Aposel 23:34 - Nyindrou

³⁴ Kabin eme anyolom la-ukei doh, ma iy ndremenya Pol, “Ya, ou badu saba kon handru udu loboho Rom?” Pol asehek i tan i buku doh, “Jo badeh, badu kon Silisiya.”

Aposel 23:34 Referans Kwoze

Aposel 21:39

Pol eme asehek sahou i tan ja i buku doh, “Jo iy ndramak badeh, bwe. Jo ndramak ari labai badu Juwis, kon tek handru badeh, Tasus, udu bolo kon tinan Silisiya. Ma nyarak badeh, ere bolo buk badu kon tinan doh, arile na idah jo anya kandremenya ou. Jo anya kasehek sahou kili tiri lau mara-ei are kede-eh.”

Aposel 25:1

Pestus eme asahan Sesariya ta akohok kon ta Peliks. Ano, udu hamon ta len taloh iu, iy iu ili loke ili Jerusalem.

Aposel 15:41

Ya, uru ala bolo kon munyak tinan Siriya ma hawe Silisiya asehek sahou, ta amekes iri lau ta Kindrei kabadok.

Aposel 6:9

Arile, iri lau rayah suri iri badeh, andresei iy. Oro lau doh badeh, badu asiu ta atukum tiri Juwis, ya oro lau nane doh badu boho kamen iri aloh, “Kamen tiri salibah.” Ya, iri lau doh badeh, iri Juwis badu kon tinan Aleksandriya ya kon tinan Sairini. Oro rayah ja badeh, oro Juwis badu kon munyak tinan Silisiya hawe badu bada kon munyak tinan Esiya atukum hawe oro ta tebelese hawe Stiben.

Tarou ta Luk 23:6

Eme Pailat anuhun sahou nane iri asehek ano iy ndremenya iri anya, “Iy badu Galili handru?”