Aposel 20:4 - Nyindrou

⁴ Ya oro lau a hawen badeh, nadu Pirus nyaran Sopater badu kon Beriya, Aristakus hawe Sekundus badu kon Tesalonaika, ya Gayus badu kon Debi, ma hawe Timoti, Titikus ma hawe Tropimus badu kon munyak Esiya.

Aposel 20:4 Referans Kwoze

Aposel 19:29

Eme se nawin bwe, lau mari badu bolo kon tinan mari sarakau. Eme iri tawi uru lau ta Pol ma la-uh. Gayus uru Aristakus, uru badu Masadoniya, ya iri seheyani uru ala lohalak ndrahu tukum ta lau mari.

2 Timoti 4:20

Erastus badeh, ere ndra Korin kahis. Ya, Tropimus badeh, sik udu tan, ma jo ruwani iy udu ndra Miletus.

Epesus 6:21

Tikikus kameh barasehek nyala aha ta iri gok marakon jo amekes. Tikikus badeh, iy nadu tine taha ari handru, ma iy ndramak ari mwasin ta amekes lahou ta Laban. Jo badeh, aso-ok iy labai.

Taitus 3:12

Jo kameh tiye ari turu lau ma la-uh doh awek akohok kon tam, Atemas deh Titikus kameh ewek hawem. Ya, i buku none ari turu asahan le badeh, jo aseken ou ame hawek ame kon tinan Nikopolis. Katin ta jo anya ou ame badeh, i buku doh: Tasah, jo ndratehei budon tek ta ili udu doh, na len ta jor ma ur.

2 Timoti 4:12

Jo suni Tikikus ndrala Epesus.

Kolosi 4:7

Tikikus kameh barasehek taha, tiri gok marakon jo amekes. Tikikus badeh, ibo gok i buku le jo, iy nadu tine taha handru, ma iy ndramak ari mwasin handru ta amekes lahou ta Laban.

Aposel 21:29

Iri tiye iy i buku doh, tasah iri mene anyolom ndramak ari nyaran Tropimus, iy badu kon tinan Epesus, edek bolo kon tinan hawe Pol, ma iri abudon anya, Pol kede-eh ndrandrei iy ndrame bolo asiu tinan ta Kindrei dah.

Aposel 16:1

Eme Pol edek ili isos Debi ano iy ili Listra. Eme udu kon doh badeh, ndramak ari ta budon handru manyah udu aliy nyaran Timoti. Tinen badu Juwis ma budon tan handru ndra ta Jises, arile taman badu Grik.

Aposel 14:6

Arile, uru takalahei tanan tiri doh, ma eme uru atobwak au ala kon tinan Listra hawe Debi, udu kon tinan Likoniya, ma hawe uru ala loboho kon munyak doh ale.

Kolosi 4:10

Aristakus badeh, udu bolo asiu lulik hawek, iy anya, bada-an ewek taha. Ma Mak badeh, kali Banabas, iy ale anya, bada-an tan ewek taha. Buku iy ewek hawe aha, aha kasekesek ta akohok iy, buku jo ndratehei sahou mene ndrawek taha.

3 Jon 1:1

Jo Jon, jo udu bwena, ta atondrok lau ta Kindrei. Gayus, jo atorou la-ukei dah ewek tam. Ou nadu tinek handru. Jo aseken ou.

Pilemon 1:24

Ma hawe oro lau ta amekes lahou hawek ale, buku Mak, Aristakus, Demas hawe Luk, oro badeh, anya bada-an toro mwasin ewek tam ale.

2 Timoti 1:2

Timoti, ou badeh, buku naduk handru, ta lakou ta Kindrei, eme ma, jo atorou la-ukei ramen ja dah ewek tam. Jo aso-ok tama taha Kindrei hawe Laban tataha Krais Jises, uru mala-uh katikisi ou ma katondrokei ou, ma kabwidi ou ado mwasin.

1 Timoti 1:1

Jo Pol: Jo badeh, aposel ari ai, ta Krais Jises. Idoh badeh, asahan na sahou boto-on ta Kindrei, ndramak ta seben taha ma hawe Krais Jises, iy ndramak ta taha katehei budon handru ki tan.

Pilipai 2:19

Ya ta nyara Timoti, i buku none Laban Jises asumon eh, kameh jo suni iy ewek hawe ado udu gwek sese. Ya, i buku none iy eme hamon kameh, iy winiyan asehek nyalak ta bolo manyah tado, ma idah kameh mesekei ndrinek sekesek ta aliy.

2 Korin 1:19

Jo hawe Sailas uru Timoti, aso ma taloh mene atiye sahou udu ndrokowa aha. Ma sahou ta Nadu Kindrei, Jises Krais doh handru. Ma aha atanan, Krais badeh, winiyan batubuni iy bwe. Iy badeh in le hamon ta so-ok ta Kindrei, ma iy amekes gok tan ta in hamon tiri sahou tandrakan Kindrei mene amekes eme tataha mwan ma badih.

2 Korin 1:1

Jo Pol, jo aposel ari ta Krais Jises. Ta so-ok ta Kindrei le amwenen, iy atehei jo asahan aposel. Jo hawe nadu tine taha ari Timoti, aru mala-uh atorou la-ukei dah ewek taha mwan ma badih ta Kindrei are kon Korin, hawe iri mwan ma badih ta Kindrei marakon are loboho kon munyak tinan Akaya.

La-ukei ta Pol atorou ili tiri lau badu kon Rom 16:23

Ma Gayus ale tiye sekesek tan ewek taha. Iy aloh ma atukum aso lau mara-ei ta Kindrei ala asiu tan, ma hawe iy atondrok aso. Ya Erastus ndramak ta atondrok luk ta kon tinan ma hawe nadu tine taha Kuwartus tiye sekesek turu ewek taha ale.

La-ukei ta Pol atorou ili tiri lau badu kon Rom 16:21

Ma eme Timoti, ndramak ta amekes lahou hawek ale tiye sahou sekesek tan ewek taha; ma hawe Lusiyus, hawe Jesen, hawe Sosipater ale. Oro lau ma taloh doh badeh, oro Juwis i le buku jo.

Aposel 27:2

Ahi sandroh ala ndron ra-ei badu kon tinan Adramitiyum. Ndron doh anya kalakak lawe-e le bada kon tinan mara-ei loboho Esiya. Eme ma ahi alakak au a len. Ndramak ari nyaran Aristakus, badu Tesalonaika udu bolo kon munyak tinan Masadoniya badeh, udu bolo ahi ale.

Aposel 17:1

Uru adek ame bolo kon Ampipolis hawe kon Apoloniya ma ame asos kon tinan Tesalonaika. Ya udu kon doh badeh, ndrahu tukum tiri Juwis udu aliy.

Aposel 14:20

Arile, udu hamon ta iri lau atehei budon tiri handru in ta Kindrei awudi iy, ano badeh, iy suri iy eme loken edek iu ili hamon ja ili kon tinan. Ano len ari ja badeh, Pol uru Banabas au ala kon Debi.

Aposel 2:9

To badeh, badu kon munyak tinan Partiya, Midiya, ma Elam. To ale badu kon munyak tinan Mesopotemiya, Judiya, Kapadosiya, Pontus hawe Esiya.

Aposel 16:6

Eme Pol hawe oro lau badu hawen, adek ala loboho kon munyak tinan Prijiya hawe Galesiya. Oro badeh, batiye sahou bala bolo kon tinan badu Esiya bwe. Tasah, Malawin Ndrabun badeh, tiye oro sala.

Aposel 17:13

Eme na len iri Juwis badu Tesalonaika anuhun Pol atiye sahou ta nyala Kindrei udu Beriya badeh, eme iri ala doh ale amekes ndrine iri lau atukum doh towodau.

Aposel 20:16

Eme Pol atehei budon ta aso kasakalawi Epesus ta teleya aso badeh, sare loboho munyak tinan badu Esiya sado luluwen. Tasah, iy ibotatahan ta ili isos Jerusalem na len tinan ta Pentikos.

Aposel 20:18

Eme iri asahan badeh, iy tiye i toro i buku doh, “Ado badeh, ndratanan bolo manyah tek ma mwena handru kabatana jo eme udu hawe ado eme eme taku len dah, udu loboho kon tinan badu Esiya.