Aposel 26:7 - Nyindrou

⁷ Iri boho kamen tahi ma ronoh la-uh atondrok ta akohok tandrakan badeh, asahan. Iri atudun Kindrei na len ma ben mari, ma iri atehei budon tiri mara-ei handru ta iy winiyan mete-ei iri lau ndramak ame loken ame awas ja. O, kabin tek, jo ale atehei budon tek mara-ei in ta atondrok lakou doh. Ta kati sahou le doh, bwidi iri Juwis orowei sahou eme tek.

Aposel 26:7 Referans Kwoze

Jemis 1:1

Jo Jemis, jo ndramak ta lahou ta Kindrei hawe Laban Jises Krais. Jo atorou la-ukei dah ma edeu sekesek tek ewek taha mwan ma badih mari badu boho kamen ma ronoh la-uh badu Isra-el aseker areu bolo kon munyak mara-ei nane dah.

1 Timoti 5:5

Are badih nyau ndramak ta atondrok iy bwe badeh, iy katehei budon ma boto-on tan na len mari kili le ta Kindrei ta seben.

1 Tesalonaika 3:10

Na len ma na ben, aso badeh, asolom ili le ta Kindrei, iy winiyan aseben aso ta awek kanyolom aha, i buku aha abudon amwenen ili ta Kindrei, ya aso anya katadau budon taha, ma aha kameh winiyan atehei budon taha boto-on in le ta Kindrei.

Pilipai 3:11

I buku none jo imek, jo abudon Kindrei kameh winiyan mete-ei jo amak ja i le buku Krais mene.

Tarou ta Luk 22:30

Eme ya ado kameh aimon nyamon, ma a-un gwa ado bolo tondrok tek, ma ado kameh manyah ado koyeu hawek anuhun sahou toro boho kamen ma ronoh la-uh badu Isra-el.

Metiu 19:28

Jises asehek i toro i buku doh, “Jo asehek handru ewek tado, na len lakou mari asahan ha-un, ya Nadu Ndramak Awas kameh akohok nyaran i tinan, ma iy kameh manyah udu koyeu ta kabin, koyeu doh tan amwenen. Na len doh ado lau ale an hamon tek, ado ale kameh manyah ado koyeu ma ronoh la-uh mwasin, ma ado kameh anuhun sahou toro boho kamen ma ronoh la-uh badu Isra-el.

Aposel 26:2

“Kabin Agripa, na len dah jo sekesek tinan labai ta asehek sahou tek dah ewek tam. Iri lau ta atondrok kandriyen tiri Juwis, iri mene amekes sahou solo-an labai eme badak, eme jo anya kasehek sahou tiri doh kewek tam.

Aposel 20:31

Ya eme mada ado badeh, kaleu! Ado badeh, ndratanan, na jaha taloh mene jo ndrabatanau ado na ben na len ta aliy. Jo batanau ado ma wa-i madak amou ta tikisiy.

Tarou ta Luk 2:25

Eme ndramak ari badu Jerusalem nyaran Simiyon badeh, udu aliy. Iy badeh, mwasin handru ta mada Kindrei ma iy inoh Kindrei labai. Ya iy badeh, Malawin Ndrabun udu tan, ma iy abe-en len ta seben ta lau badu Isra-el kameh asahan.

Aposel 24:15

Jo in hamon ta Kindrei, iri lau nane atehei jo ili ta mada sahou badeh, a-en hamon tan ale, ma ahi atondrok, len hamon Kindrei kameh mete-ei iri lau mwasin, ma hawe iri lau ndra-in mene ndramak, kameh amak ame awas ja.

Aposel 26:3

Arile, ou ndratanam kandriyen tahi Juwis marakon, ma ou ale tanam iri rayah a-en hamon ta budon ari labai, ya iri rayah ja tebelese na sahou, ma iri a-en hamon ta budon ari ja. Sebwe, ou kameh winiyan anuhun sahou tek dah.

Aposel 28:20

Ta katin doh le, eme jo aloh aha marakon ame. Jo anya kanyolom aha, ma kasehek sahou hawe aha. Tasah, jo atehei budon tek mara-ei, ma jo atondrok sahou tandrakan nane taha lau marakon badu Isra-el atondrok kede-eh. Ta idoh le, iri bawei jo na sen dah.”