Aposel 26:23 - Nyindrou

²³ Iri asehek i buku doh, ‘Mesaya, iy ndramak nane Kindrei tiye iy eme ta akohok iri lau tan, iy kameh akohok sisi-in ma iy imek, eme ma iy le ari doh kameh ili bwena labai ta amak ere bolo lek tan eme awas ja. Ma iy kameh atiye sahou ta nyala sun ta Kindrei ili tiri Isra-el, ma ili tiri leheleh ale.’ ”

Aposel 26:23 Referans Kwoze

Tarou ta Luk 24:26

Idoh mwasin o? Ta Krais mene bwese maha-an doh, ya eme iy winiyan ili bolo lomadan tan.”

Kolosi 1:18

Krais badeh, batun ta bada iri lau tan, iri doh badeh, lau ta Kindrei amwenen. Tasah, iy amwenen badeh, kati kohan handru tiri lau ta Kindrei mari doh. Iy le ari badeh, amak eme hamon eme awas ja udu bolo ndrokowa iri mwan ma badih mene ndramak ndra-au ndrasu-u. Eme ma, iy kadok amwenen, ma iy winiyan udu bwele-en ta atondrok lakou marakon.

Hiburu 2:10

Kindrei badeh, iy kati iri lakou marakon, tasah iy bwidi iri lakou marakon. Ma iy aso-ok ta akohok nadun iri kala hawen kakohok lomadan mwasin. Eme iy atehei budon in ta nadun ta kamekes iri gok ta akohok iri lau mwan ma badih kame hamon ja, iy eme atehei Jises eme akohok sisi-in tinan labai. Ta sisi-in doh le, ma iy atehei Jises udu bwena ta aseben iri lau mwan ma badih. Kindrei amekes iri kandriyen marakon doh amwenen le ai.

1 Korin 15:3

Jo ndrasehek taha ta sahou laba tinan labai, sahou nane doh jo akohok bwena. Moso sahou nane i buku doh: Krais mene imek badeh, ta talou taha ado ta kandriyen ndra-in tataha marakon ame len, i buku le ndratorowenei udu bolo buk ndrabun ta Kindrei.

Tarou ta Luk 2:32

Anya ma lomadan eme len, ta leheya ou ame len mada iri lau badu leheleh, ma lomadan anya i tiri lau tam, Isra-el.”

Jenesis 3:15

“Ya jo kameh mwesekei ou hawe i badih kameh ah kameh baseken ah bwe; nadu ah kameh uru kameh andra-i udu le buku doh. Ya nadu i badih kameh tihisiy batum abwesek ma i dah kameh ou kameh aso ma aimon katin.”

Tarou ta Jon 10:18

Ari ndramak winiyan bandrei kohak ba-au bwe. Na tanan ma budon tek le amwenen jo edeu kohak iu. Boto-on ta adeu ma boto-on ta akohok eme hamon badeh, tek amwenen. Sahou batanau dah jo akohok badu mine tama amwenen.”

Aposel 26:18

ta aseh mada iri ilik kanyolom kon ja, ma iri katubuni kona iri kili ta boto-on ta balik, kili hamon ta Kindrei. Kindrei kameh mani kandriyen ndra-in tiri mara-ei, ma iri kameh winiyan akohok kon hawe iri lau nane asahan ndrabun, i san ta iri atehei budon tiri in tek.’ ”

Aposel 26:8

Buku sah handru, aha rayah abudon buku, taha satehei budon tataha sala ta Kindrei, ta iy kameh mete-ei iri lau ndramak, kameh amak ame awas ja?

Aposel 13:34

“Eme Kindrei suri iy eme loken ta imek ja, ma iy winiyan bamak ma babola ja bwe. Sahou doh handru, eme ma Kindrei tiye i buku doh: ‘Jo kameh edeu ewek taha iri nyosowan turuwen mene jo tandrakan Debit ta aliy. Idoh kameh asahan handru buku jo ndratiye.’ Aisaya 55:3

Aposel 3:18

Arile, sahou mene Kindrei atehei i kani iri propet mari asehek badeh, i buku doh: Krais kameh bwese isi. Ma na kandriyen aha amekes i tan, Kindrei bwidi sahou tiri propet tan i handru.

Tarou ta Jon 11:25

Jises tiye i tan, “Amak udu bolo lek eme awas ja badeh, jo le ari. Iy are lau atehei budon tan mara-ei eme tek, iy imek arile kohan handru kameh udu mwasin.

Tarou ta Luk 24:46

Eme iy asehek i toro anya, “Sahou mene ndratorowenei asah i buku doh: Krais badeh, bwese maha ma iy imek, ya na len taloh ja kameh iy amak ja.

Metiu 27:53

Iri ruwani lek tiri. Hamon ta Jises amak eme loken, iri ala bolo kon tinan Jerusalem, ma iri lau solo-an atou iri.

Metiu 26:24

Nadu Ndramak Awas kameh imek i buku le tarou mene ndratorowenei ta nyalan. Arile sisi-in laba tinan kameh i bwele-e ndramak iy ale atehei Nadu Ndramak Awas ili mine iri lau ndra-in, sebwe mwasin tinen mene satuwi iy, ndri-iy!”

Aposel 3:24

“Handru labai, iri propet kabatana Samuwel eme, eme taku dah badeh, mari asehek nyala le len doh.

2 Korin 4:4

Tasah, kindrei ta wendreya badu munyak dah, iy mene wahei budon tiri mwan ma badih doh batehei budon tiri bala ta Kindrei bwe. Eme ma, sun ta sahou mwasin ma lomada Krais, idoh winiyan bala bolo budon ma ndrine iri bwe, ma iri winiyan akohok Krais bwe, konen i buku Kindrei amwenen.