Aposel 23:9 - Nyindrou

⁹ Eme ma bwidi iri arah i tinan labai, eme lau rayah ta leheya kandriyen ta batanau malen ta Moses, iri badu hawe iri Parasi ales are loke, asehek sahou nyarahan labai i buku doh, “Ahi winiyan basilahei ari kandriyen ndra-in ta iy ndramak kede-eh amekes bwe. Buku sah? Buku ari malawin mwasin, o, ari angelo ndradeu sahou ndrala tan!”

Aposel 23:9 Referans Kwoze

Aposel 22:7

Ma jo atarah i andri bada munyak, ma ndranyek anuhun ndramak ari aloh jo i buku doh, ‘Sol, Sol, tasah handru ou anya adai jo kimek?’

Tarou ta Jon 12:29

Iri lau solo-an nane ales ale ado mirihik, anuhun boho ndramak doh. Eme iri lau rayah anya, “Idoh kuruh.” Iri lau rayah ja anya, “Idoh angelo asehek sahou i tan.”

Aposel 26:31

ma iri adek ala bolo bosoh ari ja, atilik nyala iri, i buku doh, “Iy ndramak doh badeh, babwidi ari kandriyen ndra-in ta adai iy, o, iy kudu bolo asiu lulik kudu gwek, bwe.”

Aposel 25:25

Arile, jo silahei amwenen badeh, iy bamekes ari kandriyen ndra-in ta adai iy imek bwe. Eme ma iy amwenen ndremenya jo katiyani iy kili Rom, ma Sisa kanuhun sahou tan doh ja. Eme ma jo anya katiyani iy kili.

Aposel 23:29

Ma jo badeh, ndranuhun sahou, iri amekes ili ta Pol. Iri atehei iy ili ta mada sahou doh badeh, ta sahou rayah ta kandriyen ta batanau tiri Juwis. Ma iy ale, bamekes ari kandriyen ta iri kadai iy, ma katehei iy kili bolo kou, bwe.

Tarou ta Mak 2:16

Eme oro lau ta leheya kandriyen tiri Juwis ma hawe oro Parasi atou Jises aimon nyamon udu hawe iri lau ta lomondra ndra-in ma hawe iri lau ta akohok luk ta takis. Eme oro tiye i toro lau ta Jises, “Tasah handru iy aimon nyamon hawe oro lau ta akohok luk ta takis, ma hawe oro lau ale ba-en hamon ta batanau ta Moses bwe?”

1 Korin 10:22

Buku sah? Sebwe taha kede-eh anya kamekes ndrine Laban kandra-i nadeh? Ya, boto-on tataha kede-eh winiya boto-on tan deh? Winiyan bwe!

Aposel 27:23

Jo badeh, lau ta Kindrei ma jo badeh, lohowan tan; len marakon jo atehei bwili ndru-uk i andri i tan. Na ben nane iy suni angelo tan ari eme ales ere mirihik tek,

Aposel 23:8

Iri Sadusi anya iri lau ndramak badeh, winiyan bamak bame awas ja bwe, ma iri anya iri malawin mwasin ma angelo bwe, arile iri Parasi badeh, atehei budon tiri mara-ei in toro lakou mari doh, handru.

Aposel 11:17

Jo winiyan batebelese hawe Kindrei bwe, tasah iy edeu ndramas i tiri i le buku iy edeu eme tataha mene, kabatana to atehei budon tato handru in ta Laban Jises Krais.”

Aposel 9:4

Eme ma iy atarah i andri bada munyak ma ndranyen anuhun sahou aloh i tan anya, “Sol, Sol, buku sah handru ou anya adai jo?”

Aposel 5:39

Arile, buku none budon doh ta Kindrei handru eh, idah kameh ado winiyan batobohei oro bwe; ya ado kameh amekes bahun i bada Kindrei le.”

Tarou ta Luk 23:22

Ano i san tulusin ja iy tiye: “Buku sah handru, saba lakou ndra-in handru iy mesekei? Ndramak dah bamesekei se ari lakou bandra-i bwe, ya iy kimek laleyah ai? Eme idah kameh oro lau ta bahun tek ubwi iy ano iy bara-au.”

Tarou ta Luk 23:4

Ano, Pailat aloh i tiri tinan tiri pris, hawe iri lau mari dah, anya, “Jo batou ari lakou ndra-in iy ndramak dah, amekes bo-oh!”

Tarou ta Luk 5:30

Ya oro Parasi rayah, hawe oro lau rayah ta leheya kandriyen tiri Juwis, badu bolo oro nane dah, nunu-uh oro lau ta Jises anya, “Tasah handru ado aimon nyamon hawe oro lau ta akohok luk ta takis, ma hawe oro lau ale ba-en hamon ta batanau ta Moses bwe?”

Aposel 22:6

Pol asehek i tiri i buku doh, “An udu halas badeh, jo edek ndrame mirihik labai ta kon tinan Damaskus. Se nawin bwe, sun ari lomadan tinan labai anya udu kandrah eme andri awudi jo mara-ei.