Aposel 24:27 - Nyindrou

²⁷ Arile, Peliks anya kasahan kawas hawe iri Juwis, ma iy baruwani Pol udu bolo asiu lulik bame len bwe. Eme ma jaha ma la-uh ano iu, ma ndramak ari ja nyaran Porsiyus Pestus akohok kon ta Peliks, ma iy akohok gok tan.

Aposel 24:27 Referans Kwoze

Aposel 25:9

Pestus anya kamekes ndrine iri Juwis kasekesek, iy eme asehek ili ta Pol i buku doh, “Buku sah, ou aso-ok ta ala hamon ala Jerusalem ja, ma jo kamekes sahou dah ja kere loboho tiri amwenen, deh?”

Aposel 25:14

Uru are loboho doh len sabe iu, ano Pestus asehek ta nyala Pol i ta kabin. Iy anya, “Ndramak ari ere bolo asiu lulik kede-eh, nyaran Pol. Peliks badeh, banuhun sahou tan bano bwe, iy ere ndra bolo asiu lulik kede-eh kahis.

Aposel 12:3

Eme iy anyolom, buku iri Juwis badeh, sekesek ta aliy, iy ili abwiyeh ta aseu Pita ale. Idoh badeh, udu bolo len ta nyamon tinan ta jabi ramen yis bala bolon bwe.

Aposel 25:1

Pestus eme asahan Sesariya ta akohok kon ta Peliks. Ano, udu hamon ta len taloh iu, iy iu ili loke ili Jerusalem.

Tarou ta Mak 15:15

Ya eme Pailat anya kamekes iri lau solo-an nane dah kasekesek, eme ma iy ruwani Barabas i mine iri ai. Arile iy atehei Jises ili mine iri lau ta bahun, ta iri ka-um iy na malou sakabuk i bek. Ano iy atehei Jises ili mine iri lulik ta atideh iy kili bada kei tondreh.

Galesiya 1:10

Jo babudon solo-an ta budon tiri mwan ma badih bwe. Buku iri baso-ok jo bwe, jo ari sahou ta aliy bwe le. Jo ndramak ari ta atiye sahou handru, ma jo aso-ok Kindrei le amwenen kasekesek ta gok tek. Buku iri basekesek ta sahou nane jo asehek bwe, ndri-iy ai. Buku jo ndramak ari ta atamar le iri lau, jo winiyan basahan lohowan ta Krais bwe.

Aposel 26:32

Agripa eme tiye ta Pestus i buku doh, “Ou winiyan tolowei iy ndramak kodo-oh iu laleyah. Arile, iy amwenen aso-ok Sisa kanuhun sahou tan.”

Aposel 28:30

Jaha ma la-uh badeh, Pol ere le asiu iy sihinei ta iy udu aliy. Iy sekesek labai ta iri lau ame manyah hawen.

Aposel 25:4

Arile, Pestus eme asehek i tiri i buku doh, “Pol badeh, udu ndra bolo asiu lulik udu Sesariya kahis, arile jo amwenen kameh iu ili hamon ja.

Aposel 23:35

Kabin eme tiye Pol, “Mwasin jo winiyan anuhun sahou tam, buku iri lau nane anya kadeu ou ala ta mada sahou, asahan.” Ano iy aloh oro lau tan ta bahun ame, “Ya, ado katiyani Pol kili asiu tinan ta kabin Herot mene tutuniy, ma ado katondrokei iy.”