Aposel 26:24 - Nyindrou

²⁴ Pol asehek sahou tan kahis le, arile Pestus eme sokolowa iri sahou tan, ma arah anya, “Pol, balem ndra-au, tanan tam tinan labai, ma bwidi ou asahan lolo-ou!”

Aposel 26:24 Referans Kwoze

1 Korin 1:23

Arile ahi atiye iri sahou mwasin ta Krais badeh, iri tatahi iy ili bada kei tondreh. Sahou doh badeh, bokoro-ei budon tiri lau Juwis, ma iri atehei kona iri i tan. Ya, iri lau badu leheleh anya, sahou nane doh ta laleyah le.

2 Korin 5:13

Buku jo ibo lolo-ou buku iri mwan ma badih rayah nane asehek, jo anya, ndri-iy ai, jo kamekes le gok ta Kindrei, ma jo kasahan lolo-ou! Arile, ahi lau mwasin, ma ahi amekes gok ta aseben aha ka-en hamon ta sahou mwasin ta Kindrei.

1 Korin 4:10

Tasah, ta atudun nyara Krais le ari badeh, ahi asahan i buku iri lau bale iri bwe, arile Krais badeh, ndrabwidi aha asahan iri lau ta tanan labai. Ahi se boto-on ma ahi nyamu ahi bwe, arile aha ndrabadok kabwe. Ahi se nyara ahi bwe, arile nyara aha badeh, ndra tinan labai.

Tarou ta Mak 3:21

Eme lowan oro anuhun, ma oro anya kala kakohok iy, tasah iri lau anya, “Iy badeh, ndra lolo-ou.”

Aposel 26:11

Ma len solo-an badeh, jo iu ili bolo asiu ta atukum tiri Juwis, ma jo abwiyeh iri lau ta Jises doh. Ma jo atehei sahou ili ta lau rayah ta a-um iri, ma nohowa iri ta iri kabobose Kindrei. Eme ma ndrinek ibolosen labai, ma jo in hamon tiri ili, ili bolo iri kon udu len labai ta Jerusalem.

Aposel 17:32

Eme na len iri anuhun Pol asehek nyala amak eme loken ta imek badeh, iri lau rayah ja badeh, bobose iy. Arile, iri rayah anya, “Ahi anya kanuhun sahou ou nane asehek badeh, ja.”

Aposel 24:25

Arile, Pol asehek iri sahou nane ili le, ma iy asehek ta lau ka-en hamon tiri kandriyen mwasin, ma iri katondrok manyah tiri kamwenen, ma iri samekes kandriyen ndra-in. Ma iy asehek ta nyala len hamon, Kindrei kameh seleya manyah ta lau marakon. Peliks anuhun iri sahou doh, ma bwidi iy inoh mara-ei labai. Ma iy tiye Pol i buku doh, “Ou au ai. Buku len rasan ja, jo baraloh ou barame, ma ou barame baratou jo ja.”

Aposel 22:1

Eme ma Pol tiye tiri i buku doh, “Aha mari, aha nadu tine, ma aha tama, jo anya kasehek taha kamwenen i buku doh, jo badeh tanan ari lakou jo amekes andra-i bwe. Aha kanuhun kamwenen.”

Tarou ta Jon 8:52

Ndrine iri Juwis irih ta sahou ta Jises, eme iri asehek sahou i buku doh, “Idah ahi ndratanan ndramwenen ai. Ou kede-eh malawin ndra-in udu bwele-em! Abraham ma hawe iri propet badeh, ndramak ndra bwena ndra-au. Arile ou anya ja, ‘Iy are lau iy anuhun ma iy in hamon ta leheya tek, iy winiyan bamak bwe.’

Tarou ta Jon 8:48

Iri Juwis asehek sahou boto-on i ta Jises i buku doh, “Ahi asehek handru, ou ndramak ndra-in badu Samariya, malawin ndra-in udu bwele-em.”

Tarou ta Jon 7:15

Iri lau tinan tiri Juwis ado aliy ale, mani iri atur, eme iri ndremenya iri, “Iy bala ari kon ta leheya bwe, arile iy akohok iri tanan doh badu heh handru?”

Aposel 24:27

Arile, Peliks anya kasahan kawas hawe iri Juwis, ma iy baruwani Pol udu bolo asiu lulik bame len bwe. Eme ma jaha ma la-uh ano iu, ma ndramak ari ja nyaran Porsiyus Pestus akohok kon ta Peliks, ma iy akohok gok tan.

2 Timoti 3:15

Eme ma, ou ale tanam lakou doh: Ou mene ma nadu nah bwisik kahis, tinem mene leheya ou, ma ou akohok tanan ma bwena ta buk ndrabun. Ou tanam, buk ndrabun dah winiyan ta edeu budon mwasin ewek tam, ma Kindrei kameh andrei ou ame hamon. Tasah, ou atehei budon tam mara-ei in ta Krais Jises.