Aposel 22:5 - Nyindrou

⁵ Iri tinan tiri pris tataha hawe iri kansol mari badu Juwis are kede-eh, iri winiyan asehek sahou mari doh ewek taha, ta jo basehek sahou wendreya, ta iri lakou nane doh bwe. Iri lau mene torowenei la-ukei ramen ili tiri Juwis are Damaskus, iri atehei eme minek, ta jo kili kateu iri lau doh, kabawei iri na sen, ma kandrei iri kame Jerusalem ta iri lau tinan tataha kadeu maha-an ki tiri.”

Aposel 22:5 Referans Kwoze

Tarou ta Luk 22:66

Kon aleu badeh, iri lau tinan atukum ame hawe iri tinan tiri pris, hawe iri lau ta leheya kandriyen tiri Juwis atukum iri ase. Ano iri lau tiyani Jises ili ales udu mada iri.

Aposel 5:21

Eme na mandraben handru badeh, oro ala bolo asiu tinan ta Kindrei i buku le angelo mene ndrasihidiy toro, ma oro leheya iri lau. Eme tinan tiri pris hawe oro lau badu hawen asahan, eme oro luhi oro kansol ma hawe oro lau-en mari badu Isra-el ame, ya iri atilik nyala iri. Ano oro suni sahou ili bolo kou tiye oro aposel kame kales kado mada oro kansol.

1 Timoti 4:14

Ou saruwani nyosowan mwasin ta Malawin Ndrabun udu tam badeh. Idoh mene udu tam, ya iri propet asehek ma hawe iri lau ta bwena ta lahou ta Kindrei mene adeu boto-on na mine iri ewek la-um.

Aposel 28:21

Iri Juwis tiye Pol i buku doh, “Ahi bakohok ramen la-ukei badu Judiya eme tahi ta tiye nyalam eme dah bwe. Ma ari ndramak badu Juwis bame basehek tahi, ma amekes sahou rayah ndra-in ewek tam, bwe.

Aposel 26:12

“Ma jo mene amekes gok i buku doh, ma iri tinan tiri pris badu Juwis badeh, atehei la-ukei ramen eme minek ta atiye kili kon tinan Damaskus ta ateu iri lau ta Kindrei kala bolo asiu lulik.

Aposel 26:10

Jo amekes iri gok doh udu Jerusalem. Jo akohok sahou ta ateu lau badeh, badu mine tinan tiri pris badu Juwis, ma jo bawei iri lau nane a-en hamon ta Jises badeh, solo-an labai ala bolo asiu lulik. Buku iri Juwis atehei iri rayah ala ta mada sahou ta adai iri ta amak badeh, jo amwenen ale udu aliy edeu minek ta adai iri amak.

Aposel 22:1

Eme ma Pol tiye tiri i buku doh, “Aha mari, aha nadu tine, ma aha tama, jo anya kasehek taha kamwenen i buku doh, jo badeh tanan ari lakou jo amekes andra-i bwe. Aha kanuhun kamwenen.”

Aposel 13:26

“Ya ado nadu tine, lundriye Abraham hawe ado lau badu leheleh ala an hamon ta Kindrei. Sahou ta nyala seben badeh, ndrame tataha.

Aposel 9:14

Iy akohok boto-on badu mine iri tinan tiri pris ta aseu iri lau ala aloh nyaram udu bolo salom tiri.”

Aposel 4:5

Eme na len ari ja badeh, iri lau ta atondrok, hawe iri lau-en, hawe iri lau ta leheya kandriyen malen tiri Juwis atukum ame Jerusalem.

Aposel 1:15

Eme na len doh badeh, Pita ales ere loken bolo iri lau ta Kindrei, kane iri ma rinek lunoh (120),

Aposel 2:29

“Ado nadu tine, jo katiye tado kamwenen. Tubu taha Debit mene imek ma ahi iy. Ya lek tan asah udu hawe to kahis le eme taku dah.

Aposel 3:17

Eme ya aha nadu tine, jo badeh, tanan, ta aha tanan bala mwasin ta lakou aha amekes i ta Jises bwe; ma hawe oro lau ta atondrok ale.

Aposel 23:1

Pol anyolom amwenen mada iri kansol mara-ei, ma iy anya, “Aha nadu tine, Kindrei badeh, ndranyolom iri kandriyen tek mari na bolo len mara-ei, ndrabwena eme asahan dah. Jo batona ari kandriyen ndra-in jo amekes bwe.”

Aposel 23:6

Pol ndranyolom buku lau lubuk are bolo tukum nane doh, rabuk Sadusi ya rabuk Parasi. Pol eme aloh i buku doh, “Aha nadu tine! Jo Parasi ari ai, jo nadu iri Parasi amwenen. Ya, nadah ja jo ales udu hawe aha ta aha atehei jo ili ta mada sahou, tasah jo in hamon ta budon tiri Parasi amwenen, ma ahi atehei budon tahi boto-on labai, buku len hamon eme, Kindrei kameh mete-ei iri lau ndramak are bolo lek tiri, amak ame awas ja.”

Aposel 26:11

Ma len solo-an badeh, jo iu ili bolo asiu ta atukum tiri Juwis, ma jo abwiyeh iri lau ta Jises doh. Ma jo atehei sahou ili ta lau rayah ta a-um iri, ma nohowa iri ta iri kabobose Kindrei. Eme ma ndrinek ibolosen labai, ma jo in hamon tiri ili, ili bolo iri kon udu len labai ta Jerusalem.

Aposel 28:17

Pol udu Rom buku len taloh ai, eme ma iy atehei sahou ili tiri tinan tiri Juwis kame ta tukum ari. Iri marakon ndrame ndratukum ndrano, iy eme tiye tiri i buku doh, “Aha nadu tine, jo in hamon ta kandriyen ta tubu taha iri mene. Jo ale bamekes ari lakou ta bolowa iri lau tataha bwe. Arile, iri tawi jo ili bolo asiu lulik udu Jerusalem, ano iri atehei jo ili mine iri Rom.

Galesiya 1:13

Aha mene ndranuhun ma ndratanan kandriyen ta bolo tekedek tek ma loweu udu bolo iri Juwis. Jo badeh, in hamon ta kandriyen tiri. Jo udu buku doh badeh, ma jo baso-ok iri lau ta Kindrei bwe. Ma jo anya kidi iri lau ta Kindrei kamak kano ka-au.

Pilipai 3:6

Eme ya jo kede-eh anya ndra mwasin le ai, ta mada Kindrei. Eme jo edek ili eme amekes maha hawe isi i bada iri lau ta Krais. Ya jo kede-eh anya jo badeh, in hamon handru ta batanau mari tiri Juwis. Eme ya iri lau anya jo badeh, amekes lahou doh amwenen handru ta mada Kindrei.