Aposel 21:13 - Nyindrou

¹³ Arile, Pol tiye i taso ja i buku doh, “Buku sah? Ado satikisi jo, ma ado satehei tikisiy badeh, same tek. Ado kanuhun, jo banoh ta ili bolo asiu lulik ili bolo kon tinan Jerusalem bwe, ma jo banoh bwe ale, buku iri anya kadi jo, tasah jo asehek nyara Jises, iy tinan labai. Eme ma ado winiyan batawi jo ta udu ja bwai.”

Aposel 21:13 Referans Kwoze

Aposel 20:24

Arile, jo badeh, balek basin ta kohak bwe. Jo le badeh aseken ta jo kisos bilisiu ta bolo sakaliye tek, ma kamesekei kano lahou Laban Jises ndratehei kanik. Lahou doh ta atiye sahou mwasin ta nyala tikisiy ta Kindrei, ma ta leheya eme lewan.

Pilipai 2:17

Ado mene atehei ado a nyara salom ala ta Kindrei kabatana ado atehei budon tado handru i ta sahou tan. I buku none iri pris adeu lakou i ta salom. Eme ya, ki buku none ndrayek kamou ya jo kimek, idoh kameh i nyara kalem ta sekesek tek ewek tado ta lowosa salom tado. Idoh kameh i nyara kalem ta salom, iri pris asolou waen i ta salom, ta edeu sendrehendreh ta salom mari ano. Ma idah kameh, Kindrei anyolom ma iy kameh sekesek ta aliy.

2 Timoti 4:6

Ya, ou a-en hamon tiri lakou mene jo ndrasehek tam, tasah len tek ta imek badeh, ndrame mirihik labai. Ma ndrayek kameh amou i buku waen, iri lau ale adeu i ta Kindrei i nyara salom.

Rebelesen 12:11

Iri mwan ma badih ta Kindrei tataha badeh, ndrame len laleyah ta mada iri sahou ndra-in nane balik tiyaniy ili mine Kindrei ta iri kandriyen mara-ei iri amekes. Tasah Jises badeh, imek udu bada kei tondreh, ma ndrayen amou tubuluhi kandriyen ndra-in tiri mwan ma badih nane atehei budon tiri mara-ei in tan. Eme ma, ta idoh le badeh, iri mara-ei ndrasakalawi balik. Ma iri ale atiye sahou tan mwasin, ma ta kandriyen nane doh, iri ndrasakalawi kandriyen ndra-in tan. Iri batehei budon tiri ba-en ta manyah tiri badu munyak bwe. Iri badeh, alelei ili le mine iri lau nane a-en hamon ta balik adai iri amak.

Kolosi 1:24

Na bolo len dah badeh, jo udu bolo asiu lulik, arile jo sekesek ta akohok sisi-in, tasah lakou dah aseben aha. I buku doh: Krais anya, jo kameh bwese sisi-in udu bolo len, ta jo anya katiye sahou mwasin ta aseben iri mwan ma badih ta Kindrei. Lau ta Kindrei doh a buku bada Krais. Eme ma, jo aso-ok sisi-in doh Krais ndraleheyaniy ndrame tek badeh, kaseben iri mwan ma badih ta Kindrei.

2 Pita 1:14

Tasah, Laban tataha Jises Krais ndratiye ndraleu ndrame tek buku luwen bwe, kameh jo ruwani ado.

Aposel 20:37

Iri marakon tawi iy, ma iri aden, iri tikisi iy tinan labai, ma iri bwale iri iy iu.

Aposel 5:41

Eme oro aposel ame len ta mada iri kansol ma sekesek tinan labai ta Kindrei badeh, ndranyulumwi oro badeh, mwasin labai ta bwese maha-an ta nyara Jises.

Rebelesen 3:10

Aha badeh, a-en hamon ta sahou tek, ma aha ales boto-on labai tiri maha-an marakon. Eme ma, jo kameh atondrok aha ta iri lakou anya kasahan ta none iri mwan ma badih badu kon munyak mara-ei, idoh kameh winiya bandruni aha bwe.

2 Timoti 1:4

Jo asolom ili ta Kindrei badeh, jo abudon ale ta len mene jo ruwani ou, ma wa-i madam mene iroh en. Eme ma, jo anya kanyolom ou ja, ma jo kameh sekesek labai.

1 Korin 15:31

Aha nadu tine mwan ma badih, na bolo len marakon jo atona iri lau anya kadi jo kimek ki-iu. Jo asehek sahou handru! Arile, jo sekesek tinan labai ta gok mene jo amekes ta akohok aha ame hawe Jises Krais, eme ma, jo asehek iri sahou dah.

Aposel 9:16

Jo amwenen kameh leheya iy ta iri maha-an ma sisi-in, iy kameh bwese ta nyarak.”

Pilipai 2:26

Iy kameh ewek hawe ado, tasah iy tikisiy ma kohan apwe ado ma anya katou ado mari. Eme iy tanan ado mene ndranuhun iy ibo sik.

Jona 1:6

Ndramak tinan ta atondrok ndron dah ili andri bolo ndron, iy mete-ei Jona. “Ou amadin ta sah? Ou amak, ou asolom kili ta kindrei tam. Sebwe kindrei tam kameh winiyan anuhun to, ma iy winiya aseben to samak.”