Aposel 24:5 - Nyindrou

⁵ “Ya, iy Pol badeh, iy ndramak ari ndra-in labai, ta amekes ramwes solo-an. Ahi tanan, buku iy ta amekes losen ere bolo iri Juwis ere bolo kon mara-ei, ma iy ndramak tinan ari ale, tiri lau nane a-en hamon ta Jises badu kon tinan Nasaret.

Aposel 24:5 Referans Kwoze

Aposel 28:22

Arile, nadah, ahi anya kanuhun budon tam le amwenen, tasah ahi tanan, bolo kon mara-ei iri lau amekes sahou ta bobose ili ta lakou nane ha-un asahan bolo taha Juwis kede-eh.”

Aposel 24:14

Arile, jo anya kasehek lakou ari, iri nane atehei jo i ta mada sahou ta aliy, badeh, kaleu kewek taha: Jo badeh, atudun Kindrei ta tubu ahi ari le, ma jo atehei budon tek mara-ei in hamon ta San ta Jises, iri Juwis kede-eh aloh san randrah ja. Ma jo atehei budon tek mara-ei i tiri lakou ndratorowenei ere bolo kandriyen malen ta Moses, ma ere bolo buk tiri propet.

Aposel 26:5

Iri ndratanan jo ndra bwena labai. Ya, buku oro aso-ok, oro winiyan asehek nyala iri lahou jo ndramekes udu bolo tukum tiri. Bwena mene jo Parasi ari ai; kandriyen tiri badeh boto-on labai, ma jo amekes lahou in hamon ta kandriyen tiri.

Aposel 15:5

Ano oro lau rayah ta budon handru, badu hawe oro lau Parasi ales are loken tiye anya, “Iri lau badu leheleh badeh, ka-en hamon ta batanau ta Moses, ya kasan ku-i iri.”

1 Korin 4:13

Iri atenei ahi andra-i labai en, arile ahi asehek sahou mwasin ja ili tiri. Ahi asahan buku iri lakou ndra-in ta akeh iu, ta mada iri lau marakon, ahi badeh, ndra buku lakou ndra-in laleyah ndrajah. Ahi ndra bwena ado le buku doh eme asahan nane dah.

Aposel 21:28

Iri arah ma aloh i buku doh, “Aha lau badu Isra-el, aha kame kaseben aso. Iy lau dah le adeh, leheya lau badu kon mara-ei, iy bobose iri lau tataha, ta kandriyen malen ta Moses, ma asiu tinan ta Kindrei ale. Ya, iy bamekes kandriyen dah le bwe. Iy akohok iri lau badu Grik ale ame bolo asiu tinan ta Kindrei, ma iri bwidi ndrahune Kindrei nane leheya iy amwenen udu aliy, ma bwidi ajah ta madan.”

Aposel 5:17

Ano, tinan tiri pris hawe oro lau badu hawen, oro badu hawe oro Sadusi, mada oro alikis oro aposel, tasah iri mwan ma badih mara-ei badeh, sekesek labai ta gok toro aposel.

Tarou ta Luk 23:2

Eme iri tebeya wasai anya, “Ahi badeh, ndratakalahei ndramak dah amekes bolo manyah tiri lau tahi, bamwenen bwe. Iy tandra-un tiri lau badeh, sakeh luk sala ta Sisa, ma tiye anya, iy badeh, Krais, ma iy kabin tiri Isra-el.”

1 Pita 2:19

Buku none aha akohok maha-an ta kandriyen mwasin aha amekes, arile aha bwese-ei maha-an nane doh, mwasin. Tasah, aha atehei budon ta aha a-en hamon ta seken ta Kindrei le. Eme ma iy kameh nyosowani aha na nyosowan mwasin.

1 Korin 11:19

Tasah, jo anyolom ndrokowa aha lau ta Kindrei badeh udu aliy. Sebwe, Kindrei anya kanone iri lau a-en hamon ta sahou handru le kameh kasahan keme lewan.

Aposel 22:22

Iri Juwis anuhun sahou ta Pol, arile iri anuhun iy asehek ja ta aseben iri lau badu leheleh, eme ma bwidi ndrine iri ibolosen, ma iri arah boto-on labai anya, “Iy sare kon munyak hawe taha! Kadi iy kimek ki-iu! Iy ndra-in labai, ma iy sado kon munyak dah!”

Aposel 6:13

Eme iri amekes budon laleyah ma iri wasai anya, “Iy lau doh badeh, asehek sahou ndra-in i bada kandriyen malen hawe kon ndrabun.

Tarou ta Luk 23:25

Ya eme iy ruwani Barabas mene amekes bahun udu kon tinan, ma idi ndramak badeh, udu bolo kou eme len. Ano iy atehei Jises ili mine iri, ma iri amekes sasah na seken tiri ai.

Tarou ta Luk 23:19

Barabas in bolo kou mene badeh, iy ta amekes bahun udu bolo kon tinan, ma hawe idi ndramak amak.

Tarou ta Luk 23:5

Arile, iri sarakau anya, “Iy mene leheya ma amekes ndrokowa iri lau badu loboho Judiya bado mwasin bwe. Iy mene amekes kandriyen doh, udu ndra Galili on, eme taku dah.”

Metiu 10:25

Arile, buku none ari ndramak ta akohok tanan asahan buku none ndramak ta leheya iy, mwasin. Ya buku none ari bonyo-ou asahan buku none ndramak ta atondrok iy, mwasin. Iri lau tinan badu Isra-el tondrohani jo tama boho kamen, nyarak Belsabul. Ya idoh ado katana ado, iri kameh tondrohani nyara ado i le ndra-in labai, tasah, ado lau mwan ma badih an hamon tek.”

Metiu 2:23

Eme ma iy ili manyah udu kon ari aloh Nasaret. Ya sahou dah asahan ma amwenen le i buku le iri propet ndrasihidiy: “Idah kameh iri aloh iy lau badu Nasaret.”

Tarou ta Mak 1:24

Eme iy aloh, “Jises badu Nasaret, ou anya amekes sasah keme taso? Ou ame dah ta adai aso kamak ai? Jo tanan ou are handru kede-eh, ou badeh, ndramak ndrabun ta Kindrei.”

Aposel 24:4

Jo bwalek aliu sahou lawe-en labai, tasah ou tam gok solo-an ta amekes. Arile, na dah jo anya kandremenya ou ta tikisi aso, ma ou anuhun sahou taso ja, na dah aso anya kasehek kewek tam.

Aposel 25:7

Pol eme bolon le badeh, iri Juwis nane are Jerusalem ndrame ndrare bolo asiu doh, awudi iy ma asehek sahou boto-on ta kandriyen solo-an ndra-in ta adeu Pol ili ta mada sahou. Arile, sahou tiri bare bada ari lakou handru bwe.