Aposel 27:25 - Nyindrou

²⁵ Ya, aha marakon sanoh! Jo atehei budon tek mara-ei in ta Kindrei, iy kameh winiyan bwidi lakou marakon i buku le iy asehek tek na ben.

Aposel 27:25 Referans Kwoze

Tarou ta Luk 1:45

Idah kameh ou sekesek handru, tasah budon handru tam ndra-en ta sahou mene Laban ndrasehek tam.”

2 Timoti 1:12

Eme ma, jo bwese maha-an doh, ma jo eme udu bolo asiu lulik kada-ah. Arile, bwilik bama ta udu bolo asiu lulik ma bwese maha-an kada-ah, bwe. Tasah, jo ndratanan Krais Jises, ma jo atehei budon tek handru in tan. Ma jo tanan, iy winiyan tondrokei gok ta atiye sahou tan dah udu mwasin, iy ndratehei ndrame minek, ma gok doh kameh udu mwasin mara-ei ili winiyan le len iy eme hamon ja.

Aposel 27:11

Arile, tinan ta atondrok lau ta bahun banuhun sahou ta Pol bwai. Iy in hamon le ta budon ta ndramak ta atondrok ndron, ma tama ndron doh amwenen.

Aposel 27:36

Sahou doh ili bwidi ndrine iri lau mari sekesek, ma iri aimon nyamon.