Aposel 21:33 - Nyindrou

³³ Ndramak tinan ta atondrok iri lau ta bahun eme tawi Pol, ma tiye oro lau tan i buku doh, “Ado kasawei iy ndramak dah na la-uh sen.” Eme ma iy ndremenya iri lau nane i buku doh, “Ya, iy ndramak dah, iy are lau handru? Ma iy amekes saba kandriyen ndra-in handru?”

Aposel 21:33 Referans Kwoze

Epesus 6:20

Jo ndramak ta atiye sahou mwasin dah, ma ta idah le jo ili udu bolo asiu lulik. Kindrei atehei jo, ma jo amekes gok ta atiye sahou tan. Eme ma, aha kasolom kili ta Kindrei, ta jo kameh winiyan banoh ta atiye sahou mwasin dah bwe.

Aposel 21:11

Iy eme asahan hawe aso, ano iy andrei molowa awin ta Pol. Ma iy bawei iy le, katin hawe minen ma la-uh na aliy, ma iy tiye eme taso i buku doh, “Malawin Ndrabun nane tiye eme tek i buku doh, tama molowa awin dah kameh iu ili bolo asiu lulik ili Jerusalem. Iri Juwis badu Jerusalem kameh bawei katin ma minen i buku doh. Ma iri kameh atehei iy ili mine iri lau badu leheleh, ta iri winiyan amekes kandriyen ndra-in i tan.”

Aposel 20:23

Jo le badeh, tanan ta Malawin Ndrabun ndrabatanau jo ta i buku jo ili bolo kon tinan mari, idah kameh, maha-an hawe a bolo kou udu aliy abe-en jo.

Aposel 12:6

Na ben ano kon kaleu doh badeh, Herot kameh edeu iy i ta sahou. Ya Pita badeh, amadin ndrokowa uru lau ta bahun ma la-uh. Sawei iy badeh, na sen ma la-uh. Ya, oro lau ta bahun rayah ja badeh, ado ta ndrokei ado madasan tinan, loboho manan.

Aposel 28:20

Ta katin doh le, eme jo aloh aha marakon ame. Jo anya kanyolom aha, ma kasehek sahou hawe aha. Tasah, jo atehei budon tek mara-ei, ma jo atondrok sahou tandrakan nane taha lau marakon badu Isra-el atondrok kede-eh. Ta idoh le, iri bawei jo na sen dah.”

Aposel 22:29

Eme ma oro lau ta bahun nane bawei Pol ma anya ka-um iy badeh, anuhun sahou doh ja, oro anoh ma oro tolowei iy. Tinan ta atondrok iri lau ta bahun mara-ei nane doh inoh ale, tasah iy badeh, tiye iri lau ta bahun ta bawei Pol na malou ma sen. Ya, iy tanan idoh ndrabun, ndrabun labai ta apeu ari ndramak laleyah, buku nyaran udu bolo buk badu Rom.

2 Timoti 2:9

Ou bwetenei jo ale, ta ales boto-on ma bwese iri maha-an. Jo ndratiye sahou mwasin, eme ma, ta kandriyen le doh iri lau abudon anya jo ndramak ndra-in, ma iri atehei jo ili bolo asiu lulik. Arile, sahou ta Kindrei winiyan bala bado bolo asiu lulik barah bare gwek bwe.

2 Timoti 1:16

Arile, jo aso-ok Kindrei katikisi Onesiporus ma hawe lowan oro, tasah Onesiporus badeh, bwidi ndrinek sekesek san solo-an labai. Ma bwilin bama jo bwe, kala jo udu bolo asiu lulik dah.

Aposel 26:29

Pol anya, “Buku len sese le, o, len ari ma buruwen badeh, ndra mwasin le. Jo asolom ili ta Kindrei i buku, ou ma hawe iri lau marakon are kede-eh, anuhun sahou tek dan, aha marakon kameh winiyan asahan buku le jo. Arile, jo bwalek ta iri kameh bawei aha na sen, ma atehei aha ala ado bolo asiu lulik.”

Aposel 25:16

Eme ma jo anya, ‘Kandriyen ta gapman badu Rom edeu ndramak ili ta sahou i buku doh: Buku rayah lau anya kadeu ari ndramak ki ta sahou, iy ndramak doh badeh, katiye len tan ta asehek sahou hawe oro bwena, op. Gabman winiyan bati-i sahou tan iu laleyah bwe, buku i ndramak nane basehek saba lakou iy amekes bado mada sahou bwe.’

Aposel 22:30

Na len ari ja badeh, tinan ta atondrok iri lau ta bahun mara-ei nane dah tolowei Pol, ma iy udu bolo kowah laleyah. Ma tinan tiri lau ta bahun mara-ei dah anya kasilah kati sahou doh ale, iri Juwis nane amekes ta adeu Pol i ta mada sahou. Eme ma iy atehei sahou ili tiri tinan tiri pris, ma hawe iri kansol mara-ei tiri Juwis, ta kame ta tukum doh. Ma iy andrei Pol ili atehei iy ales ere mada iri mara-ei.

Pilipai 1:7

Ado badeh, adek ma badu hawek handru en, ta atiye sahou mwasin ta nyala Jises Krais. Eme badeh, jo atona i buku doh, ewek tado ta tikisiy ta Kindrei weleyani eme tato mari. Ya jo udu bolo kou kada-ah ma hawe jo mene ales udu ta sahou badeh, jo batotoreh bwe, jo tiye sali sahou amwenen i toro. Ma jo tiye sahou boto-on i toro ta nyala Jises Krais badeh, wasai bwe, handru.