Aposel 26:13 - Nyindrou

¹³ Ndramak tinan, an ndrame loken ndrare le alih. Jo badeh, edek san, se nawin bwe jo anyolom lomada sun ari udu kandrah eme andri. Sun doh lomadan boto-on ma tinan labai ja ta an. Sun doh anya eme bwele-ek, ma hawe oro lau rayah nane adek hawek.

Aposel 26:13 Referans Kwoze

Metiu 17:2

Oro ado, oro anyolom ili bada Jises ndratubuniy ndra randrah ja. Ya bwilin anya buku none an. Ya awin tan asahan belen, handru en!

Rebelesen 21:23

Udu bolo kon tinan nane doh, an ma bun badeh, banya bwe, tasah lomada Kindrei le ari anya ili bwele-en. Ya, Nadu Sipsip badeh, anya i nyara sun ta aliy.

Rebelesen 1:16

Iy tawi ndrau ma ndro taloh badeh, udu minen salin, ma hawe raho samen iri aloh bainat, madan mala-uh badeh, lahen bwe, lahen bwe, udu bohon eme len. Ma madan anya labai i buku le an udu alih amwenen.

Aposel 22:6

Pol asehek i tiri i buku doh, “An udu halas badeh, jo edek ndrame mirihik labai ta kon tinan Damaskus. Se nawin bwe, sun ari lomadan tinan labai anya udu kandrah eme andri awudi jo mara-ei.

Aposel 9:3

Eme iy edek eme mirihik ta kon Damaskus le badeh, se nawin bwe, sun lomadan labai anya udu kandrah eme andri awudi iy.

Aposel 22:9

Ya oro lau rayah nane adek hawek badeh, anyolom lomada sun doh, arile oro banuhun boho ndramak nane asehek sahou eme tek bwe.

Aposel 26:12

“Ma jo mene amekes gok i buku doh, ma iri tinan tiri pris badu Juwis badeh, atehei la-ukei ramen eme minek ta atiye kili kon tinan Damaskus ta ateu iri lau ta Kindrei kala bolo asiu lulik.

Aposel 26:14

Aso mari atarah ala bada munyak, ma jo anuhun boho ndramak ari aloh jo i boho iri Hiburu i buku doh, ‘Sol, Sol, tasah handru, ou anya adai jo kimek? Ou badeh, bwese maha-an ma sisi-in ta kandriyen, buku ou le amwenen morohani katim i ta lakou madan labai.’