Aposel 27:12 - Nyindrou

¹² Sala kon nane doh ari korohan mwasin ta ndron aton ta jor tinan ere aliy bwe. Eme ma iri lau solo-an are bolo ndron nane doh, atehei sahou tiri i le randra ta ahi ka-au le ai. Buku ahi winiyan, asahan Piniks, ma kado aliy katondrok jor tinan nane doh kamondrei. Kon Piniks doh badeh, salan ari le udu bilisiu ili kum, ma loboho an i andri ta busu Krit.

Aposel 27:12 Referans Kwoze

Aposel 27:8

Iri lau badu ndron badeh, boto-on, ma ahi atas Krit le ai. Ma ahi ame asahan kon ari, iri aloh Salan Korohan, bado len ta kon tinan Laseya bwe.

Aposel 2:11

Ma to badeh, Juwis hawe oro lau badu leheleh ala a-en hamon ta leheya tiri Juwis; ma hawe to lau rayah badu busu Krit hawe badu kon munyak tinan Arabiya; badeh, to mari anuhun sahou nyarahan ta lahou tinan ta Kindrei oro asehek i boho kon ta to amwenen.”

Aposel 27:7

Len sabe kolek ahi alakak amunum le ai, tasah jor ma bayau laba tinan labai soroya ahi. Iri lau badu bolo ndron doh boto-on labai, ma ahi ala asahan mirihik ta kon tinan Nidus. Arile, jor sokei ahi ma ahi winiyan balakak bala doh ja bwe. Eme ma ahi tubuni ahi ja ala are busu Krit. Mirihik ta no-o sabon Salmone, ma ahi au ala bilisiu mara-ei ta busu.

Aposel 27:13

Nadu yayah sese le atohou eme loboho kum, iy batohou boto-on handru bwe. Eme ma iri anya, ahi winiyan alakak ala bolo salan ari nane iri asehek ta aliy. Eme ma iri aruwi hanai eme loken, ma ahi alakak lawe-e le bada kon badu Krit au ai.

Aposel 27:21

Len sabe buruwen badeh, ahi baimon se nyamon bwai. Eme Pol suri iy ales udu bwena tiri lau badu ndron, ma asehek anya, “Buku taha nane ado ndra Krit, aha kanuhun bohok badeh, jor ma bayau dah winiyan basahan tataha bwe, ma ado winiyan bakeh iri sanuw bala ndras bwe.

Taitus 1:5

Katin ta jo anya, ou ado busu Krit ado gwek sese badeh, ta ou badeh mesekei lahou doh kano, ma kabadok, ta aliu budon toro kamwenen ja. Eme ya ou leheya iri lau rayah badeh, ma ou adeu iri kasahan batun ta atondrok iri lau ta Kindrei badu kon ari ari. I buku none jo mene ndrasehek tam ndra-au.

Taitus 1:12

Eme ya ndramak ari ta tiye boho iri anya, “Iri lau badu Krit badeh, ndra ta wasai le, iri badeh, ndra-in labai, ma hawe iri badeh, ta gwaman ta aimon le nyamon.”