Aposel 23:16 - Nyindrou

¹⁶ Arile, nadu kali Pol ari badeh, anuhun ta iri anya kadi Pol kimek. Eme ma iy ili suwi, suwi ili asiu boto-on tiri lau ta bahun, ma iy edek ili bolon anyolom Pol ma tiye sahou nane doh i tan.

Aposel 23:16 Referans Kwoze

Aposel 23:10

Losen toro ma lubuk badeh, i tinan le gwek ai. Eme ma, tinan ta atondrok iri lau ta bahun anya, se luwen bwe, iri kameh tarani Pol. Eme ma iy tiye oro lau ta bahun tan rayah anya, “Ado kala bolo tukum kodo-oh, karuwi Pol udu mine iri lau keme len, ma kandrei iy keme, bolo asiu tato boto-on.”

1 Korin 3:19

Tasah, iri tanan mwasin badu kon munyak dah, idoh i buku lakou laleyah le ta mada Kindrei. Buk ndrabun ndrasehek ta aliy, “Kindrei akohok iri lau ta tanan badeh, in hamon ta kandriyen ta wasai tiri le amwenen, buku le ndramak asemek bou na lolohon.” Jop 5:13

Aposel 23:32

Na len ari ja badeh, iri lau ta bahun nane adek na kati iri ame hamon ame asiu tiri ta bahun ere Jerusalem ja. Arile, iri rayah nane ta hos badeh, tiyani Pol iu isos kon tinan Sesariya.

Aposel 21:34

Lau solo-an arah boto-on labai, ma iri asehek sahou laleyah. Eme ma ndramak tinan tiri lau ta bahun nane dah winiyan bala tanan ta kati sahou doh bwe. Ma iy aloh oro lau tan kala katiyani Pol kili bolo asiu boto-on tiri ta bahun.

Aposel 21:37

Oro lau ta bahun anya katiye Pol kili bolo asiu tiri boto-on, Pol eme asehek sahou i boho kon Grik ili ta ndramak tinan ta atondrok iri lau ta bahun i buku doh, “Buku sah, jo winiyan asehek sahou ewek tam deh bwe?” Mani iy ndramak tinan nane dah atur sese, ma iy asumon boho Pol i buku doh, “Buku sah, ou tanam boho kon tiri Grik?

Aposel 23:17

Eme ma Pol aloh tinan ta lau ta bahun ari eme hawen, ma iy asehek i tan i buku doh, “Ou andrei iy loweu kede-eh kili hawe tinan ta atondrok aha. Iy anya kasehek sahou ari kili tan ta iy kanuhun.”

Aposel 24:23

Eme ma kabin tinan doh tiye ta tinan ta atondrok iri lau ta bahun nane androkei ta Pol i buku doh, “Ou hawe oro lau tam katehei ndrokei ta Pol kamwenen, arile ado sabawei iy mara-ei. Ado karuwani iy kedek, ma oro lau badu hawen kame kanyolom iy ma katiye nan nyamon.”