Aposel 26:20 - Nyindrou

²⁰ Jo atiye sahou ma bwena handru ili tiri lau badu Damaskus. Ano ja, jo atiye ili bolo kon Jerusalem ma Judiya mara-ei, ma ili bolo kon leheleh ale. Jo atiye sahou, ta iri karuwani kandriyen ndra-in tiri ki-iu, ma iri katubuni ndrine iri kili ta Kindrei. Ma iri kamekes kandriyen mwasin ta leheya iri ndratubuni ndrine iri handru.

Aposel 26:20 Referans Kwoze

Aposel 3:19

Ya eme aha badeh, katubuni ndrine aha ma aha ka-en hamon ta Kindrei. Ma idah kameh, lomondra ndra-in taha kameh Kindrei sikine iu. Ya len ta akohok manyah mwasin ta Laban kameh eme.

Metiu 3:8

Ado kadeu nah ma ado kabatanau oro ta oro katubuni ndrine oro ta kandriyen ndra-in toro ki san ta tikisiy.

Aposel 2:38

Eme Pita asumon boho oro i buku doh, “Ado mari badeh, katubuni ndrine ado ma kanyu na nyara Jises Krais, ya idah karei ma lomondra ndra-in tado kameh sikine iu. Ma idah kameh, ado akohok Malawin Ndrabun i nyara ndramas ewek tado.

Rebelesen 2:5

Ya, ma bwena mene aha amekes kandriyen mwasin labai, arile nadah ja aha ndraruwaniy. Ya, aha kabudon kili hamon ja ta kandriyen, mene aha atehei budon taha mara-ei eme le tek, ma aha aso-ok jo labai. Aha katubuni ndrine aha ja, ma ka-en hamon tek buku bwena mene ja. Buku bwe-eh, jo kameh asahan hawe aha ma andrei ndru-u sun taha iu.

Metiu 9:13

Ado kala kabudon kati sahou sokek dah kamwenen, ‘Jo baso-ok salom laleyah aha amekes eme tek bwe, arile jo aso-ok handru aha kamekes kandriyen ta tikisiy ki ta ndramak ari ja.’ ” Hoseya 6:6 Eme Jises anya ja, “Jo eme dah ta aseben lau mwasin le, bwe. Jo eme dah badeh, ta aseben iri lau ta karei ma lomondra ndra-in udu tiri kasahan mwasin.”

Rebelesen 3:3

Aha kabudon kili hamon ja ta len ma mwena mene aha anuhun sahou tek mwasin, ma aha atehei budon handru taha in aliy. Eme nadah, aha katubuni ndrine aha ma ka-en hamon ta sahou handru ma bwena mene ja. Buku bwe-eh, jo kameh ewek hawe aha i buku ndramak ta bahana, ma aha kameh winiyan bala tanan ta len, jo kameh ewek bwe, ma jo kameh edeu ndramas ndra-in labai ewek taha ale.

Epesus 4:17

Ta nyara Laban, jo anya kabatanau aha ki buku doh: Aha sa-en hamon ja, ta kandriyen tiri mwan ma badih badu kon munyak, iri tanan Kindrei bwe. Budon tiri badeh, ari katin bwe.

2 Korin 7:10

Idoh handru, iri maha-an ale Kindrei atehei udu bolo ndrine iri mwan ma badih badeh, ta leheya iri ta tobolowe ndrine iri, ma Kindrei winiyan akohok iri ame ta manyah mwasin. Ma are mwan o badih edek san doh winiyan batikisiy ta aliy ja bwe. Arile, maha-an ma bwilima kameh asahan ta ndrine iri lau badu kon munyak. Idoh kameh edeu imek ili tiri le kabwe.

1 Tesalonaika 1:9

Tasah, iri mwan ma badih badu bolo kon rakon rakon le badeh, asehek amwenen eme taso, ta nyala lakou marakon asahan udu kala aso mene are hawe aha. Iri asehek eme taso i buku doh: “Iri Tesalonaika marakon badeh, ndratubuni budon ma kona iri ndrala tiri kindrei ta wasai, ma iri ndratehei ndrine iri ndrala le ta Kindrei handru. Tasah, iri ame asahan lau mwan ma badih ta Kindrei, iy kati kohan handru.

La-ukei ta Pol atorou ili tiri lau badu kon Rom 2:4

Ya eme ou abudon anya, “Bolo tikisiy tan tinan labai, ya iy udu le abe-en lau katubuni ndrine iri, ma iy badeu ndramas ndra-in bala tiri suwi bwe. Idah kameh, jo winiyan bala bolo maha-an ta Kindrei bwe.” Sebwe ou abudon kandriyen mwasin tan doh, i buku lakou laleyah nadeh? Ya eme ou baseleyani se bwai, ta tikisiy tan badeh, ta anya katubuni ndrinem ma katiye ou ame hamon ja.

Aposel 26:17

Jo kameh sebenei ou, buku ou ala ado bolo iri lau tam amwenen, ma iri lau leheleh. Jo kameh suni ou ala bolo iri,

Aposel 20:21

Jo badeh, asehek i ndranye iri Juwis hawe iri lau badu Grik katubuni ndrine iri ta kandriyen ta karei ma lomondra ndra-in tiri, ya katehei budon tiri handru ki ta Laban tataha Jises.

Aposel 17:30

Len bwena mene, Kindrei anyolom lau badeh, bala tanan iy bwe, ya iy batiye iri ta lakou iri amekes laleyah bwe. Arile, na len dah ja, iy batanau lau mari badu heh, badu heh badeh, katubuni ndrine iri.

Aposel 15:19

Eme Jemis asehek sahou ili le i buku doh, “Jo budon tek badeh, i buku doh: To badeh, samekes sabadok labai sala tiri lau badu leheleh, iri ala ndratubuni ndrine iri ndra ta Kindrei.

Aposel 11:18

Eme oro anuhun badeh, oro basehek iy ja bwe, ma boho oro andru-uk ma oro atudun Kindrei i buku doh, “Handru labai, Kindrei badeh, anya kaseben iri lau badu leheleh ale ta iri winiyan tubuni kona iri ili tiri kandriyen ndra-in, ma kakohok manyah mwasin ta Kindrei ta winiyan bano bwe.”

Aposel 9:35

Eme iri lau manyah ado Lida hawe Saron anyolom badeh, ma iri atehei budon tiri handru i ta Laban.

Aposel 9:15

Arile, Laban tiye i ta Ananayas anya, “Bwe, ou ala! Iy ndramak doh badeh, jo ndralebelei iy ta atiye sahou tek i tiri lau badu leheleh, i tiri kabin tiri ma hawe i tiri lau badu Isra-el.

Tarou ta Luk 15:10

Idah kameh, i le buku aliy; iri angelo badu kandrah kameh sekesek ado mada Kindrei i buku none, ari ndramak katubuni ndrinen.”

Tarou ta Luk 15:7

Eme Jises anya, “Jo katiye tado kamwenen, idah kameh i le buku aliy; sekesek laba tinan labai kameh udu kandrah i buku none ari ndramak ta karei ma lomondra ndra-in katubuni ndrinen. Sakalawi oro lau ma ndro ronoh ndro ari (99) mene oro anya oro mwasin, arile oro batubuni ndrine oro bwe.

Tarou ta Luk 13:5

Bwe! Jo katiye tado kamwenen. Arile, i buku none ado batubuni ndrine ado bwe le, badeh kameh ado amak i le buku aliy.”

Tarou ta Luk 13:3

Jo katiye tado kamwenen: Bwe! Arile, i buku none ado batubuni ndrine ado bwe, idah kameh, ado amak i le buku aliy.

Tarou ta Luk 1:16

Iy le kameh tiyani iri lau badu Isra-el kameh ame hamon ja, ame hawe Laban Kindrei tiri.

Tarou ta Mak 6:12

Jises asehek sahou ano, ya oro lau tan au ala atiye sahou tan i tiri lau mwan ma badih. Oro asehek i tiri i buku doh: “Aha katubuni kona aha kili tiri kandriyen ndra-in marakon taha, ma katehei budon taha kili ta Kindrei le ari.”

Metiu 4:17

Udu bada len doh Jises asehek sahou ma bwena handru, eme ma iy tiye i buku doh: “Ado katobolowe ndrine ado, ma ado katikisiy handru ta kandriyen ndra-in tado, tasah tondrok ta Kindrei ndrame mirihik.”

Metiu 3:2

Ma iy asehek i buku doh, “Aha katobolowe ndrine aha, tasah tondrok ta Kindrei ndrame mirihik.”

Rebelesen 16:11

Iri abudon ta sisi-in hawe soso-ou tiri, eme ma bwidi iri aten nyara Kindrei badu kandrah. Arile, iri badeh, batubuni ndrine iri ma batehei kona iri bala tiri kandriyen ndra-in nane iri amekes bwe.

Rebelesen 2:21

Jo ndratehei len ndrala tan, tasah jo aso-ok iy katubuni ndrinen ta iri kandriyen ta karei iy amekes. Arile, iy baso-ok bwe.

Aposel 26:19

Pol asehek ili le i buku doh, “O kabin Agripa, jo bala bwalek ta lakou badu kandrah mene jo anyolom ma anuhun bwe.