Aposel 22:25 - Nyindrou

²⁵ Eme ma iri lau ta bahun ame bawei Pol, ano iri anya ka-um iy ai. Arile, Pol badeh, ales ere mirihik ta ndramak tinan ta bahun ari, iy ta atondrok iri rayah ai. Eme Pol tiye i ta ndramak nane i buku doh, “Ou anuhun se, buku nyara ndramak udu bolo buk badu kon Rom, ya kandriyen ta batanau asehek i buku doh, iy kili ta mada sahou mwena op, ta seleya iy ndramak nane doh, bwidi kandriyen handru o bwe. Ya, i buku sah handru, na idah ja ado kameh anya ka-um jo laleyah?”

Aposel 22:25 Referans Kwoze

Aposel 16:37

Arile, Pol eme tiye i tiri lau ta mwena tiri lulik anya, “Aru badeh, lau badu baha tondrok ma kandriyen ta Rom. Ya, i buku sah oro lau ta anuhun sahou doh bwale oro ma banuhun sahou taru bwe. Aru bamekes se ari lakou bandra-i bwe, arile iri ame adai aru udu mada lau mari. Ano oro akahei aru laleyah ame bolo kou dah. Ya, na dah oro anya katone aru ka-au ai? Winiyan bwe, handru en! Oro le kame katiye aru ka-au.”

Aposel 25:16

Eme ma jo anya, ‘Kandriyen ta gapman badu Rom edeu ndramak ili ta sahou i buku doh: Buku rayah lau anya kadeu ari ndramak ki ta sahou, iy ndramak doh badeh, katiye len tan ta asehek sahou hawe oro bwena, op. Gabman winiyan bati-i sahou tan iu laleyah bwe, buku i ndramak nane basehek saba lakou iy amekes bado mada sahou bwe.’

Aposel 27:43

Arile, tinan ta atondrok iri lau ta bahun badeh, anya kaseben Pol, ma iy tiye tiri lau tan samekes kandriyen doh. Iy eme tiye tiri lau nane, tana iri ta aya, kasandroh kala gwa, ma kaya kala amik.

Aposel 23:17

Eme ma Pol aloh tinan ta lau ta bahun ari eme hawen, ma iy asehek i tan i buku doh, “Ou andrei iy loweu kede-eh kili hawe tinan ta atondrok aha. Iy anya kasehek sahou ari kili tan ta iy kanuhun.”

Aposel 27:3

Na len ari ja badeh, ahi asahan Saidon. Juliyus badeh, amekes kandriyen mwasin labai handru ili ta Pol, eme iy tiye Pol kili loken kanyolom iri kawas tan, ma iri winiyan adeu nan nyamon.

Aposel 27:1

Iri atilik nyala iri ano, eme ma nyala iri ndra le randra, ta aso kakohok ndron ta ala kon tinan Rom udu bolo munyak tinan Itali. Iri ame atehei Pol ili hawe iri lau rayah ja nane badu bolo asiu lulik, i mine tinan ari nyaran Juliyus. Iy ta atondrok iri lau ta bahun, kane iri ma rinek (100). Iy badu hawe iri lau ta bahun ta Sisa amwenen.

Aposel 10:1

Udu kon Sesariya doh badeh, ndramak ari nyaran Koniliyus udu aliy. Iy badeh, batun tinan ta atondrok lau ta bahun ma rinek (100) badu Rom. Iy ma hawe iri lau ta bahun tan badu rakum iri aloh lau ta bahun badu Itali.

Metiu 27:54

Iri lau ta bahun ma tinan tiri nane atondrok Jises nane atou kon totoreh ma iri lakou mari nane asahan, oro anoh labai ma oro anya, “Handru labai, iy kede-eh Nadu Kindrei handru!”

Metiu 8:8

Ya ndramak batun tinan tiye i buku doh, “Laban, jo ndramak ndra-in, jo winiyan baseken ou ta ame bolo asiu tek bwe, arile jo aseken ou asehek le sahou, ya ndramak ta ndrahu so-ok tek doh kamwenen ja.

Metiu 10:17

“Arile, mada ado kaleu! Ado kanyolom iri lau kamwenen. Iri kameh atehei ado ala mada iri kansol ta anuhun sahou, ya iri kameh a-um aha na bala oseu an bolo asiu tiri ta atukum, tasah ado an hamon ta sahou tek.

Aposel 22:26

Ndramak tinan nane dah anuhun sahou ta Pol, ma iy ales amwenen ili hawe tinan ta atondrok iri lau ta bahun mara-ei. Iy asehek i ta tinan tiri i buku doh, “Ou abudon ma ou anuhun kamwenen op, ano ou baramekes saba lakou ndra-in barala tan, tasah nyaran badeh, ere bolo buk badu kon tato dah.”

Aposel 23:27

Jo tiye oro lau tek tiyani iy ndramak dah ewek hawem, tasah iri Juwis are kada-ah mene tawi iy, ma seheyani iy ili eme, mirihik iri kadi iy kimek. Eme ahi anuhun buku nyaran badeh, udu bolo buk tinan tataha badu Rom. Eme, jo ma hawe iri lau tek ta bahun ala andrei iy ere mine iri Juwis eme len.