Aposel 20:25 - Nyindrou

²⁵ “Ya, jo mene edek ewek bolo ado atiye sahou ta nyala tondrok ta Kindrei. Arile, na dah jo tanan idah kameh, ado winiyan banyolom jo ja bwe.

Aposel 20:25 Referans Kwoze

Aposel 28:31

Iy banoh bwe ta asehek nyala tondrok ta Kindrei i tiri, ma iy leheya iri ta sohowa Laban Jises Krais.

Aposel 20:38

Iri badeh, tikisiy tinan labai ta iri sahou nane iy asehek tiri anya, iri kameh winiyan banyolom madan ja bwe. Eme ma iri tiyani iy ili isos bolo ndron.

Metiu 4:23

Jises edek ili loboho Galili mara-ei, leheya ma asehek sahou mwasin ta tondrok ta Kindrei udu bolo asiu ta atukum tiri Juwis, ma iy bwidi iri sik ndra-in mari udu bada iri lau iu.

Kolosi 2:1

Jo Pol, jo aso-ok aha katanan lakou dah: Jo badeh, ibo gok boto-on labai ta aseben aha mwan ma badih badu Kolosi, ma iri mwan ma badih badu Leyodisiya, hawe iri mwan ma badih rayah ale banyolom madak bwe le.

Galesiya 1:22

Na len doh, iri lau ta Kindrei badu Judiya bala tanan jo bwe le.

La-ukei ta Pol atorou ili tiri lau badu kon Rom 15:23

Arile, na dah lahou tek ta amekes udu loboho kon dah badeh, ndrano. Jaha solo-an labai ndra-au jo aseken handru ta ewek atou aha, arile jo mene winiyan bwe.

Aposel 8:12

Arile, na len Pilip tiye tiri ta sahou mwasin ta nyala tondrok ta Kindrei ma hawe nyara Jises Krais, iri mwan hawe iri badih badeh, atehei budon tiri in ta sahou ta Pilip, ma alomwa iri.

Tarou ta Luk 16:16

“Sahou ta nyala batanau mene Moses torowenei hawe iri sahou tiri propet badeh, sendrehendreh ta aliy kabatana le Jon ta alomwa, kabwe. Ya, sahou mwasin ta nyala tondrok ta Kindrei badeh, ndratiye udu kabatana Jon ta alomwa, eme taku idah. Eme lau mari badeh, atuw iri alih bolon.

Tarou ta Luk 9:60

Arile Jises tiye i tan ja, “Iri lau amak badeh, kado gwek. Idah kameh, iri lau badu hawe iri barala bara-eh iri. Arile, ou badeh, adek ala atiye sahou ta nyala tondrok ta Kindrei.”

Metiu 13:52

Eme ya Jises asehek i toro i buku doh, “Abo, jo asehek tado, are lau iy tanan ta batanau malen ta Moses, ma iy ndra-en baha tondrok ta Kindrei, iy kameh asahan buku none tama asiu ra-em tinan. Ma iy winiyan ili bolo asiu ya akohok iri lakou mwasin sowan tinan, ma tiyani iri lakou ha-un, ma hawe iri lakou malen eme lewan.”

Metiu 13:19

Iri lau rayah anuhun sahou mwasin nyala tondrok ta Kindrei, arile iri tanan katin handru bwe. Iri buku none le buwa wit taku ereu san, ya balik eme kuhi iu suwi handru sahou mwasin Kindrei tahiy ereu budon tiri.

Metiu 10:7

Ado kala kasehek nyala iri buku doh, ‘Mirihik kameh Kindrei eme atondrok iri lau badu kon munyak.’

Metiu 4:17

Udu bada len doh Jises asehek sahou ma bwena handru, eme ma iy tiye i buku doh: “Ado katobolowe ndrine ado, ma ado katikisiy handru ta kandriyen ndra-in tado, tasah tondrok ta Kindrei ndrame mirihik.”