Aposel 21:11 - Nyindrou

¹¹ Iy eme asahan hawe aso, ano iy andrei molowa awin ta Pol. Ma iy bawei iy le, katin hawe minen ma la-uh na aliy, ma iy tiye eme taso i buku doh, “Malawin Ndrabun nane tiye eme tek i buku doh, tama molowa awin dah kameh iu ili bolo asiu lulik ili Jerusalem. Iri Juwis badu Jerusalem kameh bawei katin ma minen i buku doh. Ma iri kameh atehei iy ili mine iri lau badu leheleh, ta iri winiyan amekes kandriyen ndra-in i tan.”

Aposel 21:11 Referans Kwoze

Aposel 21:33

Ndramak tinan ta atondrok iri lau ta bahun eme tawi Pol, ma tiye oro lau tan i buku doh, “Ado kasawei iy ndramak dah na la-uh sen.” Eme ma iy ndremenya iri lau nane i buku doh, “Ya, iy ndramak dah, iy are lau handru? Ma iy amekes saba kandriyen ndra-in handru?”

Aposel 20:23

Jo le badeh, tanan ta Malawin Ndrabun ndrabatanau jo ta i buku jo ili bolo kon tinan mari, idah kameh, maha-an hawe a bolo kou udu aliy abe-en jo.

1 Pita 1:12

Arile, Kindrei leheyani iri propet, ta sahou oro asehek na boho oro, idoh winiyan basahan na len iri ado kon munyak dah, ma lakou nane doh kameh aseben iri bwe. Iy tiye toro ta saba lakou kameh asahan na bolo len hamon tiri mwan ma badih basahan kon munyak bwe le. Iri propet badeh, asehek sahou ta nyala iri lakou kameh asahan nadah, aha ndranuhun sahou mwasin badu boho iri lau mene ndrame ndrasehek taha ta aliy. Malawin Ndrabun ta Kindrei badeh, udu kandrah eme andri kon munyak, ma i la-u iri lau tan, ma iri ame atiye sahou mwasin doh kewek taha. Iri angelo badu kandrah ale, aso-ok labai ta akohok tanan ta kati sahou mwasin ta Krais.

Hiburu 10:34

Aha amekes mwasin ili tiri lau ado bolo asiu lulik. Ma iri lau rayah akohok lokowa aha laleyah iu, arile aha babolosen ta aliy bwe, aha sekesek. Aha amekes i buku doh, tasah aha ndratanan lakou taha mwasin udu aliy. Iri lakou doh udu bwele-en labai ja tiri lakou badu munyak, ma iri kameh winiyan bandra-i bwe ta udu le buku doh.

Hiburu 3:7

Malawin Ndrabun asehek boho Kindrei i buku doh: “Buku aha anuhun bohok na dah,

2 Timoti 2:9

Ou bwetenei jo ale, ta ales boto-on ma bwese iri maha-an. Jo ndratiye sahou mwasin, eme ma, ta kandriyen le doh iri lau abudon anya jo ndramak ndra-in, ma iri atehei jo ili bolo asiu lulik. Arile, sahou ta Kindrei winiyan bala bado bolo asiu lulik barah bare gwek bwe.

Epesus 6:20

Jo ndramak ta atiye sahou mwasin dah, ma ta idah le jo ili udu bolo asiu lulik. Kindrei atehei jo, ma jo amekes gok ta atiye sahou tan. Eme ma, aha kasolom kili ta Kindrei, ta jo kameh winiyan banoh ta atiye sahou mwasin dah bwe.

Epesus 4:1

Jo Pol, jo udu bolo asiu lulik, ta amekes gok ta Laban dah. Eme ma, jo batanau aha boto-on. Bwena mene, iri atiye sahou mwasin ewek taha, ma aha atehei budon handru in ta Jises. Eme ma, aha ka-en hamon ta kandriyen amwenen ta kohan handru.

Epesus 3:1

Jo Pol, jo ta amekes lahou ta Krais Jises, eme ma jo udu bolo asiu lulik kada-ah. Tasah, jo badeh, atiye sahou i buku doh: Aha mwan ma badih badu leheleh, aha ale are bolo iri lau ta Kindrei.

Aposel 28:25

Eme ma iri asehek sahou solo-an ta andres ere ndrokowa iri le amwenen, ma iri kadek ka-au. Arile, ma mwena badeh, Pol sihidi sahou randra i tiri i buku doh, “Malawin Ndrabun badeh, asehek sahou handru ili ta tubu taha iri eme boho propet Aisaya. Iy asehek i buku doh:

Aposel 28:20

Ta katin doh le, eme jo aloh aha marakon ame. Jo anya kanyolom aha, ma kasehek sahou hawe aha. Tasah, jo atehei budon tek mara-ei, ma jo atondrok sahou tandrakan nane taha lau marakon badu Isra-el atondrok kede-eh. Ta idoh le, iri bawei jo na sen dah.”

Aposel 28:17

Pol udu Rom buku len taloh ai, eme ma iy atehei sahou ili tiri tinan tiri Juwis kame ta tukum ari. Iri marakon ndrame ndratukum ndrano, iy eme tiye tiri i buku doh, “Aha nadu tine, jo in hamon ta kandriyen ta tubu taha iri mene. Jo ale bamekes ari lakou ta bolowa iri lau tataha bwe. Arile, iri tawi jo ili bolo asiu lulik udu Jerusalem, ano iri atehei jo ili mine iri Rom.

Aposel 26:29

Pol anya, “Buku len sese le, o, len ari ma buruwen badeh, ndra mwasin le. Jo asolom ili ta Kindrei i buku, ou ma hawe iri lau marakon are kede-eh, anuhun sahou tek dan, aha marakon kameh winiyan asahan buku le jo. Arile, jo bwalek ta iri kameh bawei aha na sen, ma atehei aha ala ado bolo asiu lulik.”

Aposel 24:27

Arile, Peliks anya kasahan kawas hawe iri Juwis, ma iy baruwani Pol udu bolo asiu lulik bame len bwe. Eme ma jaha ma la-uh ano iu, ma ndramak ari ja nyaran Porsiyus Pestus akohok kon ta Peliks, ma iy akohok gok tan.

Aposel 22:25

Eme ma iri lau ta bahun ame bawei Pol, ano iri anya ka-um iy ai. Arile, Pol badeh, ales ere mirihik ta ndramak tinan ta bahun ari, iy ta atondrok iri rayah ai. Eme Pol tiye i ta ndramak nane i buku doh, “Ou anuhun se, buku nyara ndramak udu bolo buk badu kon Rom, ya kandriyen ta batanau asehek i buku doh, iy kili ta mada sahou mwena op, ta seleya iy ndramak nane doh, bwidi kandriyen handru o bwe. Ya, i buku sah handru, na idah ja ado kameh anya ka-um jo laleyah?”

Aposel 16:6

Eme Pol hawe oro lau badu hawen, adek ala loboho kon munyak tinan Prijiya hawe Galesiya. Oro badeh, batiye sahou bala bolo kon tinan badu Esiya bwe. Tasah, Malawin Ndrabun badeh, tiye oro sala.

Aposel 13:2

Ya eme oro atudun Laban hawe abeles oro ta nyamon ili badeh, ma Malawin Ndrabun anya, “Ado katehei Banabas uru Sol badeh, kare len ta amekes lahou tek mene jo aloh uru kamekes.”

Aposel 9:16

Jo amwenen kameh leheya iy ta iri maha-an ma sisi-in, iy kameh bwese ta nyarak.”

Tarou ta Jon 18:1

Jises asolom ano le badeh, iy hawe oro lau tan, oro adek ala bolo gwa Kindron ala asahan bilisiu. Udu loboho bilisiu nane doh, bilin ta Olip udu aliy, eme Jises ma hawe oro lau tan ala ado bolo bilin nane doh.

Aposel 8:29

Eme Malawin Ndrabun tiye Pilip anya, “Ou ala mirihik ta sau ale iri hos aliu kodo-on.”

Aposel 21:4

Aso ala kon doh, ma ndruni oro lau ta Jises rayah, ma aso are hawe oro are gwek, winiya len ma ndro taloh. Udu bolo len doh badeh, boto-on ta Malawin Ndrabun tiye sahou randra ili tiri. Eme ma iri tiye sahou nane doh ili ta Pol i buku doh, “Ou sala kon tinan Jerusalem labai, bwe kameh iri kadai ou amak.”

1 Timoti 4:1

Malawin Ndrabun tiye aleu i buku doh: Na len hamon eme, lau rayah kameh ruwani budon handru tiri; ya iri kameh an hamon ta malawin ndra-in ta wasai, ma an hamon ta leheya ndra-in tiri balik.