Aposel 27:6 - Nyindrou

⁶ Ahi are doh badeh, tinan ta atondrok lau ta bahun ili atou ndron ra-ei badu Aleksandriya anya kili Itali. Eme ma iy atehei ahi ala bolo ndron doh ja.

Aposel 27:6 Referans Kwoze

Aposel 28:11

Bun ma taloh badeh, ahi are busu Malta. Ano ahi a bolo ndron ra-ei mene aton ta jor tolau ere busu doh. Ndron doh badeh, badu kon tinan Aleksandriya. Udu no-o ndron badeh, iri torowenei malawi nadu kindrei Sus ma la-uh udu aliy.

Aposel 27:1

Iri atilik nyala iri ano, eme ma nyala iri ndra le randra, ta aso kakohok ndron ta ala kon tinan Rom udu bolo munyak tinan Itali. Iri ame atehei Pol ili hawe iri lau rayah ja nane badu bolo asiu lulik, i mine tinan ari nyaran Juliyus. Iy ta atondrok iri lau ta bahun, kane iri ma rinek (100). Iy badu hawe iri lau ta bahun ta Sisa amwenen.

Aposel 18:24

Udu bolo len doh, ndramak ari badu Juwis nyaran Apolos, ya atehei iy eme len udu Aleksandriya eme kon Epesus. Iy badeh, tanan tan ndrala labai, ma iy tanan bolo sahou ta Kindrei mwasin labai.

Aposel 6:9

Arile, iri lau rayah suri iri badeh, andresei iy. Oro lau doh badeh, badu asiu ta atukum tiri Juwis, ya oro lau nane doh badu boho kamen iri aloh, “Kamen tiri salibah.” Ya, iri lau doh badeh, iri Juwis badu kon tinan Aleksandriya ya kon tinan Sairini. Oro rayah ja badeh, oro Juwis badu kon munyak tinan Silisiya hawe badu bada kon munyak tinan Esiya atukum hawe oro ta tebelese hawe Stiben.

Aposel 18:2

Iy udu Korin udu gwek badeh, iy ndruni ndramak ari badu Juwis nyaran Akwila, ya tinen atehei iy eme len udu kon munyak tinan Pontus. Iy hawe udun Prisila uru barado Itali barame ai. Tasah, Sisa Klodiyas tiye sahou boto-on i tiri Juwis ado kon tinan Rom badeh, ka-au.