Aposel 21:40 - Nyindrou

⁴⁰ Iy tiye i buku doh, ma tinan tiri lau ta bahun anya, “Mwasin, ou winiyan asehek sahou.” Eme ma Pol atehei minen i loken ta iri kandru-uk. Eme ma iri andru-uk i le rasan, ma iy asehek sahou ili tiri i boho kon Aramek.

Aposel 21:40 Referans Kwoze

Aposel 12:17

Eme Pita atehei minen i loken amunum le ma iy tiye i toro kandru-uk, ma iy asehek i toro ta nyala Laban kuhi iy udu bolo kou eme len. Ano iy anya, “Ado badeh, kasehek nyala Jemis ma hawe oro nadu tine to oro rayah ja ta aliy. Ano ma iy ruwani oro, ya iy iu ili kon rakon ja.”

Aposel 26:14

Aso mari atarah ala bada munyak, ma jo anuhun boho ndramak ari aloh jo i boho iri Hiburu i buku doh, ‘Sol, Sol, tasah handru, ou anya adai jo kimek? Ou badeh, bwese maha-an ma sisi-in ta kandriyen, buku ou le amwenen morohani katim i ta lakou madan labai.’

Aposel 22:2

Eme ma iri anuhun iy asehek sahou i tiri i boho kon Aramek, ma iri mara-ei andru-uk, ma bamekes se sahou bwe, tasah iri anuhun iy amwenen labai.

Tarou ta Jon 5:2

Mirihik ta madasan tiri sipsip loboho Jerusalem doh badeh, gwa li ari udu aliy. Iri tahi beleheleh ma limeh na bek udu kabede gwa li nane doh. I boho kon tiri Hiburu, iri aloh Betesda.

Aposel 21:35

Iri lau ta bahun ame tiyani iy ili isos kati kandren ta adek ala loken le badeh, oro anyolom ma anuhun lau sakaliye ame hawe oro, ma arah i buku doh, “Aha kadi iy ndramak badeh, kimek ki-iu!” Eme ma oro lau ta bahun bwese-ei iy i kase oro iu ili loken, ma iri badai iy bwe.

Aposel 19:33

Eme iri Juwis andrekei Aleksandra ili udu mwena tiri ma iri rayah sarakau, ta iy ki-in hamon ta boho iri. Eme ma iy tiye iri mari kandru-uk, ya iy kamekes sahou ta aseben iri lau.

Rebelesen 16:16

Eme ma, malawi oro balik ma taloh nane badeh, ame tukumwi iri kabin mara-ei ala le loboho doh, i boho Hiburu badeh, iri aloh Amagedon.

Rebelesen 9:11

Kabin tiri udu aliy ta atondrok iri badeh, angelo ari udu mwena ta mana munu lek nane doh. Ili boho iri Hiburu badeh, iri aloh nyaran Abadon. Ya boho iri Grik badeh, iri aloh iy Apoliyon. Moson ta aliy i buku, “Ndramak ta bokoro-ei iri lakou mara-ei ano iu.”

Aposel 13:16

Eme Pol ales udu loken edeu minen i loken amunum le ma anya, “Ado lau badu Isra-el, hawe ado lau badu leheleh, ado ta atudun Kindrei, ado kanuhun bohok!

Aposel 6:1

Na len doh badeh, kane iri lau nane a-en hamon ta Jises ma atehei budon tiri handru i ta Kindrei i sola le ai. Eme ma iri Juwis nane asehek boho iri Grik badu bolo iri lau ta Kindrei badeh, tebelese hawe iri Juwis rayah nane asehek boho Aramek. Iri Grik anya iri badih nyau tiri badeh, bakohok nyamon sola bwe.

Tarou ta Jon 19:20

Sahou nane doh iri torowenei ili boho kon tiri Hiburu, boho kon tiri Latin (Rom), ma boho kon tiri Grik. Iri Juwis badeh, solo-an ame anyolom sahou nane iri torowenei udu ta kei tondreh ta Jises. Tasah kon nane iri tatahi Jises udu aliy bado len ta kon tinan nane doh bwe.

Tarou ta Jon 19:17

Iri tiye iy ta bwese kei tondreh tan. Iy bwese-ei ili isos kon ari iri aloh “Kon ta bwisi bar ta ndramak,” ili boho kon tiri Hiburu iri aloh Golgata.

Tarou ta Jon 19:13

Pailat anuhun iri sahou nane doh, eme iy sirini Jises eme manan ja. Ano Pailat manyah udu andri bada koyeu tiri kabin, udu loboho bolo asiu doh iri aloh “Bek Malahan.” (Iri Hiburu aloh Gabata.)

Tarou ta Luk 23:38

Ya sahou tanan ari badeh, torowenei udu bwele-e batu Jises tiye i buku doh: “Idah Kabin tiri Juwis”

Aposel 1:19

Eme iri lau badu Jerusalem anuhun badeh, ma tondrohani kon iy imek udu aliy doh i boho kon tiri aloh Akeldama, moson ‘munyak ta ndrahu ndra.’