Aposel 21:16 - Nyindrou

¹⁶ ma oro lau rayah ta Jises badu Sesariya adek hawe aso ale. Oro tiyani aso ala asos asiu ta ndramak ari badu busu Saipres nyaran Nason. Iy ndreh doh mene in hamon ta Jises ndra bwena labai. Eme ma aso ado asiu tan.

Aposel 21:16 Referans Kwoze

Aposel 21:8

Na len ari ja badeh, ahi alakak are Tolomes ala kon tinan Sesariya. Udu loboho doh, badeh aso ala asahan asiu ta lau ta Jises ari nyaran Pilip, ma aso amadin hawen. Iy ta atiye sahou ta Jises na len mari, ma iy badu hawe oro lau ma ndro taloh mene iri lau ta Kindrei hawe oro aposel badu Jerusalem atehei oro ta aseben iri lau ta Kindrei.

Pilemon 1:9

Arile bwai, jo bwalek amekes i buku doh. Tasah, kandriyen ta tikisiy badeh, turuki talu ma la-uh. Eme ma jo asehek amunum le ewek tam. Jo Pol, jo kawas tam handru, ma jo badeh, udu ndra bolo asiu lulik kada-ah kahis, tasah katin ta jo atiye sahou mwasin ta Krais Jises.

La-ukei ta Pol atorou ili tiri lau badu kon Rom 16:7

Ya sekesek tek doh ki ta Andronikus hawe Juniyas. Uru badeh, ndraye ahi rabuk ta amekes lahou hawek ya uru hawe jo mene aso ado bolo kou. Ya uru ma la-uh badeh, lahou turu ili labai udu bolo ndrokowa oro aposel ta Jises. Ma uru atehei budon turu handru i ta Krais bwena tek.

Aposel 15:39

Eme uru andres ili, ma uru aseker. Eme Banabas kuhi Mak i hawen ma uru alakak au ala Saipres.

Aposel 11:19

Ya oro lau ta budon handru i ta Kindrei mene aseker ta iri mene adai Stiben badeh, iri rayah aseker ala kon munyak tinan Ponisiya, ma busu Saipres ma kon tinan Antiyok atiye sahou i tiri Juwis le.

Aposel 10:48

Ya, eme iy tiye ta kalomwa oro na boto-on ta nyara Jises Krais. Ano oro tiye Pita udu hawe oro len sabe op.

Aposel 10:24

Ano i bada len ari ja badeh, iy isos Sesariya. Ya Koniliyus badeh, abe-en oro kameh asahan na len doh. Eme iy luhi oro kawas tan, hawe lowan oro badu mirihik tan ala hawen.

Aposel 8:40

Ya Pilip badeh, ili ja asahan Asdot; eme iy ili bolo kon tinan mari atiye sahou mwasin ili ili asahan Sesariya.

Aposel 4:36

Eme Josep badeh, badu boho kamen ta Libai, adeu iy udu Saipres, ya oro aposel badeh, aloh iy Banabas (moson “ndramak ta edeu tanan mwasin.”)

Aposel 15:7

Eme hamon ta oro andres luluwen badeh, Pita eme ales ere loken tiye anya, “Ado nadu tine, ado badeh, mene ndratanan ta jo dah mene ndra mwena ndra-au, Kindrei lebelei jo udu bolo ado eme len ta atiye sahou mwasin i tiri lau badu leheleh ta iri kanuhun ma katehei budon handru ki ta Kindrei.