Aposel 24:14 - Nyindrou

¹⁴ Arile, jo anya kasehek lakou ari, iri nane atehei jo i ta mada sahou ta aliy, badeh, kaleu kewek taha: Jo badeh, atudun Kindrei ta tubu ahi ari le, ma jo atehei budon tek mara-ei in hamon ta San ta Jises, iri Juwis kede-eh aloh san randrah ja. Ma jo atehei budon tek mara-ei i tiri lakou ndratorowenei ere bolo kandriyen malen ta Moses, ma ere bolo buk tiri propet.

Aposel 24:14 Referans Kwoze

Aposel 9:2

anya kalelen iy ta iy katorou rayah la-ukei ta tiye nyala Sol badeh, are lau handru. Ya Sol aseken ta atiye iri la-ukei doh i mine iri tinan ta ndrahu tukum tiri Juwis udu kon Damaskus katanan ta aliy. Ya eme i buku none iy kili kanyolom iri lau mwan hawe badih ta a-en hamon ta San ta Laban ado aliy badeh, iy kakuhi iri kala Jerusalem kala bolo kou.

La-ukei ta Pol atorou ili tiri lau badu kon Rom 3:21

Arile, nadah, Kindrei ndraleheyaniy ndrame tataha ta san rasan ja, ta taha ka-en hamon ta aliy, ma iy kameh aloh taha lau mwasin. Iy basahan ta san ta a-en hamon ta batanau Kindrei edeu i ta Moses, bwe. Arile, buk nane Moses atorou ma buk iri propet atorou ale, iri asehek sahou i san doh, ta Kindrei ki-in hamon ta amekes taha kasahan mwasin.

Aposel 28:23

Eme iri asan len tiri ta ame hawe Pol, ma iri lau solo-an ame hawe Pol ala asiu nane iy udu aliy. Na mandraben ili ano beyeh an amai, iy asehek i tiri ta nyala tondrok ta Kindrei le ai. Iy asehek tiri ta kandriyen malen ta Moses, ma sahou iri torowenei udu bolo buk tiri propet bwena. Na iri sahou doh, iy anya kamekes budon tiri mari kili ta Jises.

Aposel 3:13

Kindrei ta Abraham uru Aisik hawe Jekop, ma ta tama taha badeh, bwidi lomadan i ta lohowan tan Jises asahan. Aha mene atehei iy ili mine iri lau adai iy. Pailat anya karuwani iy, arile aha badeh, bwale aha, ma aha baseken iy udu mada Pailat bwe.

Aposel 26:22

Arile, Kindrei tondrokei jo udu mwasin labai, eme isos dah. Eme ma, jo ales ja dah, ma tiye sahou ili tiri lau marakon bwisik, ma tinan, ta saba lakou jo ndranyolom. Jo batiye randra sahou ja bwe. Jo tiye sahou randra le doh, iri propet hawe Moses mene asehek ta aliy kameh asahan.

Aposel 24:5

“Ya, iy Pol badeh, iy ndramak ari ndra-in labai, ta amekes ramwes solo-an. Ahi tanan, buku iy ta amekes losen ere bolo iri Juwis ere bolo kon mara-ei, ma iy ndramak tinan ari ale, tiri lau nane a-en hamon ta Jises badu kon tinan Nasaret.

2 Timoti 1:3

Bwena mene, tubu oro badeh, a-en hamon ta kandriyen ta Kindrei ma atudun nyaran. Eme ma, jo ale ki-in hamon tan ta ndrinek, jo atona kandriyen jo in hamon ta aliy doh ta amekes gok tan, idoh amwenen handru. Na len dah badeh, jo abudon ou, ma jo edeu wurah i ta Kindrei, tasah ou badeh, atehei budon tam handru in tan, ma ou a-en hamon ta kandriyen tan.

Aposel 26:27

Agripa, ou kabin, ou atehei iri budon tam mara-ei in ta sahou tiri propet deh bwe? Jo ndratanan, ou atehei budon tam mara-ei in aliy.”

Rebelesen 19:10

Eme ma jo atehei bwili ndru-uk i andri udu mirihik ta kati angelo, ta anya katudun iy, arile angelo anya, “Ndri-iy, ou samekes! Jo badeh, ta amekes gok ta Kindrei hawem, ma jo ale badu hawe nadu tinem oro, oro ala atehei budon toro ki-in ta sahou handru ta Jises asehek. Ou atehei bwili ndru-um ki andri ma ou atudun Kindrei le ari kabwai. Ya taha tanan sahou mara-ei iy asehek, idoh le badeh, suri ndrine iri lau mara-ei ta asehek iri sahou propet.”

1 Pita 1:11

Malawin Mwasin ta Krais badeh, udu bolo iri propet, ma Malawin Mwasin asehek sahou i boho iri, ta iri sisi-in solo-an labai kameh Krais bwese, ma ta iy kameh akohok nyaran tinan ale. Iri propet badeh, abo gok boto-on ma ndremenya i buku doh, “Saba len handru iy ndramak ta akohok taha, kameh eme hamon?” Ma, “Saba lakou handru kameh asahan na bolo len doh?”

Taitus 3:10

I buku none are lau leheya tanan randrah labai bamwenen ta leheya handru bwe, ya aliu budon tiri lau iu i len, ou abarah iy kandru-uk ta leheya doh. Ya, i buku none iy amekes le kili badeh, ou abarah iy san rasan ja. Ya, i buku none iy banuhun bwe le, ou teleya iy.

Galesiya 5:20

kandriyen ta adeu budon i ta sukumada kei i nyara Kindrei, ya kandriyen ta kau hawe omor lau; ya kandriyen ta budon ndra-in ta losen hawe sobobo; ya hawe kandriyen ta madalakis; hawe ndramak ndrinen ndra, ma hawe kandriyen ta ndrakok. Ya kandriyen ta amekes iri lau atalan, rayah ka len, ya rayah ka len;

1 Korin 11:19

Tasah, jo anyolom ndrokowa aha lau ta Kindrei badeh udu aliy. Sebwe, Kindrei anya kanone iri lau a-en hamon ta sahou handru le kameh kasahan keme lewan.

Aposel 26:6

Eme ma, jo ales ere mada sahou dah, tasah jo atondrok ma atehei budon tek mara-ei in ta sahou tandrakan ta Kindrei, iy atehei ndra bwena i ta tubu ahi iri.

Aposel 24:22

Eme ma Peliks tanan mwasin labai ta iri kandriyen tiri lau ta Kindrei aloh San ta Jises. Ma iy tiye tiri i buku doh, “Ya, buku iy ndramak tinan ta atondrok iri lau ta bahun nyaran Lisiyas udu Jerusalem keme kasahan dah, badeh kameh, jo baranuhun sahou taha ja ai.” Iy asehek sahou i buku doh ma sahou tiri kabwai.

Aposel 22:14

“Iy asehek sahou eme tek i buku doh, ‘Kindrei ale mene, tubu taha iri atudun iy badeh, lebelei ou, ma aseken ou akohok tanan tiri lakou marakon iy aso-ok, ma iy aseken ou anyolom iy. Iy badeh, mwasin labai ta madan, ma ou winiyan anuhun iy asehek sahou na bohon amwenen.

Aposel 19:9

Arile, iri rayah badeh, ndrine iri boto-on labai, ma batehei budon tiri bala ta Kindrei bwe, ma iri asehek sahou ndra-in i bada bolo San ta Laban udu ndranye iri lau mari. Ya eme Pol ruwani iri ado gwek ai. Eme iy kuhi oro lau ta budon handru nane dah ala bolo asiu ta leheya ta Tiranus, ma iy udu hawe oro na len mari, ta leheya oro.

Aposel 13:15

Udu hamon ta iri anuhun sahou aloh badu bolo batanau malen, hawe boho iri propet ano badeh, iri lau ta atondrok ndrahu atukum, suni sahou i turu anya, “Nadu tine ahi, i buku none ah sahou ta batanau ahi badeh, ah kasehek ai.”

Aposel 10:43

Iri propet badeh, tiye nyalan ale, buku none are lau atehei budon handru in tan badeh, karei ma lomondra ndra-in tan kameh, iy maniy i san ta nyaran.”

Aposel 7:32

‘Jo dah badeh, Kindrei ta tamam oro. Jo Kindrei ta Abraham, ta Aisik, ma ta Jekop.’ Eksodus 3:6 Eme Moses totoreh, ma inoh ma madan bala loken bwe.

Aposel 5:30

Kindrei ta tama aso mene mete-ei Jises udu ta imek eme loken. Iy mene ado adai iy imek udu bada kei tondreh.

Tarou ta Jon 1:45

Pilip ili ja ndruni Nataniyel. Iy eme asehek i tan anya, “Aso badeh, ndrandruni ndramak mene Moses hawe iri propet arikiy udu bolo kandriyen malen. Iy Jises badu Nasaret, nadu Josep.”

Tarou ta Luk 24:44

Eme iy tiye i toro, “Lakou mene jo udu ndra hawe ado asehek anya: Lakou mari mene ndratorowenei ta nyalak udu bolo tarou malen ta Moses, hawe udu bolo sahou tiri propet, ma hawe udu bolo buk Wari badeh, ndrasahan handru na dah.”

Tarou ta Luk 24:27

Eme iy asehek nyala lakou mari udu bolo sahou ta Kindrei i turu aleu labai, udu ndra kabatana Moses hawe tarou tiri propet, ano i turu.

Tarou ta Luk 16:29

“Eme Abraham anya, ‘Sahou ta Moses hawe sahou tiri propet badeh, ndrawek toro; Eme nadu tinem oro badeh, kanuhun sahou doh!’

Tarou ta Luk 16:16

“Sahou ta nyala batanau mene Moses torowenei hawe iri sahou tiri propet badeh, sendrehendreh ta aliy kabatana le Jon ta alomwa, kabwe. Ya, sahou mwasin ta nyala tondrok ta Kindrei badeh, ndratiye udu kabatana Jon ta alomwa, eme taku idah. Eme lau mari badeh, atuw iri alih bolon.

Tarou ta Luk 1:70

i buku none iy mene atehei sahou kani iri propet ndrabun, bwena mene ndratiye ndra-au,

Metiu 22:40

Sahou batanau ma la-uh doh kati iri sahou batanau malen mari hawe sahou tiri propet ale.”

Metiu 10:32

“Eme ma, are lau ale asehek ili tiri lau mwan ma badih buku none iy badu hawek, jo ale kameh asehek ta tama udu kon loken buku iy ndramak doh badu hawek handru.

Metiu 7:12

Ya, udu bolo lakou mari, ou amekes kili tiri lau, saba lakou ou aseken iri lau kamekes kewek tam ale. Idah amwenen le ta sahou batanau ta Moses, ma hawe sahou leheya tiri propet.”

Aposel 19:23

Na len doh badeh, tine losen asahan i bada San ta Laban.

Aposel 15:5

Ano oro lau rayah ta budon handru, badu hawe oro lau Parasi ales are loken tiye anya, “Iri lau badu leheleh badeh, ka-en hamon ta batanau ta Moses, ya kasan ku-i iri.”

Aposel 25:8

Eme, Pol asehek sahou ta aseben iy i tiri i buku doh, “Jo badeh, bamekes ari ndra-in bala ta batanau malen tiri Juwis, o asiu tinan ta Kindrei, o i bada Sisa, bo-oh!”

Aposel 26:4

“Ya, i buku doh, iri tinan ta atondrok kandriyen tiri Juwis marakon badeh, ndratanan manyah tek, mene jo ma loweu manyah udu kati kon amwenen, ma jo eme akohok tanan udu Jerusalem.

Aposel 28:22

Arile, nadah, ahi anya kanuhun budon tam le amwenen, tasah ahi tanan, bolo kon mara-ei iri lau amekes sahou ta bobose ili ta lakou nane ha-un asahan bolo taha Juwis kede-eh.”

La-ukei ta Pol atorou ili tiri lau badu kon Rom 1:9

Aha ndranyolom ai, sahou mene jo asehek i taha badeh, handru, ya Kindrei badeh, tanan. Kindrei le doh badeh, jo atehei ndrinek mari i tan, ma atudun iy, ma jo edek ta atiye sahou mwasin ta nyala nadun. Ma Kindrei tanan, jo badeh, balek bamani aha bwe na len mari