Aposel 21:19 - Nyindrou

¹⁹ Aso ateu lim hawe oro, ma aso mari ja sekesek a le se. Ano Pol asehek nyala iri lakou marakon nane Kindrei amekes ere bolo iri mwan ma badih badu leheleh udu bolo iri len bwena mene iy amekes lahou tan.

Aposel 21:19 Referans Kwoze

Aposel 14:27

Eme uru ala asos Antiyok badeh, uru nyuruwini iri lau ta Kindrei atukum, ma tiye i tiri ta lahou mari Kindrei ndramesekei na mine uru, ma i buku sah Kindrei ndrasihi san ndra tiri lau badu leheleh ta budon handru.

Aposel 1:17

Judas badeh, mene badu hawe to ta amekes lahou dah.

1 Korin 15:10

Arile, Kindrei badeh, mwasin labai! Iy bwidi jo asahan aposel tan, ma jo udu kada-ah, ma tikisiy tan eme tek badeh, bala laleyah bwe. Jo amekes gok boto-on labai udu bwele-en ja tiri aposel tan. Arile, jo le amwenen bamekes iri gok marakon nane doh bwe. Kindrei tikisi jo, iy eme atehei boto-on eme tek ta amekes iri gok marakon nane doh.

Aposel 20:24

Arile, jo badeh, balek basin ta kohak bwe. Jo le badeh aseken ta jo kisos bilisiu ta bolo sakaliye tek, ma kamesekei kano lahou Laban Jises ndratehei kanik. Lahou doh ta atiye sahou mwasin ta nyala tikisiy ta Kindrei, ma ta leheya eme lewan.

Kolosi 1:29

Ya, ahi aso-ok lakou doh kasahan handru, eme ma, na le boto-on ta Krais edeu eme tek, jo amekes gok dah boto-on labai.

2 Korin 12:12

Na len mene jo udu hawe aha, jo amekes lakou solo-an labai ta leheya aha, buku jo aposel handru, ma Kindrei amwenen tiye jo ta ewek. Ehe, jo amwenen atehei jo iu ili andri mara-ei, ma amekes iri gok solo-an buku doh: Jo amekes kalem solo-an ndrawek taha, ma lahou tinan rayah bwidi mani iri mwan ma badih atur, ta anyolom boto-on ili ta Kindrei.

2 Korin 6:1

Ahi aposel badeh, abo gok hawe Kindrei, ma ahi tiye sahou boto-on ewek taha i buku doh, “Aha badeh, ndrakohok tikisiy ta Kindrei. Eme ma, kora-on aha karuwani laleyah.

Aposel 15:12

Eme iri lau mari badeh, andru-uk ado le anuhun Banabas uru Pol asehek sahou ta nyala kalem ma lahou tinan mene Kindrei amekes udu ndrokowa iri lau badu leheleh na mine uru.

Aposel 15:4

Eme, na len uru ame Jerusalem badeh, iri lau ta Kindrei ma hawe iri aposel ma hawe iri batun tiri lau ta Kindrei sekesek handru turu ame hawe iri. Eme uru asehek i tiri ta nyala iri lakou mari Kindrei ndramesekei na mine uru.

Metiu 23:7

Ya oro anya lau mari kasumon oro na len ta baen. Ma oro anya lau kaloh oro ‘ndramak ta leheya.’