Biblia Todo Logo
Bib sou entènèt

- Piblisite -




Aposel 27:24 - Nyindrou

24 ma iy tiye tek i buku doh, ‘Pol, ou sanoh! Ou kameh ala ales are mada Sisa. Ou anuhun, Kindrei ndranuhun sahou tam, ma iri lau marakon are bolo ndron hawem kede-eh kameh winiyan bamak bwe.’

Gade chapit la Kopi




Aposel 27:24
35 Referans Kwoze  

Udu, i ben ari ja badeh, Laban eme ales ere mirihik ta Pol, ma iy asehek sahou i tan anya, “Ou abadok ma ou sanoh, ou badeh, ndraleheyani nyarak ndrala bolo kon tinan Jerusalem, ma ou kameh winiyan amekes i buku le aliy kameh, udu kon tinan Rom ale.”


Ado sanoh tiri lau ale winiyan idi bada ado na dah, arile iri winiyan badai malawi ado bwe. Arile ado kanoh labai ta Kindrei, tasah iy winiyan idi malawim ma badam udu bolo jih ale anya udu le buku doh.


Eme ma, aha ari ari badeh, kasehek nyala kandriyen ndra-in taha nane ki tiri lau ta Kindrei ra-on ja. Ya aha kasolom kili ta Kindrei ta iy kamesekei aha kasahan kamwenen ja. Tasah, buku are mwan o badih, iy mwasin mara-ei ta mada Kindrei, ya salom tan nyamun labai, badeh kameh winiyan sebenei lau solo-an labai asahan mwasin.


Arile, Laban tiye i ta Ananayas anya, “Bwe, ou ala! Iy ndramak doh badeh, jo ndralebelei iy ta atiye sahou tek i tiri lau badu leheleh, i tiri kabin tiri ma hawe i tiri lau badu Isra-el.


Len Kindrei sulumwi kon tinan ma nyamak mene Lot manyah udu aliy, eme iy badeh bamaniy Abraham bwe ya eme iy mwesekei Lot atobwak ma iy udu mwasin. Loboho Iri Mowaba Ma Amora


Jo anyolom le iy badeh, ma jo taku ili bada katin, jo ndramak ndra buku bada kei. Iy atehei minen salin eme bwele-ek ma iy asehek sahou eme tek i buku doh, “Ou sanoh! Jo ma bwena labai, ma jo ndrobek handru!


Kane ahi lau marakon are bolo ndron nane doh i se badeh, ma lunek ndro tonoh onoh (276).


Ano hamon ja badeh lele asahan ta Abram, eme iy anuhun Laban tiye i tan, “Abram, ou sanoh! Jo kameh i turuk tam ma jo kameh edeu nyosowan tinan labai i tam.”


Jo kameh edeu lundriyem oro asahan solo-an ma i dah kameh oro asahan kon rakon buruwen. Ya i dah kameh, jo nyosowani ou ma nyaram kameh lau mari i tanan ma nyosowan kameh i tiri lau.


Ya iri rayah ja a-en hamon tiri, aya a-en bwele-e iri sabar ta ndron tahi nane atahan, ma lakou rayah ja badu ndron atahan ili bwisik. Ahi amekes i buku doh, ma ari tahi bamak bwe.


Buku jo ba-en hamon ta batanau bwe ma jo ndrabwidi ari kandriyen ndra-in, badeh, iri winiyan atehei jo ili ta sahou ma adai jo imek ta aliy, idoh jo ari sahou ta aliy bwe. Arile, buku sahou nane iri asehek ta adeu jo i ta mada sahou kede-eh, buku sahou wendreya, ya ari ndramak tinan ta kon tataha dah winiyan badai jo bamak laleyah bwe. Jo aso-ok ou andrei jo kamwenen kili hawe Sisa, tinan tataha badu Rom, ma iy amwenen kanuhun sahou dah.”


Ano udu hamon ta lahou mari doh asahan badeh, Pol amekes budon tan ta anya kili Jerusalem. Iy kameh edek ili bolo kon Masadoniya ma Akaya. Eme iy anya, “Jo ili oro kon doh ano, udu hamon ta aliy badeh, jo kili kaselesen Rom ale.”


Jises asehek sahou i toro lau tan, “Ado sanoh. Len ari ma buruwen mandraben ili winiya beyeh, idoh luluwen labai. Are lau iy edek na len iy winiyan bataku bwe, tasah iy atou lomada len ta kon munyak.


Handru labai! Iri kameh seheyani ado ala mada iri lau ta atondrok, ma hawe iri kabin, ma iri kameh atehei ado ala ta mada sahou. Idoh le, ado winiyan leheya sahou tek ili tiri, ma hawe iri lau mwan ma badih badu leheleh ale.


Eme iy anya, “Jo dah jo Kindrei, Kindrei ta tamam. Ou sanoh ta ala Ijip; jo kameh amwekes lundriyem oro kameh asola ma asahan kon rakon buruwen udu doh.


Eme iy ndramak ta atondrok ari lakou bwe, lakou badeh udu baha nyolom ta Josep, tasah Laban badeh udu hawe Josep, eme badeh mwesekei Josep winiyan amwekes lahou mari.


Na len iy atehei Josep atondrok asiu tan ma lakou tan mari, Laban badeh atehei nyosowan i la-u asiu ta Podipa. Tasah na Josep le badeh, Laban atehei nyosowan i la-u lakou mari ta Podipa badu bolo asiu ma manan ale.


Arile Leban anya, “Ou badeh mwasin ta madak ya ou winiyan ba-au bwe. Ou ado. Jo badeh ndrada kau, Laban atehei nyosowan eme tek tasah na ou.”


Arile, Pol asehek ili tiri tinan ta tondrok lau ta bahun ma iri lau ta bahun i buku doh, “Buku oro lau doh bado ndron bwe, aha kameh winiyan bado bwe.”


Iri lau ta bahun amekes budon ta adai iri lau ta bolo kou kamak, iri abudon anya kora-on iri kaya kala amik ma iri katobwak ka-au.


Ya, sahou tek randra ja. Jo atehei budon tek handru in ta Kindrei, iy kameh winiyan anuhun salom tado, ma jo kameh ano ta asiu lulik, ma jo ewek asahan hawe ado ja. Eme ma, jo aso-ok ou lowosaniy sese bosoh badu bolo asiu tam, ta jo winiyan manyah udu hawem.


Swiv nou:

Piblisite


Piblisite