Aposel 24:25 - Nyindrou

²⁵ Arile, Pol asehek iri sahou nane ili le, ma iy asehek ta lau ka-en hamon tiri kandriyen mwasin, ma iri katondrok manyah tiri kamwenen, ma iri samekes kandriyen ndra-in. Ma iy asehek ta nyala len hamon, Kindrei kameh seleya manyah ta lau marakon. Peliks anuhun iri sahou doh, ma bwidi iy inoh mara-ei labai. Ma iy tiye Pol i buku doh, “Ou au ai. Buku len rasan ja, jo baraloh ou barame, ma ou barame baratou jo ja.”

Aposel 24:25 Referans Kwoze

Tarou ta Jon 16:8

Len iy eme, iy kameh leheya ndra-in tiri lau badu kon munyak eme lewan, i buku iri ndrandra-i ta amekes kandriyen ndra-in, ma ta nyala lakou mwasin, ma nyala len ta sahou ta Kindrei.

1 Pita 3:15

Aha kabudon le Krais, ma aha kalelek iy, tasah iy badeh, Laban tataha handru. Ma len mari, aha kalokou aha ta asumon are lau, buku none iy ndremenya, saba kati kandriyen mwasin ereu taha, ma aha atondrok ta aliy. Aha kasumon kamunum, ma aha kalelek iri ale.

2 Pita 1:6

Ma hawe i bwele-e ado takaleh ma akohok tanan mwasin ta Kindrei badeh, ado kanone boto-on ta atondrok budon tado kudu mwasin; ma hawe i bwele-e ado atondrok budon tado kudu mwasin badeh, ado kanone boto-on tado ta saruwani mine ado, arile ado kales kado le ta bolo maha-an. Ya, i bwele-e kandriyen ta ado le tado badeh, kanone boto-on tado ta amekes bolo manyah tado i buku lau handru ta Kindrei.

Galesiya 5:23

kandriyen ta ou amekes ou batudun ou bwe, ma hawe kandriyen ta budon tam winiyan bandra-i bwe. Ya eme ari batanau malen winiyan baturuki iri kandriyen doh bwe.

Aposel 10:42

Iy badeh, batanau boto-on labai ta aso katiye sahou kili tiri lau mari ma katiye, iy le badeh, Kindrei atehei lahou i tan ta aleben sahou tiri lau ndramak bwena, ma hawe iri lau ma mulin kahis.

1 Jon 3:7

Wurah lomada aha naduk, mada aha kaleu tiri lau sawendreyani aha. Are ndramak, iy amekes kandriyen mwasin, iy badeh, mwasin mara-ei ta mada Kindrei, buku Krais badeh, kandriyen tan mwasin, ma iy ale mwasin mara-ei en.

Jemis 2:19

Buku none ou badeh, atehei budon tam anya, Kindrei badeh, ari le. Mwasin. Arile, badeh, lakou laleyah. Tasah, iri malawin ndra-in abudon buku aliy ale, ya iri anoh ma totoreh, tasah Kindrei kameh atehei iri ala ta mada sahou, ma iri kameh ala bolo jih. Ya budon tiri le nane winiyan bamesekei iri asahan mwasin ta mada Kindrei bwe.

Hiburu 9:27

Lau marakon kameh amak san rasan le, ano kameh iri asahan ta len ta sahou.

Hiburu 4:1

Tandrakan ta Kindrei ta atiye taha ala bolo kon ta amunyau udu aliy kahis. Eme ma taha kabudon kamwenen, kora-on Kindrei kanyolom ari tataha, iy winiyan bala bolo kon ta amunyau doh bwe.

Hiburu 3:13

Na len dah Kindrei aloh “Na dah” kahis le. Iy isan len eme tataha ta anuhun sahou tan. Eme ma ta len marakon, taha kadeu sahou mwasin kili ta nadu tine taha mwan ma badih, ta amekes budon tiri kabadok. Tasah, kora-on taha ari ka-en hamon ta kandriyen ndra-in ta wasai, ma tebelese hawe Kindrei.

Galesiya 3:22

Arile bwai! Sahou ta Kindrei ndratiye anya lau mwan ma badih badu kon munyak mara-ei badeh, ado bolo kowah ta karei ma lomondra ndra-in. Kindrei le alelei lakou doh asahan tasah, iy anya katehei nyosowan mwasin tan mene iy tandrakan badeh, ki tiri lau heh atehei budon tiri handru in ta Jises Krais.

2 Korin 5:10

Tasah taha tanan, hamon kameh taha marakon ales are ta mada sahou ta Krais, ma iy kameh tunuhun iri lakou marakon taha amekes bwena ndra-au. Eme, buku taha ndramekes kandriyen mwasin na bolo iri len doh, taha are ndra bada taha malen kahis, o taha mene amekes kandriyen ndra-in kahis, idah kameh taha ari, ari akohok sihine taha ili le winiya kandriyen nane taha amekes bwena ndra-au.

1 Jon 3:10

Buku none aha anya katana aha, are lau handru nadu Kindrei, ma are lau handru badu hawe tama balik Satan, san in aliy: Iri lau mwan ma badih ale bamekes kandriyen mwasin bwe, ma iri batehei ndrine iri mwasin bala ta nadu tine iri ari ja, ta Krais bwe, badeh, iri nadu Kindrei bwe.

2 Timoti 4:1

Krais Jises kameh eme hamon ja, ma iy asahan kabin ta atondrok iri mwan ma badih marakon. Ma iy ale kameh aleben iri lau are ndra awas ma iri lau ndramak bwena. Jo abudon ta aliy, ma Kindrei hawe Krais Jises, uru anyolom jo, eme ma jo tiye sahou boto-on ewek tam i buku doh:

2 Korin 6:2

Tasah, Kindrei tiye udu bolo buk ndrabun i buku doh, “Jo anuhun ndrelen taha ma jo mene aseben aha ta len jo ndratehei ta amekes i buku doh. Ehe, jo mene aseben aha udu ta len jo ndratehei ta akohok iri mwan ma badih ame hamon.” Aisaya 49:8 Aha kanuhun! Na dah, len mwasin handru ta Kindrei anya kaseben iri mwan ma badih. Ehe, na len dah ale len ta Kindrei anya kakohok taha mwan ma badih kame hamon kado hawen.

1 Korin 4:5

Len ta sahou badeh, kahis, ya aha sasehek kandriyen tiri lau rayah ja, taha kado le katondrok len tan ta iy eme hamon ja. Iy kameh leheya iri lakou marakon aton udu bolo lulik, ma iri saba lakou udu bolo ndrine taha marakon. Ano Kindrei le ari barasehek iri kandriyen ta gok tataha ari, ari, mwasin ma ndra-in. Buku taha amekes mwasin, iy kameh tutuni nyara taha ta aliy.

Aposel 24:15

Jo in hamon ta Kindrei, iri lau nane atehei jo ili ta mada sahou badeh, a-en hamon tan ale, ma ahi atondrok, len hamon Kindrei kameh mete-ei iri lau mwasin, ma hawe iri lau ndra-in mene ndramak, kameh amak ame awas ja.

Aposel 17:32

Eme na len iri anuhun Pol asehek nyala amak eme loken ta imek badeh, iri lau rayah ja badeh, bobose iy. Arile, iri rayah anya, “Ahi anya kanuhun sahou ou nane asehek badeh, ja.”

Aposel 17:2

Eme i buku none kandriyen ta Pol, iy ndramekes ndra-au, ndra-au badeh, iy ili ndrahune tukum. Eme na len taloh ta len ta amunyau ja badeh, iy andres hawe iri ta sahou badu bolo tarou ta Kindrei.

Aposel 2:37

Eme iri lau anuhun sahou doh badeh, ndrine iri tikisiy handru ma tiye i ta Pita hawe oro aposel rayah ja anya, “Ado nadu tine aso, aso ka buku sah bah?”

Hiburu 6:2

ta leheya san ta anyu; ma ta adeu mine ndramak ili bwele-en; ta amak ame awas ja ta imek; ma len ta sahou winiyan bano bwe. Iri lakou marakon doh mwasin, ta lau kakohok tanan ta aliy op. Arile, tanan doh i buku ndru ta asiu taha ahiy bwena udu aliy. Na idah ja, taha atah asiu handru ili bwele-e iri ndru nane udu aliy bwena, eme ma taha kala le ta tanan tiri lau-en ai. Taha sala hamon ja.

Hiburu 12:21

Eme bwidi iri marakon anoh labai ta lakou nane iri anyolom, eme Moses ale asehek, i buku doh, “Jo inoh labai eme bwidi jo totoreh.” Dutoronomi 9:19

La-ukei ta Pol atorou ili tiri lau badu kon Rom 14:12

Ya eme ta sendrehendreh ta aliy i buku doh: Idah kameh, taha ari ari kameh asehek sasah taha amekes ndra-in o mwasin i ta Kindrei.

La-ukei ta Pol atorou ili tiri lau badu kon Rom 12:1

Ya eme aha nadu tine i san ta tikisiy tinan ta Kindrei, jo indrek aha katehei bada aha mari ki ndrabun, ki buku salom handru ki ta Kindrei kasekesek ta aliy. Idoh badeh, atudun handru ai.

La-ukei ta Pol atorou ili tiri lau badu kon Rom 2:16

Kindrei kameh abudon ta iri lakou nane doh na len iy suni Jises Krais eme ta manyah anuhun budon ma kandriyen tataha amai, in hamon ta sahou mwasin jo atiye i tiri lau mari.

Aposel 26:28

Agripa eme ndremenya Pol i buku doh, “Buku sah handru? Ya, na bolo len sese le dah, ou abudon anya, ou kameh winiyan andrekei jo asahan ‘Kristen’ nadeh?”

Aposel 17:13

Eme na len iri Juwis badu Tesalonaika anuhun Pol atiye sahou ta nyala Kindrei udu Beriya badeh, eme iri ala doh ale amekes ndrine iri lau atukum doh towodau.

Aposel 9:6

Abo, ou suri ou, ya ou ala bolo kon tinan Damaskus. Ma idah kameh ndramak ari eme, tiye tam ta sasah kameh ou amekes.”

Metiu 22:5

“Oro lohowan tan au ala tiye tiri lau nane, arile iri bwale iri anuhun, ma iri au ala amekes budon tiri amwenen. Ari iu ili bolo bilin tan, ari iu ili amekes gok ta akohok luk tan amwenen.

Aposel 24:26

Peliks anya, Pol badeh, kedeu tan rayah luk, ma iy karuwani iy ere bolo asiu lulik keme len laleyah. Budon tan boto-on udu ta lakou doh, ma iy aloh Pol ili hawen san solo-an labai.

Taitus 1:8

Arile, iy badeh, ki ndramak ta asumon lau mari kame asiu tan, ma aseken ta aseben lau. Ma iy badeh, ki ndramak ta budon ta amekes lakou kamwenen le. Ma iy ale ki ndramak ta amekes kandriyen mwasin i tiri lau ari ari. Ma hawe iy badeh, ki ndramak ta atehei iy mari i mine Kindrei, ma iy ki ndramak ta winiyan atondrok iy udu mwasin ta kandriyen ndra-in.