Aposel 23:10 - Nyindrou

¹⁰ Losen toro ma lubuk badeh, i tinan le gwek ai. Eme ma, tinan ta atondrok iri lau ta bahun anya, se luwen bwe, iri kameh tarani Pol. Eme ma iy tiye oro lau ta bahun tan rayah anya, “Ado kala bolo tukum kodo-oh, karuwi Pol udu mine iri lau keme len, ma kandrei iy keme, bolo asiu tato boto-on.”

Aposel 23:10 Referans Kwoze

Jemis 3:14

Arile, buku aha abudon ta totowa budon ndra-in taha ili tiri mwan ma badih rayah ja, ya len mara-ei aha abo gok ta a-en hamon ta san ndra-in ta atudun nyara aha amwenen ta udu bwele-e iri rayah ja, aha ta wendreya ma kandriyen taha badeh, bokoro-ei sahou handru ta Laban. Aha samekes kandriyen doh ndri-iy.

Jemis 1:19

Ya aha badeh, kabudon kamwenen! Aha nadu tine mwan ma badih tek handru, aha katehei ndranye aha suwi ta anuhun sahou. Arile, aha sabobo-ap ta amekes sahou. Ma ndrine aha ale satowodau ta losen suwi.

Aposel 22:24

Tinan ta atondrok iri lau ta bahun nane tiye oro lau tan i buku doh, “Ado kandrei Pol keme bolo kowah hawe to. Ma ado ka-um iy na malou sakabuk i bek, winiya le iy baratiye ta saba lakou handru iy amekes, ma to kameh winiyan atanan kati kandriyen nane doh, tasah handru iri Juwis abadok ta adi iy anya kimek ki-iu?”

Aposel 23:32

Na len ari ja badeh, iri lau ta bahun nane adek na kati iri ame hamon ame asiu tiri ta bahun ere Jerusalem ja. Arile, iri rayah nane ta hos badeh, tiyani Pol iu isos kon tinan Sesariya.

Aposel 23:27

Jo tiye oro lau tek tiyani iy ndramak dah ewek hawem, tasah iri Juwis are kada-ah mene tawi iy, ma seheyani iy ili eme, mirihik iri kadi iy kimek. Eme ahi anuhun buku nyaran badeh, udu bolo buk tinan tataha badu Rom. Eme, jo ma hawe iri lau tek ta bahun ala andrei iy ere mine iri Juwis eme len.

Aposel 23:16

Arile, nadu kali Pol ari badeh, anuhun ta iri anya kadi Pol kimek. Eme ma iy ili suwi, suwi ili asiu boto-on tiri lau ta bahun, ma iy edek ili bolon anyolom Pol ma tiye sahou nane doh i tan.

Aposel 21:37

Oro lau ta bahun anya katiye Pol kili bolo asiu tiri boto-on, Pol eme asehek sahou i boho kon Grik ili ta ndramak tinan ta atondrok iri lau ta bahun i buku doh, “Buku sah, jo winiyan asehek sahou ewek tam deh bwe?” Mani iy ndramak tinan nane dah atur sese, ma iy asumon boho Pol i buku doh, “Buku sah, ou tanam boho kon tiri Grik?

Aposel 23:28

Eme jo badeh anya ki tanan ta saba katin handru iri amekes kandriyen buku doh i tan. Eme ma jo tiyani iy ili hawe iri kansol badu Juwis.

2 Korin 11:26

San solo-an jo edek ili eme na le kati. Len rayah badeh, jo apou gwa, ma wadah teheyani jo ma jo amai. Len rayah ja, jo ndruni iri lalou, ma mirihik iri kadi jo kimek. Len rayah, iri Juwis, ahi boho kon ari le, iri badeh, anya kadai jo kimek ale. Len rayah iri lau badu kon rakon ja anya kadai jo kimek ale. Eme ma, jo anya kimek kudu kon tinan, ma jo anya kimek kudu kon lau aliy bwe. Len rayah jo anya kimek kudu bolo ndras. Len rayah jo anya kimek kudu mine iri lau iri anya iri lau ta Kindrei amwenen.