Aposel 23:12 - Nyindrou

¹² Na mandraben ari ja badeh, iri lau rayah badu Juwis atukum ja, ta amekes sahou tandrakan ta adai Pol. Iri badeh, abeles iri winiyan bakohok nyamon, ma gwa bwe, winiya le iri kandrei batu Pol ki-iu labai.

Aposel 23:12 Referans Kwoze

Aposel 23:30

Jo anuhun sahou i buku doh, eme ma jo tiye iri lau tek ta bahun tiyani iy kewek hawem suwi, tasah jo ndranuhun sahou ta lau rayah, atukum a le se ta adi iy ndramak dah. Eme jo tiye iri lau nane amekes i buku doh, ta awek hawem, ma ou kameh winiyan lebelei sahou tiri. Ya, sahou tek idoh le, kabwai.”

Aposel 23:21

Arile, ou sanuhun iri labai, tasah kane iri lau badeh, udu bwele-e kane lau ma hanoh (40), iri kameh are san atondrok ta adai Pol. Ma iri ndratandrakan ndrala ta Kindrei, i buku doh, iri kameh adi Pol imek labai, ano iri barakohok nyamon ma gwa ja ai. Eme ma iri atondrok ou, buku ou aso-ok ta atiye Pol ili hawe iri.”

Aposel 23:14

Ano iri au ala atou iri tinan tiri pris hawe iri lau tinan ta atondrok iri, ma asehek sahou ili tiri i buku doh, “Ahi marakon ndratandrakan, ta ahi winiyan baimon nyamon ma ba-un gwa bwai, winiya le ahi kandrei batu Pol ki-iu labai.

Aposel 25:3

Iri Juwis badeh, aso-ok Pestus katiyaniy Pol keme Jerusalem suwi suwi, tasah iri ndratehei sahou ndrado aliy. Iri kameh atondrok ado kabede-e san ta adai Pol kimek.

Metiu 26:4

Oro atilik sahou toro i se ta takaleh san ta wendreya Jises, ma kateu iy, ma kadai iy kimek.

Galesiya 3:13

Arile, batanau malen le badeh, leheya taha buku taha winiyan ba-en hamon ta lakou mara-ei batanau malen tiye, bwe, ya taha kakohok maha-an ta aliy. Arile, Krais badeh aseben taha, iy ndrakonohei taha mene ado bolo maha-an ta batanau malen ndrame len. Iy le ari badeh, ari kandriyen ndra-in bwe, arile iy akohok kon tataha bwese maha-an tataha; tasah sahou ta Kindrei tiye i buku doh, “I buku, are lau atahi iy sukik udu bada kei ta kandriyen ndra-in tan badeh, iy udu bahandra maha-an ta Kindrei.” Dutoronomi 21:23

1 Korin 16:22

Buku ari ndramak mwan, o, badih iy baso-ok Laban bwe, jo aso-ok iy kakohok maha-an ma sisi-in ndra-in kudu le buku doh. Maranata!

Metiu 27:25

Eme iri lau mari anya, “Ndrayen badeh, keme la-u ahi, ma nadu ahi!”

Metiu 26:74

Ano Pita tandrakan boto-on labai, “Jo asehek sahou handru, jo tanan ndramak badeh, bo-oh. Buku none jo wasai, Kindrei kamesekei maha-an keme la-uk.” Iy asehek sahou ano le badeh, kakaro eden.

Jenesis 37:18

Oro anyolom iy edek udu ndra len eme kahis le badeh, oro atilik nyala oro ta anya kadai iy.

Aposel 9:23

Eme udu, udu len solo-an iu badeh, iri Juwis atilik nyala iri ta adi iy kimek. Ya ben len ben len badeh, iri atehei mada iri udu madasan ta kon tinan ta anya kadai iy. Arile, iy badeh, ndrandrei bale iri.

Aposel 23:13

Kane iri Juwis nane atilik sahou ta adi Pol badeh, udu bwele-e hanoh (40) ja.

2 Korin 11:26

San solo-an jo edek ili eme na le kati. Len rayah badeh, jo apou gwa, ma wadah teheyani jo ma jo amai. Len rayah ja, jo ndruni iri lalou, ma mirihik iri kadi jo kimek. Len rayah, iri Juwis, ahi boho kon ari le, iri badeh, anya kadai jo kimek ale. Len rayah iri lau badu kon rakon ja anya kadai jo kimek ale. Eme ma, jo anya kimek kudu kon tinan, ma jo anya kimek kudu kon lau aliy bwe. Len rayah jo anya kimek kudu bolo ndras. Len rayah jo anya kimek kudu mine iri lau iri anya iri lau ta Kindrei amwenen.

1 Tesalonaika 2:16

tasah iri amekes san ta aturuk ahi, ta sala satiye sahou ta Kindrei sala tiri lau badu leheleh. Handru, iri baso-ok ta Kindrei kakohok iri kame hamon bwe. Eme ma, len marakon badeh, iri amekes kandriyen ndra-in ili solo-an udu le gwek, buku ndramak asuni gwa ili bolo bwesam irek labai, ma anya kamou. Eme ma, Kindrei ibolosen ili tiri, ma maha-an hawe ndramas ndra-in ta kandriyen iri nane amekes, iy ruwaniy eme andri amwenen ili bwele-e iri.