Aposel 21:8 - Nyindrou

⁸ Na len ari ja badeh, ahi alakak are Tolomes ala kon tinan Sesariya. Udu loboho doh, badeh aso ala asahan asiu ta lau ta Jises ari nyaran Pilip, ma aso amadin hawen. Iy ta atiye sahou ta Jises na len mari, ma iy badu hawe oro lau ma ndro taloh mene iri lau ta Kindrei hawe oro aposel badu Jerusalem atehei oro ta aseben iri lau ta Kindrei.

Aposel 21:8 Referans Kwoze

Aposel 6:5

Eme iri mari badeh, sekesek ta budon doh. Eme iri lebelei Stiben, ndramak idih na Malawin Ndrabun hawe ndramak ta budon handru; ale hawe Pilip, Prokorus, Nikanor, Timon, Parmenas, hawe Nikolas badu Antiyok. Iy mene badu Juwis bwe, arile udu ja, iy in hamon ta kandriyen tiri Juwis.

Epesus 4:11

Ndramak doh, iy amwenen edeu ndramas ili tiri mwan ma badih. Ma iy edeu ndramas i buku doh: Iy edeu ndramas ili tiri rayah ta amekes gok aposel. Rayah ta amekes gok propet, rayah ta atiye sahou tan ili kon rakon, rakon. Ma rayah iy edeu ndramas ta atondrok iri lau ta Kindrei, o lau ta leheya.

2 Timoti 4:5

Arile, ou le amwenen winiyan bamekes buku doh bwe. Ou atondrok budon tam kamwenen na len mari, ma ou abadok ta bwese iri maha-an anya kewek bwele-em. Ou badeh, lohowan ta Kindrei, eme ma ou atiye sahou mwasin tan kili tiri mwan ma badih, ma ou amekes gok tam handru ta aseben iri lau.

Aposel 28:16

Ahi asahan bolo kon tinan Rom badeh, iri lau ta atondrok kon Rom leheyani asiu raem i ta Pol le amwenen udu aliy, ma hawe ndramak ari ta bahun udu hawen ta atondrok iy.

Aposel 16:13

Eme na len ta amunyau badeh, aso ame manan ta madasan tinan ta kon tinan ame kapa gwa anya katakaleh ndrahune kon ta asolom. Ya eme aso manyah ado andri ma asehek sahou i tiri badih atukum ame loboho doh.

Aposel 16:10

Eme ya Pol anyolom lele doh ano le badeh, aso alokou aso i le rasan, ta aso kala Masadoniya. Tasah, aso tanan Kindrei badeh, aloh aso kala katiye sahou mwasin ki tiri.

Aposel 9:30

Eme iri lau ta Jises ado doh anuhun badeh, iri kuhi Sol ili Sesariya ma suni iy iu ili kon Tasus.

Aposel 28:11

Bun ma taloh badeh, ahi are busu Malta. Ano ahi a bolo ndron ra-ei mene aton ta jor tolau ere busu doh. Ndron doh badeh, badu kon tinan Aleksandriya. Udu no-o ndron badeh, iri torowenei malawi nadu kindrei Sus ma la-uh udu aliy.

Aposel 27:1

Iri atilik nyala iri ano, eme ma nyala iri ndra le randra, ta aso kakohok ndron ta ala kon tinan Rom udu bolo munyak tinan Itali. Iri ame atehei Pol ili hawe iri lau rayah ja nane badu bolo asiu lulik, i mine tinan ari nyaran Juliyus. Iy ta atondrok iri lau ta bahun, kane iri ma rinek (100). Iy badu hawe iri lau ta bahun ta Sisa amwenen.

Aposel 23:23

Eme, tinan ta atondrok iri lau ta bahun luhi uru tinan la-uh ja badu bahandran ame, ma iy asehek i turu anya, “Ya, ah kandrei lau ta bahun ma lunek (200) kawek hawe ah ta ala Sesariya na ben kameh, hawe oro ndro tonoh (70) lau ta bahun, oro winiyan sakaliye ta hos, ma hawe lunek (200) lau ta bahun ja ta orou nyah. Ah katiye iri kado le katondrok mada an kili buku ndro-ari na ben dah.

Aposel 20:13

Aso badeh, a ndron alakak ales amwenen ala kon Asos. Aso ala badeh, ta asowe Pol. Iy amekes san doh, tasah iy badeh, edek na kati ilih aliy.

Aposel 20:6

Arile, aso badeh, alakak ado Pilipai ala badeh, udu hamon ta nyamon tinan ta jabi ramen yis bolon bwe. Aso alakak na len limeh, ano aso asos Trowas hawe oro. Eme aso ado gwek len ndro taloh.

Aposel 18:22

Na len iy isos Sesariya badeh, iy i loke ili Jerusalem sekesek iri lau ta Kindrei. Ano iy iu ili andri ili Antiyok.

Aposel 16:16

Na len ari aso anya kala ndrahune kon ta salom badeh, badih lohowan ari malawin ndra-in udu la-un eme bada aso. Iy winiyan tiye sasah kameh asahan udu bwena eme. Iy badeh, ndrakohok luk solo-an solo-an ndra-au ndra tiri lau ta atondrok iy i san ta sehek sasah asahan udu bwena.

Aposel 10:1

Udu kon Sesariya doh badeh, ndramak ari nyaran Koniliyus udu aliy. Iy badeh, batun tinan ta atondrok lau ta bahun ma rinek (100) badu Rom. Iy ma hawe iri lau ta bahun tan badu rakum iri aloh lau ta bahun badu Itali.

Aposel 21:16

ma oro lau rayah ta Jises badu Sesariya adek hawe aso ale. Oro tiyani aso ala asos asiu ta ndramak ari badu busu Saipres nyaran Nason. Iy ndreh doh mene in hamon ta Jises ndra bwena labai. Eme ma aso ado asiu tan.