta Aisik, ma ta Jekop.’ Eksodus 3:6 Sahou doh leheya taha i buku doh: Kindrei atondrok koha oro ma taloh, ma oro ado awas ado hawen kahis le. Eme ma, Kindrei batiye anya iy mene Kindrei tiri lau ndramak, arile na dah, bwe. Bwe! Iy badeh, Kindrei tiri lau koha iri udu aliy kahis le.”

Hiburu 2:9

Arile taha ndranyolom Jises, iy akohok boto-on tan. Bwena mene iy udu bahandra tondrok tiri angelo luluwen bwe, iy imek ta akohok kon ta lau marakon, ma tikisiy ta Kindrei kameh winiyan sebenei iri lau marakon. Jises bwese maha-an tataha tinan labai ma iy imek. Arile na dah, Kindrei ndrasuruni iy, ma ndratehei lomadan nyaran ndra tinan labai udu bwele-e iri lakou marakon.

Tarou ta Jon 19:15

Iri lau ame arah ili bwele-e Pailat, “Kadi iy kimek! Kadi iy kimek! Katatahi iy ki bada kei tondreh!” Pailat eme ndremenya iri, “Aha aso-ok jo katatahi kabin taha kede-eh kili ta kei tondreh?” Arile, iri tinan tiri pris anya, “Ahi ari kabin ja bwe. Sisa le ari, kabin tahi.”

Tarou ta Jon 19:12

Pailat anuhun iri sahou doh, eme iy asilah san ta Jises ki-iu laleyah. Arile iri Juwis arah i tan ja, “Buku ou ruwani iy ndramak badeh, iu laleyah eh, badeh, kameh ou kawas ta Sisa bwai. Are lau asehek, anya iy kabin, badeh, iy bobose Sisa.”

Tarou ta Jon 18:40

Iri arah ma aloh i tinan i buku doh, “Iy badeh, bwai. Ahi aso-ok ou ruwani Barabas keme len laleyah.” Barabas badeh, iy ndramak ta bahun ta adai lau amak ma iy ale ta bahana.

Rebelesen 1:18

Jo badeh, ta ere le buku don ai! Jo mene imek, arile nadah jo ndrame awas ja ta ere le buku doh, winiya bamak ja bwai. Eme ma jo le ari badeh, boto-on tek winiyan mete-ei iri mwan ma badih ndramak bwena kameh ame awas ja.

Aposel 22:14

“Iy asehek sahou eme tek i buku doh, ‘Kindrei ale mene, tubu taha iri atudun iy badeh, lebelei ou, ma aseken ou akohok tanan tiri lakou marakon iy aso-ok, ma iy aseken ou anyolom iy. Iy badeh, mwasin labai ta madan, ma ou winiyan anuhun iy asehek sahou na bohon amwenen.

Tarou ta Jon 12:16

Ma bwena handru oro lau tan bala tanan ta saba lakou handru, nane iy amekes, bwe. Udu hamon ja ta Jises iu ili hamon ili kandrah, eme oro barabudon iri sahou marakon nane udu bolo buk ndrabun asehek ili badan, ma iri lakou rayah doh oro ndramekes ndrala tan ale.

Tarou ta Jon 7:39

Jises asehek nyala Malawin Ndrabun. Buku are lau iri atehei budon tiri in tan, hamon kameh iri akohok Malawin Ndrabun. Udu ndra bada len doh Jises bala hamon bala kandrah, ta Kindrei leheya lomadan i tan bwe le. Eme ma Malawin Ndrabun bame andri bwe.

Tarou ta Luk 23:4

Ano, Pailat aloh i tiri tinan tiri pris, hawe iri lau mari dah, anya, “Jo batou ari lakou ndra-in iy ndramak dah, amekes bo-oh!”

Tarou ta Mak 15:11

Arile iri tinan tiri pris badeh, sosokok iri lau solo-an dah anya ja, Pailat karuwani Barabas ki mine iri ai.

Metiu 28:18

Eme Jises eme mirihik toro ma tiye toro anya, “Boto-on ma lakou mari badu kandrah ma munyak badeh udu minek.

Metiu 27:2

Iri sawei iy, ma tiyani iy ili, ma atehei iy ili mine tinan tiri Rom nyaran Pailat.

Metiu 20:19

Ya oro kameh atehei iy ili mine iri lau ra-on badu leheleh, ta oro lau doh kabobose iy, ma ka-um iy na malou sakabuk i bek, ma katehei iy ki bada kei tondreh. Ya hamon ta len taloh iy kameh amak ja.”

Metiu 11:27

Eme ma, Jises asehek ili ja buku doh, “Tama ndratehei lakou mari ndrame minek. Ya ari ndramak ja winiyan bala tanan jo bala mwasin bwe. Tama le ari tanan jo udu mwasin labai. Ya ari ndramak ja winiyan bala tanan tama bala mwasin bwe; jo nadun le ari tanan iy, hawe oro lau le jo ndranyowonyani oro ndrala mada taman, oro le tana oro tama.

Tarou ta Luk 6:37

“Ou satiye kandriyen ta ndramak ari ari; ya, ou winiyan bare ta mada sahou tinan bwe; ou samekes sahou boto-on sala ta lau, ya idah kameh, Kindrei bamekes sahou boto-on bawek tam bwe. Ou mani kandriyen ndra-in tiri, ya idah kameh, Kindrei ale, mani kandriyen ndra-in tam.

Tarou ta Jon 19:11

Jises eme tiye i tan ja, “Ou winiya batondrok jo bwe, i buku Kindrei batehei boto-on ta atondrok jo bawek tam bwe. Ta idoh le kameh, are lau iy atehei jo eme minem dah, iri kandriyen tan marakon kameh udu bwele-en labai ja ta iri kandriyen ndra-in tam.”

Aposel 3:12

Eme Pita anyolom badeh, iy tiye i toro anya, “Aha lau badu Isra-el, mani aha atur ta sasah? Aha anyolom aru boto-on tasah handru? Budon taha kede-eh anya, boto-on mari badeh udu taru, tasah aru mwasin mara-ei ta mada Kindrei, ma aru bwidi iy ndramak kede-eh edek ja. Arile bwe.

Aposel 3:26

Na len Kindrei tutuni lohowan tan, iy suni iy ewek taha bwena ta adeu nyosowan ewek la-u aha, ta amekes aha badeh, katubuni kona aha ki tiri kandriyen ndra-in.”

Aposel 4:27

Idoh mene handru, Herot hawe Pontiyus Pailat atukum a hawe iri lau badu leheleh ma hawe iri lau badu Isra-el, badu bolo kon tinan dah amekes budon ta adai Jises. Iy badeh, lohowan tam ndrabun ou mene suni iy eme ta amekes gok tam.

Aposel 4:30

Talasei minem kamekes lau kamwenen ma kamekes kalem mwasin na boto-on ta nyara lohowam ndrabun, Jises.”

Aposel 24:14

Arile, jo anya kasehek lakou ari, iri nane atehei jo i ta mada sahou ta aliy, badeh, kaleu kewek taha: Jo badeh, atudun Kindrei ta tubu ahi ari le, ma jo atehei budon tek mara-ei in hamon ta San ta Jises, iri Juwis kede-eh aloh san randrah ja. Ma jo atehei budon tek mara-ei i tiri lakou ndratorowenei ere bolo kandriyen malen ta Moses, ma ere bolo buk tiri propet.

La-ukei ta Pol atorou ili tiri lau badu kon Rom 9:5

Udu ndra bada tubu iri, sare iri edek eme eme taku bada Krais asahan awas. Iy badeh, Kindrei ma iy udu bwele-e lakou mari. Masiye ma tudun ki tan kudu le buku doh. Handru.

Tarou ta Luk 22:57

Eme Pita besebes anya, “Ou badih den, jo tanan iy ndramak kede-eh bo-oh.”