Aposel 28:8 - Nyindrou

⁸ Tama Publiyus badeh, ibo sik in andri, badan nyarahan, ma walou ere tan. Pol eme ili bolo asiu hawen, iy asolom iy, iy atehei minen i bwele-en ma nyumuri iy amwenen ja.

Aposel 28:8 Referans Kwoze

Aposel 9:40

Eme Pita tiye iri mari ame len ta bolo asiu. Ano iy atehei bwili ndru-un i andri ya iy asolom. Eme iy tubuni batalan i ta bada kei nane dah ma iy anya, “Tabita, ou ales are loken.” Eme madan asak anyolom Pita, ma iy suri iy.

Tarou ta Mak 6:5

Eme Jises winiyan bamekes ari lahou tinan bareu kon dah bwai, arile iy le edeu minen i bwele-e iri le lau sik udu tiri, eme ma sik tiri iu.

Tarou ta Mak 16:18

Ya, i buku none iri ateu mwak deh, bwe iri a-un gwa nyakadan, idah kameh iri winiyan bakohok sisi-in ma bamak bwe. Ma idah kameh iri adeu mine iri i bwele-e iri lau abo sik, ya idah kameh sik udu tiri iu.”

Metiu 9:18

Jises asehek sahou ili toro lau ta Jon kahis le, ndramak ari tinan ta atondrok eme atehei bwili ndru-un ere mirihik ta kati Jises, ya iy tiye i buku doh, “Naduk badih ndramak na nane, arile jo aso-ok ou ame atehei le minem le ki tan, ya iy kamak ja.”

1 Korin 12:28

Udu bolo iri lau ta Kindrei, iy atehei iri aposel mwena, ano iri propet, hamon tiri propet, iri lau ta leheya. Ano iy ale atehei lau rayah ta amekes lahou tinan ma kalem, iri rayah ta anyumor lau abo sik, iri rayah ta aseben, iri rayah asahan kabin ta amekes lahou ta Kindrei, ma iri rayah ta asehek iri boho kon randrah labai ja.

1 Korin 12:9

Lau rayah badeh, akohok budon handru badeh, boto-on labai. Ya lau rayah ja badeh akohok boto-on ta anyumor ndramak ibo sik amwenen ja. Iri lau mwan ma badih nane doh akohok ndramas ta Malawin Ndrabun ari le.

Metiu 10:8

Ado kala kamekes kamwenen iri lau abo sik, ma ado kamak iri lau ale ndramak, ma kamekes kamwenen iri lau sik lepra udu bada iri, ma ado katikah iri malawin ndra-in udu la-u iri lau ki-iu. Lakou ado ndrakohok dah, ado akohok laleyah, ma sihinen bwe. Ya ado ale kadeu laleyah kili tiri lau mwan ma badih. Ado sakohok luk ta gok ado amekes, ndri-iy.

Metiu 10:1

Jises luhi oro lau tan ma ronoh la-uh ame hawen, ma iy edeu boto-on ili toro ta atikah malawin ndra-in in la-u lau mwan ma badih iu, ma amekes iri lau tiri sik in bada iri amwenen ja.

Tarou ta Luk 4:40

Eme len ta amunyau ano, an anya ki andri, iri atiye iri lau solo-an, saba sik udu tiri ame hawe Jises. Ya eme iy edeu minen i la-u iri mari, ma iy mesekei iri amwenen ja.

Tarou ta Mak 7:32

Eme iri lau ra-on tiyani ndramak ari ndranyen siu ma iy bohon bwe, eme oro ndremenya Jises katehei minen ki bwele-en.

Tarou ta Mak 5:23

Eme Jairus tiye sahou tikisiy i tan i buku doh, “Naduk badih badeh, mirihik ta anya kimek ai, ou ame atehei minem ki tan ya iy kamak ja.”

Metiu 12:13

Iy tiye toro ano, iy tubuni iy ma iy tiye i ta ndramak nane minen ndra-in, iy anya, “Minem kales!” Nawin bwe ndramak nane minen ales, ma minen amwenen buku le minen raka mwasin nane.

Aposel 28:7

Munyak nane ahi are aliy badeh, ere mirihik ta munyak ta ndreh kabin ta busu doh, nyaran Publiyus. Iy ndreh kabin doh andrei ahi ala asiu tan, ma iy tondrokei ahi udu mwasin labai winiya len taloh.

Aposel 28:9

Pol amekes i buku doh, ma iri lau badu busu nane doh ame le hawen, ma iy nyumuri iri amwenen ale.