Aposel 20:6 - Nyindrou

⁶ Arile, aso badeh, alakak ado Pilipai ala badeh, udu hamon ta nyamon tinan ta jabi ramen yis bolon bwe. Aso alakak na len limeh, ano aso asos Trowas hawe oro. Eme aso ado gwek len ndro taloh.

Aposel 20:6 Referans Kwoze

Aposel 12:3

Eme iy anyolom, buku iri Juwis badeh, sekesek ta aliy, iy ili abwiyeh ta aseu Pita ale. Idoh badeh, udu bolo len ta nyamon tinan ta jabi ramen yis bala bolon bwe.

Aposel 16:12

Ya eme udu doh badeh, aso adek ala lokei ala Pilipai. Kon doh badeh, kon ari tinan labai udu bolo kon munyak tinan Masadoniya, ya iri Rom atondrok kon doh. Eme aso ado doh len sabe sese.

2 Timoti 4:13

Buku ou anya ame, ou andrei awin tek lawe-en mene jo ruwaniy udu hawe Kapus udu ndra Trowas. Ma balem samani iri buk tek, ma hawe iri buk tek rayah ale iri amekes na ku-i katin haka.

1 Tesalonaika 2:2

Aha marakon ndratanan, aso mene are Pilipai badeh, iri lau atikah aso, a-um aso, ma aso akohok sisi-in ma maha-an tinan labai ta aliy. Arile, Kindrei tataha ales udu hawe aso, ma atadau ndrine aso, ma aso barou bala hamon, ta bahun nane doh bwe. Aso abadok labai, ma adek ame hawe aha, ma asehek sahou mwasin ta Kindrei ewek taha.

Pilipai 1:1

Aru ma la-uh badeh, lohowan ta Krais Jises, jo Pol hawe Timoti. Jo Pol atorou la-ukei dah badeh, hawe budon ta Timoti ale in se hawek, ta ewek tado lau mari, budon tado ihis in ta Krais Jises, ma ado lau ta Kindrei, ado kon Pilipai badeh. Ma hawe i toro lau ta batun ta Kindrei, ma hawe i tiri lau badu ndrokowa ado, ta aseben iri lau ta Kindrei.

Aposel 28:14

Loboho bolo kon tinan doh, ahi ndruni lau ta Kindrei rayah, iri ame ndremenya ahi kare hawe iri winiya wik ari op. Ano iri ado, ahi adek amwenen au ala kon tinan Rom.

Aposel 21:8

Na len ari ja badeh, ahi alakak are Tolomes ala kon tinan Sesariya. Udu loboho doh, badeh aso ala asahan asiu ta lau ta Jises ari nyaran Pilip, ma aso amadin hawen. Iy ta atiye sahou ta Jises na len mari, ma iy badu hawe oro lau ma ndro taloh mene iri lau ta Kindrei hawe oro aposel badu Jerusalem atehei oro ta aseben iri lau ta Kindrei.

Aposel 21:4

Aso ala kon doh, ma ndruni oro lau ta Jises rayah, ma aso are hawe oro are gwek, winiya len ma ndro taloh. Udu bolo len doh badeh, boto-on ta Malawin Ndrabun tiye sahou randra ili tiri. Eme ma iri tiye sahou nane doh ili ta Pol i buku doh, “Ou sala kon tinan Jerusalem labai, bwe kameh iri kadai ou amak.”

Aposel 16:8

Ya eme oro sakalawi kon Misiya ma adek ala andri ala kon tinan Trowas.

Aposel 16:10

Eme ya Pol anyolom lele doh ano le badeh, aso alokou aso i le rasan, ta aso kala Masadoniya. Tasah, aso tanan Kindrei badeh, aloh aso kala katiye sahou mwasin ki tiri.

Aposel 20:5

Oro lau doh badeh, ala bwena ala Trowas abe-en aso.

Aposel 20:16

Eme Pol atehei budon ta aso kasakalawi Epesus ta teleya aso badeh, sare loboho munyak tinan badu Esiya sado luluwen. Tasah, iy ibotatahan ta ili isos Jerusalem na len tinan ta Pentikos.