Aposel 21:24 - Nyindrou

²⁴ Ya, ou ala hawe oro ala bolo asiu tinan ta Kindrei, ma ado kamekes kandriyen ta Kindrei ta amekes ado kasahan ha-un ta mada Kindrei. Ma ou asih lakou toro ta asun i ta salom, ta oro winiyan asik batu oro. I buku ou amekes i buku doh, iri kameh anyolom ou amekes amwenen handru i buku le kandriyen tiri Juwis. Ma iri kameh winiyan batehei budon tiri ba-en ta sahou, iri anuhun lau rayah mene amekes ewek tam.

Aposel 21:24 Referans Kwoze

Aposel 21:26

Na len ari ja, Pol andrei oro lau ma hahuw nane doh, ma oro au ala asiu tinan ta Kindrei. Ma oro ala amekes kandriyen tiri Juwis ta iri kasahan ha-un ta mada Kindrei. Ano, oro adek ala bolo asiu tinan ta Kindrei, ma Pol eme tiye iri tinan ta bwena ta asiu ta Kindrei, ta len sabe handru kameh ta kandriyen toro lau ma hahuw kameh amekes ano iu, ma na saba len ja kameh oro kame katiye lakou ta adeu i nyara salom ili ta Kindrei.

Aposel 24:18

Ya, iri atou jo ere bolo asiu tinan ta Kindrei, ma iri atou jo sikine badak ndrano, in hamon ta kandriyen tiri Juwis ta asahan ha-un ja ta mada Kindrei, ma ari ndramak, o, rayah lau batukum bame hawek, ma aso andra-i bwe. Ma ari ndramak barah laleyah bwe.

Aposel 18:18

Eme Pol udu Korin udu gwek luwen sese. Ano iy ruwani nadu tinen oro ado gwek, ya iy ili kon Senkriya anya kalakak kala Siriya, ma Prisila uru Akwila a hawen ale. Iy ba-au bwe le badeh, iy udu Senkriya asiki batun iu tasah tandrakan tan mene ndrano.

1 Korin 9:20

I buku jo udu hawe iri Juwis, jo akohok kandriyen tiri Juwis amwenen, ma jo kameh winiya ariu iri solo-an ame hamon. Iri badeh, ado bahandra tondrok ta kandriyen malen ta Moses, jo badeh, bwe. Arile jo atehei jo mara-ei udu bahandra kandriyen malen, ta ariu iri Juwis ame hamon ja.

Galesiya 2:12

Na len Jemis basuni oro lau rayah bala hawe Pita bwe le badeh, Pita aimon nyamon hawe iri lau badu leheleh. Arile udu, oro lau ta Jemis asahan ale, iy inoh ma iy ruwani ta aimon nyamon hawe oro lau badu leheleh. Eme iy baimon nyamon hawe oro ja bwe. Tasah, iy inoh oro Juwis doh, tiye tiri lau badu leheleh kasan ku-i iri bwena.

Tarou ta Jon 11:55

Len ndrabun iri aloh Pasoba ma nyamon tinan ta jabi ramen yis bolon bwe tiri Juwis anya kasahan, eme iri lau solo-an badu loboho doh adek au ala le loken Jerusalem, ta sikine ndraka-an udu tiri iu, ano iri baramekes Pasoba.

Tarou ta Jon 3:25

Eme losen sese asahan ndrokowa oro lau ta Jon ma hawe ndramak ari badu Juwis, ta kandriyen ta sikine iri lakou ta salom.